ព័ត៌មានជាតិ

នាំអំណោយដ៏ថ្លាថ្លៃរបស់ លោកជំទាវ ម៉ែន សំអន ប្រគល់ជូនមន្ត្រីចូលនិវត្តន៍នៅតំបន់បិទខ្ទប់

បានផុស

៥ years មុន

នៅ

ថ្ងៃចន្ទ ៣ ឧសភា ២០២១

ដោយ

លោក ហុង ឡុង នាយកខុទ្ទកាល័យ ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បាននាំយកអំណោយដ៏ថ្លាថ្លៃរបស់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ដ្រី រដ្ឋមន្ដ្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ប្រគល់ជូនដល់ លោក ម៉ែន សុផល្លី នាព្រឹកថ្ងៃអាទិត្យ ៦រោច ខែពិសាខ ឆ្នាំឆ្លូវ ត្រីស័ក ពុ.ស.២៥៦៥ ត្រូវនឹងថ្ងៃទី២ ខែឧសភា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ម៉ែន សុផល្លី ជាមន្ត្រីចូលនិវត្តន៍ ដែលបច្ចុប្បន្នកំពុងមានជំងឺប្រចាំកាយ បច្ចុប្បន្ន ស្នាក់នៅ ក្រុងតាខ្មៅ ខេត្តកណ្ដាល ដែលជាតំបន់បិទខ្ទប់ (Lockdown)។

ឆ្លៀតក្នុងឱកាសនោះ លោកនាយកខុទ្ទកាល័យក៏បានពាំនាំការផ្ដាំផ្ញើសាកសួរសុខទុក្ខពីសំណាក់លោកជំទាវកិត្តិសង្គហបណ្ឌិត ម៉ែន សំអន ជូនចំពោះគ្រួសាររបស់ លោក ម៉ែន សុផល្លី ដោយក្តីនឹករលឹក ដែលជានិច្ចកាលលោកជំទាវ បានគិតគូរអំពីសុខទុក្ខរបស់មន្ត្រីរាជការក្រោមឱវាទ។

លោកនាយក ក៏បានបានជូនពរឲ្យឆាប់ជាសះស្បើយពីជំងឺ និងបាននាំយកអំណោយរបស់ លោកជំទាវកិត្តិសង្គហបណ្ឌិត ប្រគល់ជូនក្រុមគ្រួសារ លោក ម៉ែន សុផល្លី រួមមាន អង្ករ ត្រីខ មី ទឹកត្រី និងទឹកស៊ីអ៊ីវ៕

អត្ថបទ ៖ វិមាន

Related Topics:អំណោយ