ព័ត៌មានជាតិ

រដ្ឋបាលខេត្តកណ្តាលសម្រេចផ្អាកការលក់គ្រឿងស្រវឹងគ្រប់ប្រភេទជាបណ្ដោះអាសន្ន

បានផុស

៥ years មុន

នៅ

ថ្ងៃចន្ទ ១២ មេសា ២០២១

ដោយ

រដ្ឋបាលខេត្តកណ្តាលនៅថ្ងៃទី១២មេសាឆ្នាំ២០២១នេះ បានសេចក្តីសម្រេចស្តីពី ការអនុវត្តវិធានការរដ្ឋបាលជាបណ្តោះអាសន្ន ចំពោះការផ្អាកការលក់គ្រឿងស្រវឹងគ្រប់ប្រភេទ និងផ្អាកការទទួលអតិថិជនឱ្យចូលមកទទួលទានក្នុងភោជនីយដ្ឋាន អាហារដ្ឋាន តូបអាហារ ហាងកាហ្វេ ហាងភេសជ្ជៈ និងអាជីវកម្មដ្ឋានផ្នែកអាហារ ភេសជ្ជៈគ្រប់ប្រភេទ។

រដ្ឋបាលខេត្តបានបន្តថា “ត្រូវបានដាក់ចេញនូវវិធានការរដ្ឋបាលជាបណ្ដោះអាសន្នដើម្បីទប់ស្កាត់ការឆ្លងជំងឺកូវីដ១៩ ចាប់ពីថ្ងៃទី១២ខែមេសាដល់ថ្ងៃទី១៨ ខែមេសា ឆ្នាំ២០២១ ដោយផ្អាកជាបណ្ដោះអាសន្នការលក់គ្រឿងស្រវឹងគ្រប់ប្រភេទនិងគ្រប់ផ្សាររដ្ឋ ផ្សារទំនើប ផ្សារម៉ាតភោជនីយដ្ឋានអាហារដ្ឋានស្តង់អាហារនិងហាងលក់ភេសជ្ជៈគ្រប់ប្រភេទនឹងផ្អាកជាបណ្ដោះអាសន្ននូវអាជីវកម្មភោជនីយដ្ឋានអាហារដ្ឋានតូបអាហារហាងភេសជ្ជៈហាងកាហ្វេនិងអាជីវកម្មផ្នែកអាហារភេសជ្ជៈគ្រប់ប្រភេទដែលទទួលអតិថិជនឲ្យចូលមកទទួលទានក្នុងបរិវេណទីតាំងអាជីវកម្មអាហារទាំងនោះ ប៉ុន្តែអាចប្រកបអាជីវកម្មលក់ដូរជាលក្ខណៈវេចខ្ចប់បាន”៕

ដោយ ៖ សំអឿន