ព័ត៌មានជាតិ

មេបញ្ជាការកងពលតូចអន្តរាគមន៍លេខ៧ថ្មី យកអំណោយសម្តេចបវរធិបតី ចែកជូនគ្រួសារកងទ័ព និងអតីតយុទ្ធជន៥០៣គ្រួសារ

បានផុស

៧ ខែ មុន

នៅ

ថ្ងៃព្រហស្បតិ៍ ៩ តុលា ២០២៥

ដោយ

ព្រះវិហារ ៖ នៅព្រឹកថ្ងៃទី០៨ ខែតុលា ឆ្នាំ២០២៥ លោកឧត្តមសេនីយ៍ទោ ផុន សុម៉ាលី មេបញ្ជាការកងពលតូចអន្តរាគមន៍លេខ៧ ចំណុះកងពលធំអន្តរាគមន៍លេខ៣ បាននាំអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទ មុន្នី ចែកជូនបងប្អូនប្រជាពលរដ្ឋគ្រួសារកងទ័ព និងអតីតយុទ្ធជនចំនួន៥០៣គ្រួសារ រស់នៅតំបន់ព្រំដែនក្នុងស្រុកជាំក្សាន្ត ខេត្តព្រះវិហារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ទោ ផុន សុម៉ាលី បានថ្លែងពាំនាំនូវប្រសាសន៍ផ្តាំផ្ញើសាកសួរសុខទុក្ខដោយក្តីនឹករលឹកពីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវបណ្ឌិត ពេជ ចន្ទមុន្នី ក៏ដូចជាថ្នាក់ដឹកនាំក្រសួងការពារជាតិ អគ្គបញ្ជាការនៃកងយោធពលខេមរៈភូមិន្ទ បញ្ជាការដ្ឋានកងទ័ពជើងគោក និងមេបញ្ជាការកងពលធំអន្តរាគមន៍លេខ៣ ផ្ញើជូនបងប្អូនប្រជាពលរដ្ឋគ្រួសារកងទ័ព និងអតីតយុទ្ធជន ដែលមានវត្តមាននៅទីនេះ។

លោកឧត្តមសេនីយ៍ទោមេបញ្ជាការ ក៏បានថ្លែងជម្រាបជូនបងប្អូនប្រជាពលរដ្ឋអំពីស្ថានភាពសន្តិសុខតាមតំបន់ព្រំដែនបច្ចុប្បន្ន ដែលកើតមានឡើងដោយសារការបំពាន និងសកម្មភាពឈ្លានពានរបស់កងទ័ពថៃ។ លោកបានថ្លែងអំពាវនាវឱ្យប្រជាពលរដ្ឋទាំងអស់រក្សាភាពអត់ធ្មត់ និងមានការជឿជាក់លើរាជរដ្ឋាភិបាល ដែលកំពុងតែខិតខំថែរក្សាដែនដី អធិតេយ្យ របស់យើងឱ្យមានសុវត្ថិភាព។

លោក ផុន សុម៉ាលី បន្តថា អំណោយដែលនាំចែកជូនដល់គ្រួសារកងទ័ព និងអតីតយុទ្ធជននាពេលនេះ មានគ្រឿងឧបភោគ បរិភោគ ថវិកា គឺជាការគិតគូរយកចិត្តទុកដាក់ដ៏ខ្ពង់ខ្ពស់បំផុត និងការអាណិតអាសូរដ៏ជ្រាលជ្រៅ របស់សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ចំពោះគ្រួសារកងទ័ព និងអតីតយុទ្ធជនរបស់យើងនៅតាមព្រំដែន៕

ដោយ ៖ ជុន កុសល