ប្រយ័ត្នមេរោគឆ្លង! កន្សែងជូតខ្លួនមិនគួរប្រើឱ្យលើសពី៣ដងទេ

អ្នកជំនាញសុខភាពណែនាំថា កន្សែងជូតខ្លួន គួរតែបោកសម្អាត បន្ទាប់ពីប្រើប្រាស់បាន ២​ដង។ ដោយសារកន្សែងជូតខ្លួន កន្សែងពោះគោ ឬក្រមាដែលយើងប្រើម្ដងរួចហើយ មេរោគនឹងតោងជាប់ ហេតុនេះពេលយើងប្រើកន្សែងជូតខ្លួនច្រើនដង មេរោគក្នុងបន្ទប់ទឹកក៏តោងជាប់កន្សែង បង្កឱ្យកើតមេរោគកាន់តែច្រើនទៅតាមនោះដែរ។

ដើម្បីការពារសុខភាពពីការឆ្លងមេរោគក្នុងបន្ទប់ទឹក គួរតែបោកគក់សម្អាតកន្សែងជូតខ្លួន ឱ្យបានញឹកញាប់ ដើម្បីចៀសផុតពីវីរុសឬបាក់តេរី។ ដំបូន្មានល្អបំផុត គួរតែបោកគក់កន្សែងបន្ទាប់ពីប្រើ កុំឱ្យលើសពី ៣ ដង ឬយូរបំផុតត្រឹមមួយសប្ដាហ៍បានហើយ។

ក្រៅពីកន្សែង ដែលត្រូវបោកគក់ឱ្យបានជាប្រចាំ គ្រប់សម្ភារប្រើប្រាស់ក្នុងបន្ទប់ទឹក ក៏គួរតែសម្អាតជាទៀងទាត់ផងដែររួមមាន ប៉ុងដុះខ្លួន ច្រាសដុះធ្មេញ និងកែវទឹក។ល៕

ប្រែសម្រួល៖ សន្យា

ប្រភព៖ Lifehack

ចុចអាន៖ បង្ការមេរោគតោងជាប់ វត្ថុក្នុងផ្ទះប៉ុន្មាននេះ ត្រូវសម្អាតជាប្រចាំ

ចុចអាន៖ ក្រៅពីវិធានការ ៣ការពារ ៣កុំ ទាំងនេះជាវិធីប្រឆាំងការចម្លងពីវីរុសកូវីដ កំលុងនៅផ្ទះ