ព័ត៌មានជាតិ

អាល់កុលក្លែងក្លាយ១២តោន បាននាំយកទៅបំផ្លាញចោល ក្រោយបង្រ្កាបនៅទីផ្សារ

បានផុស

៥ years មុន

នៅ

ថ្ងៃពុធ ១២ ឧសភា ២០២១

ដោយ

អាល់កុលក្លែងក្លាយ ឬមេតាណុល១២តោន ត្រូវបានមន្ត្រីអគ្គនាយកដ្ឋាន«ក.ប.ប.» នាំយកទៅបំផ្លាញចោល កាលពីថ្ងៃទី១១ ខែឧសភា ឆ្នាំ២០២១ នៅទីលានចាក់សំរាម ក្រោយបង្ក្រាបបាននៅទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អំឡុងប្រទេសជួបវិបត្តិកូវីដ១៩ ជនឱកាសនិយមបានឆ្លៀតពេលកេងចំណេញ ដោយបានយកអាល់កុលក្លែងក្លាយយកមកលក់ចែកចាយ ដោយមិនបានគិតសុខភាព និងសុវត្ថិភាពប្រជាពលរដ្ឋនោះទេ។ ក្នុងពេលនោះដែល ដោយមានការណែនាំ និងចង្អុលបង្ហាញពី ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ក្នុងការបន្តស្រាវជ្រាវ និងបង្ក្រាបករណីអាល់កុលក្លែងក្លាយ ឯកឧត្តម ផាន អូន ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» ចាប់បាន អាល់កុលក្លែងក្លាយ ឬមេតាណុល១២តោន ក៏បានយកទៅកម្ទេចចោលនៅទីលានសំរាម ដែលស្ថិតនៅក្នុងខណ្ឌដង្កោ រាជធានីភ្នំពេញ។

ជាថ្មីម្តងទៀត អគ្គនាយកដ្ឋាន ក.ប.ប. សូមអំពាវនាវដល់បងប្អូនដែលជាអាជីវករលក់ដុំ លក់រាយ ម្ចាស់ឱសថស្ថាន ម្ចាស់ផ្សារទំនើប និងអ្នកនាំចូលផលិតផលអាល់កុលទាំងអស់ សូមប្រកបរបរអាជីវកម្មប្រកបដោយការទទួលខុសត្រូវ ប្រកាន់ខ្ជាប់នូវក្រមសីលធម៌ និងសុចរិតភាព ដោយគិតពីសុខុមាលភាពរបស់ប្រជាពលរដ្ឋខ្ពស់ជាងផលចំណេញរបស់ខ្លួន៕

ប្រភព៖ អគ្គ. ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ CCF

Related Topics:ផលិតផលក្លែងក្លាយ