ព័ត៌មានជាតិ

ចុះពិនិត្យការបិទទីតាំង០៤កន្លែង ដែលជាប់សង្ស័យថា មានការឆ្លងជំងឺកូវីដ-១៩ នៅក្រុងប៉ោយប៉ែត

បានផុស

៥ years មុន

នៅ

ថ្ងៃសុក្រ ២៣ មេសា ២០២១

ដោយ

ឯកឧត្តម អ៊ុំ រាត្រី អភិបាលនៃគណៈអភិបាលខេត្តបន្ទាយមានជ័យ នៅរសៀលថ្ងៃសុក្រ ទី២៣ ខែមេសា ឆ្នាំ២០២១ បានដឹកនាំក្រុមការងាររួមមានលោកឧត្តមសេនីយ៍ទោ សិទ្ធ ឡោះ ស្នងការខេត្ត លោកឧត្តមសេនីយ៍ បោន ប៊ិន មេបញ្ជាការអាវុធហត្ថខេត្តចុះត្រួតពិនិត្យការបិទទីតាំងចំនួន០៤កន្លែងដែលជាប់សង្ស័យថា មានការឆ្លងរាលដាលនៃជំងឺកូវីដ-១៩ ពីជនជាតិឥណ្ឌូនេស៊ី នៅក្រុងប៉ោយប៉ែត ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីតាំងដែលត្រូវបិទទាំងអស់នោះរួមមាន៖ ១.ទីតាំងសណ្ឋាគារកាស៊ីណូប៉ោយប៉ែតភែលេសផ្លាស ស្ថិតក្នុងភូមិក្បាលស្ពាន១ សង្កាត់.ក្រុងប៉ោយប៉ែត, ២.ទីតាំងផ្ទះសំណាក់៩៩៩ ស្ថិតក្នុងភូមិក្បាលស្ពាន១ សង្កាត់.ក្រុងប៉ោយប៉ែត, ៣.ទីតាំងវីឡាមួយកន្លែងក្នុងបូរីរស្មីដូងច័ន្ទ ស្ថិតក្នុងភូមិសាមគ្គីមានជ័យ សង្កាត់.ក្រុងប៉ោយប៉ែត, ៤.ទីតាំងអាគារជួលម៉ាវង្សាដើមស្វាយ ស្ថិតក្នុងភូមិសាមគ្គីមានជ័យ សង្កាត់.ក្រុងប៉ោយប៉ែត។ ទីតាំងខាងលើជាទីកន្លែងដែលឈ្មោះ ចនហាន់ ស៊ូហានតូ ភេទប្រុស អាយុ៣៤ឆ្នាំ ជាជនជាតិឥណ្ឌូនេស៊ី ស្នាក់នៅផ្ទះជួលក្នុងបូរីដួងច័ន្ទ ដែលបានធ្លាប់បានចេញចូល និងមានវិជ្ជមានជំងឺកូវីដ១៩។

បច្ចុប្បន្នទីតាំងខាងលើ ត្រូវបានបិទខ្ទប់មិនឲ្យចេញចូល ចំណែកអ្នកជំងឺជាជនជាតិឥណ្ឌូនេស៊ី ត្រូវបានបញ្ជូនទៅព្យាបាលនៅមន្ទីរពេទ្យមិត្តភាពកម្ពុជា-ជប៉ុន ស្រុកមង្គលបុរី។ ជាមួយនិងការចុះនេះដែរ ឯកឧត្តមអភិបាលខេត្ត បានពិនិត្យយ៉ាងយកចិត្តទុក្ខដាក់និងពិភាក្សាជាមួយក្រុមការងារគណៈបញ្ជាការខេត្តក្រុងថា តើត្រូវបិទខ្ទប់ទីតាំងណាខ្លះ។ នៅទីតាំងអគារជួលម៉ាវង្សាដើមស្វាយ ស្ថិតក្នុងភូមិសាមគ្គីមានជ័យ ដែលមានជនបរទេសស្នាក់នៅធ្វើការច្រើន ត្រូវបានក្រុមគ្រូពេទ្យយកសំណាកលើអ្នកនៅអាគារនេះទាំងអស់ ឲ្យតែមានការជាប់ពាក់ព័ន្ធ។