KPT+

៤ វិធីដែលរហ័សទាន់ចិត្ត នឹងរកស៊ីអនឡាញឲ្យមានគេទទួលស្គាល់ច្រើន

បានផុស

៣ years មុន

នៅ

ថ្ងៃពុធ ១៧ មីនា ២០២១

ដោយ

បណ្ដាញសង្គមគឺជាបណ្ដាញផ្សព្វផ្សាយចម្បងសម្រាប់អ្នកទីផ្សារ ភាគច្រើនដោយមិនគិតពីទំហំអាជីវកម្មណាមួយឡើយ។ ប៉ុន្តែអាជីវកម្មជាច្រើនបានធ្វើឲ្យមានផលប៉ះពាល់ដល់ប្រព័ន្ធ ផ្សព្វផ្សាយសង្គម ពីព្រោះពួកគេមិនបានកំណត់លក្ខណៈសម្រាប់ខ្លួនគេ នៅក្នុងវេទិកាជាក់លាក់ណាមួយឡើយ។

តើអ្វីជាការកំណត់លក្ខណៈនៃអាជីវកម្ម ក្នុងប្រព័ន្ធផ្សព្វផ្សាយសង្គម ឲ្យមានគេស្គាល់ច្រើន។ អានអត្ថបទទាំងអស់គ្នា ៖

១. សកម្មនិងឆ្លើយតប

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនាមជាម្ចាស់អាជីវកម្ម គួរតែយកចិត្តទុកដាក់ចំពោះយីហោរបស់យើង នៅក្នុងប្រព័ន្ធផ្សព្វផ្សាយសង្គម។ អតិថិជនអាចរកព័ត៌មានដែលពួកគេចង់បាន ក្នុងរយៈពេលតិចជាងមួយនាទី។ ដូច្នេះសូមចូលរួម និងសកម្មជាប្រចាំ។

ការបង្ហោះម្ដងម្កាលមិនអាចផ្ដល់ឲ្យនូវលទ្ធផលពីការចែករំលែក ការចូលចិត្ត និងបញ្ជូនមកវិញបានទេ។ កុំភ្លេចថាអាជីវកម្មដែលបានទទួលជោគជ័យកាន់តែខ្លាំង នៅលើប្រព័ន្ធផ្សព្វផ្សាយសង្គម បានធ្វើការយូរអង្វែងមួយចំនួន ដោយមានគោលបំណងច្បាស់លាស់។

យើងក៏គួរតែយកចិត្តទុកដាក់ចំពោះអតិជន ហើយឆ្លើយតបសារនិងយោបល់របស់ពួកគេ ក្នុងរយៈពេលពីរបីម៉ោង មិនមែនក្នុងរយៈពេលពីរបីថ្ងៃទៀតឡើយ។

២. បន្ថែមតម្លៃជាមួយភាពចម្រុះ

វេទិកាប្រព័ន្ធផ្សព្វផ្សាយសង្គមផ្សេងៗគ្នា បម្រើប្រភេទមាតិកាផ្សេងៗគ្នា ហើយខ្លឹមសារដែលបង្កើតឡើងសម្រាប់វេទិកាមួយ អាចមិនមានប្រសិទ្ធភាពសម្រាប់មួយទៀតឡើយ។

ទោះយ៉ាងណាក៏ដោយ យើងនៅតែអាចបន្ថែមតម្លៃដោយផ្ដល់ជូននូវមាតិកាចម្រុះ។ កុំទៅបង្កើតមាតិកាជាមួយតំណភ្ជាប់ ដែលស្នើឲ្យទស្សនិកជនអ្នកបង្កើតគំនិតរបស់គេ។ យើងអាចបិទផ្សាយការណែនាំ ឬរូបមន្តផ្សេងៗ ដើម្បីឱ្យអតិថិជន ស្វែងយល់បន្ថែមអំពីផលិតផលនិងសេវាកម្មរបស់យើងវិញ។

៣. ឈានទៅដល់អ្នកដែលមានឥទ្ធិពល

អាជីវកម្មដែលបានស្ទាត់ជំនាញក្នុងការចូលរួមជាមួយអតិថិជន និងទទួលបានជោគជ័យកាន់តែខ្លាំង ហើយតែងតែត្រូវគេសរសើរនោះគឺការធ្វើឱ្យមានទំនាក់ទំនងល្អប្រសើរនិងមានឈ្មោះកំពូលនៅក្នុងទីផ្សារ។

អ្នកដឹកនាំអាជីវកម្មដែលគ្មានបទពិសោធន៍ មិនព្យាយាមឈោងចាប់អ្នកមានឥទ្ធិពលឡើយ។ តាមពិតយើងមិនខាតបង់អ្វីទាំងអស់ ប្រសិនបើពួកគេបដិសេធសាររបស់យើង។ ប៉ុន្តែចងចាំថា យើងមិនគួរធ្វើសំណើដោយគ្មានការពិចារណាឲ្យហ្មត់ចត់ អំពីរឿងនោះទេ។ យល់ល្អគួរយកចិត្តទុកដាក់ចំពោះអ្នកមានឥទ្ធិពល ដើម្បីលើកទឹកចិត្តពួកគេឱ្យលើកកម្ពស់ផលិតផលនិងសេវាកម្មរបស់យើង។

មានវិធីជាច្រើនដូចជា ស្នើសុំបញ្ជូនផលិតផល ឬផ្ដល់ជូននូវការសាកល្បងឥតគិតថ្លៃសម្រាប់សេវាកម្មទៅពួកគេ។ ទំនាក់ទំនងជាមួយមនុស្សឥទ្ធិពល អាចផ្ដល់នូវភាពជឿទុកចិត្តបាន និងមានឥទ្ធិពលលើយីហោរបស់យើងទៅថ្ងៃមុខ។

៤. ផ្អែកលើការវិភាគនិងយុទ្ធសាស្ត្រ

តាមដានរាល់ការបង្ហោះរបស់យើង វាពិតជាមានសារៈសំខាន់ណាស់ ប្រសិនបើចង់ធ្វើឱ្យយុទ្ធនាការមួយនេះជោគជ័យ។ បន្ទាប់ពីយុទ្ធនាការនីមួយៗចប់ យើងគួរតែធ្វើការស្រាវជ្រាវហ្មត់ចត់និងទុកទិន្នន័យ។

ព័ត៌មានទាំងនេះ អាចផ្ដល់ឱ្យយើងនូវជំនួយ ដើម្បីបង្កើតយុទ្ធនាការកាន់តែប្រសើរឡើង នៅពេលក្រោយ។ បង្កើតមាតិកាដែលមានគុណភាព ត្រូវមើលពីរបៀបដែលអតិថិជនរបស់យើងឆ្លើយតបចំពោះយុទ្ធនាការ និងធ្វើការផ្លាស់ប្ដូរការសន្ទនាដោយមិនខ្វល់ពីពេលវេលា៕

ប្រែសម្រួល៖ សាង ស្រីល័ក្ខ

ចុចអាន៖មិនអាចធ្វើការរហូតដល់ចូលជរាទេ អាចចាប់ផ្ដើមរៀនពីការរកស៊ីពីថ្ងៃនេះទៅ