ព័ត៌មានជាតិ
អាជ្ញាធរខេត្តកោះកុង យកកូនឈើជាង២០០ដើម ដាំស្តារព្រៃឈើឡើងវិញនៅតំបន់ការពារ
ក្រោយមើលឃើញពីហានិភ័យបាត់បង់ព្រៃឈើ និងដីធ្លីនៅតំបន់ការពារធម្មជាតិ អាជ្ញាធរខេត្តកោះកុង ស្រុកថ្មបាំង សហការជាមួយមន្ត្រីជំនាញពាក់ព័ន្ធ បានយកកូនឈើជាង២០០ដើមទៅដាំស្តារកូនឈើឡើងវិញនៅចំណុចកោះខ្យ៉ាង។
សកម្មភាពដាំស្តារព្រៃឡើងវិញ ធ្វើឡើងចំថ្ងៃព្រះរាជពិធីចម្រើនព្រះជន្មព្រះមហាក្សត្រខ្មែរផង និងជាសារក្រើនរំលឹកដល់ពលរដ្ឋ និងសាធារណជនចូលរួមទប់ស្កាត់ការកាប់បំផ្លាញព្រៃឈើខុសច្បាប់ផង។
លោក អន សុធារិទ្ធ អភិបាលស្រុកថ្មបាំង គូសបញ្ជាក់កាលពីថ្ងៃទី១៤ ខែឧសភាថា ដីធ្លីតំបន់ការពារជាង២០ហិចតាបានរងផលប៉ះពាល់អំឡុងខែមេសាកន្លងទៅ ដោយសារពលរដ្ឋខិលខូចលួចទន្ទ្រានធ្វើកម្មសិទ្ធិដោយបំពានច្បាប់ តែទោះបីជាអាជ្ញាធរ និងមន្ត្រីបរិស្ថានបង្ក្រាបទប់ស្កាត់បានជាបន្តបន្ទាប់។
តាមលោកអភិបាលស្រុកថ្មបាំងអះអាងថា ក្រុមពលរដ្ឋដែលជាជនសង្ស័យទាំងនោះ សុទ្ធតែមានដីធ្លីប្រើប្រាស់គ្រប់គ្រាន់ហើយ តែដោយភាពលោភលន់ហួសប្រមាណបន្តទន្ទ្រានដីរដ្ឋ និងដីការពារយ៉ាងអនាធិបតេយ្យទុកលក់ឱ្យឈ្នួញកណ្តាល។ កន្លងទៅអាជ្ញាធរស្រុក ព្រមទាំងមន្ត្រីបរិស្ថាន ធ្លាប់ឃាត់ខ្លួនមនុស្សភ្លាមៗ ដោយបញ្ចូនទៅតុលាការ ក្រោយពេលធ្វើសកម្មភាពទន្ទ្រានកាប់ព្រៃយកដីការពារ។
បទល្មើសធនធានធម្មជាតិក្នុងមូលដ្ឋានស្រុក ត្រូវបានលោក អន សុធារិទ្ធ ពន្យល់ថា អាជ្ញាធរមន្ត្រីបរិស្ថាន និងអង្កការ វ៉ាយអេត តែងផ្សព្វផ្សាយអប់រំណែនាំដល់ពលរដ្ឋឈប់កាប់រុករកព្រៃឈើដោយការពារដោយច្បាប់បន្ត ពុំនោះទេរងការឃាត់ខ្លួនផ្តន្ទាទោសជាមិនខាន។
ចំណែកលោកស្រី មិថុនា ភូថង អភិបាលខេត្តកោះកុង លើកឡើងដែរថា ការដាំស្តារកូនព្រៃឈើ២១០ដើមនេះ នៅភូមិត្រពាំងឈើត្រាវ ឃុំឬស្សីជ្រុំ ជាសារមួយផ្ញើដល់ពលរដ្ឋ រួមគ្នាការពារនិងបញ្ឈប់ការរុករាលយកដីព្រៃធម្មជាតិបន្តទៅទៀត ពីព្រោះថា ព្រៃឈើផ្តល់អត្ថប្រយោជន៍យ៉ាងសំបូរបែបដល់មនុស្សលោក ហើយក៏ត្រូវឱ្យមនុស្សការពារព្រៃឈើវិញ។ ប៉ុន្តែយើងបំផ្លាញព្រៃឈើ ទៅអនាគតព្រៃឈើក៏នឹងបំផ្លាញដល់មនុស្សលោកដែរ។
ទាក់ទិននឹងដីធ្លី លោកស្រីអភិបាលខេត្តបញ្ជាក់ថា រដ្ឋបាលខេត្ត និងមន្ទីរជំនាញបានវាស់វែងធ្វើទិន្នន័យជាក់លាក់រួចរាល់ពីតំបន់អភិរក្សការពារដែលប្រជាពលរដ្ឋរស់នៅអាស្រ័យផលជាក់ស្តែង ដើម្បីកាត់ឆ្វៀលជូនពលរដ្ឋ។ ដូច្នេះសុំចិត្តបងប្អូនពលរដ្ឋមួយចំនួនតូចកុំបន្តកាប់ទន្ទ្រានព្រៃឈើខុសច្បាប់។
តាមរបាយការណ៍លោក ហ៊ុន ម៉ាឌី ប្រធានមន្ទីរបរិស្ថានខេត្តកោះកុងបង្ហាញថា កូនឈើដាំស្តារឡើងវិញលើផ្ទៃទំហំជាង២ហិកតានេះ មាន៥ប្រភេទ ដោយទី១កូនឈើក្រញ៉ូង ទី២ផ្ទឹតឧត្តម ទី៣កកោះ ទី៤ដួងថែម និងទី៥ស្តៅព្រៃ។ ក្នុងចំណោមទំហំផ្ទៃដីសរុបរងផលប៉ះពាល់ជាង២០ហិចតាស្ថិតនៅតំបន់ការពារអភិរក្ស។
ប្រធានមន្ទីរបរិស្ថានខេត្តអះអាងថា ក្រោយដាំស្តារព្រៃនៅចំណុចខាងលើ លោក សហការជាមួយរដ្ឋបាលស្រុកថ្មបាំង ក្រុមមន្ត្រីបរិស្ថាន និងអង្កការ វ៉ាយអេត ដាក់វេនគ្នាឃ្លាំមើលបន្តដើម្បីការពារកូនឈើទើបដាំហើយ ប្រការខ្លាចក្រែងមានពលរដ្ឋខិលខូចលួចដកចេញ។
ក្នុងស្រុកថ្មបាំង ក្រៅពីចំណុចកោះខ្យ៉ាង ក៏មានតំបន់ព្រៃឈើដ៏ទៃទៀតរងការបំផ្លាញដូចគ្នាដោយរដ្ឋបាលស្រុក និងខេត្តកំពុងកំណត់ពេលវេលានាំគ្នាដាំស្តារព្រៃឡើងវិញបន្តផងដែរ៕
អត្តបទ ៖ សិរីវឌ្ឍនៈ
សម្តេចធិបតី ហួសចិត្តដែលលោកស្រី មួរ សុខហួរ និងបក្ខពួកទៅសុំអឺរ៉ុបដាក់ទណ្ឌកម្ម ខណៈកម្ពុជាកំពុងប្រឈមការដំឡើងពន្ធពីអាមេរិក
ចម្រៀងប្រវត្តិស្នេហ៍របស់សម្តេចតេជោ ឆ្លុះបញ្ចាំងយ៉ាងច្បាស់នូវការរៀបការដ៏កម្សត់នៃយុវជនយុវនារី ក្នុងរបបយ៉ង់ឃ្នង
អាមេរិកព្រមានអ៊ីរ៉ង់ធ្ងន់ៗ ចំពោះការគាំទ្រលើក្រុមហ៊ូធី
កម្មករ និងសហជីពថា ការដំឡើងប្រាក់ឈ្នួលជាបន្តបន្ទាប់របស់រដ្ឋាភិបាលដែលធ្វើឲ្យកម្មករមានជីវភាពកាន់តែធូរធា គឺជាស្មារតីស្របតាមទិវាពលកម្មអន្តរជាតិ ១ឧសភា
ស្នងការរាជធានី ប្រកាសផ្ដល់ប្រាក់លើកទឹកចិត្ត២លានរៀលដល់នគរបាលខណ្ឌណាមួយ ដែលបង្ក្រាបបានបទល្មើសឆក់មួយករណី
ភ្នំភ្លើងនៅអាឡាស្កា ជិតផ្ទុះជាមួយកម្លាំងដ៏ខ្លាំង ខណៈអ្នកជំនាញព្រមានពីគ្រោះថ្នាក់ធ្ងន់ធ្ងរ
ឆ្លងចរន្តផ្ទុះឆាបឆេះបង្គោលភ្លើង២ដើម ផ្អើលពលរដ្ឋលើផ្លូវកែវចិន្តា
មន្រ្តីជាន់ខ្ពស់មហាផ្ទៃ ព្រមានចាត់វិធានការផ្លូវច្បាប់ ករណីជនមួយក្តាប់តូចប្រើឈ្មោះថា នៅពីក្រោយការឈូសឆាយព្រៃលិចទឹក
ចារកម្មកូរ៉េខាងត្បូង៖ ទាហានកូរ៉េខាងជើងដែលចេញច្បាំងឲ្យរុស្ស៊ី ស្លាប់៦០០នាក់
អស្ចារ្យណាស់! រូបចម្លាក់ព្រះនារាយណ៍ផ្ទុំធំកម្ពុជា នឹងដាក់តាំងបង្ហាញនៅអន្តរជាតិដល់ឆ្នាំ ២០២៧
-
ព័ត៌មានជាតិ៣ ថ្ងៃ agoបន្ថែមពីថវិកា៧០លានរៀល កុមារី ស៊ុន ស្រីតី ទទួលបានផ្ទះ ដីទំហំជាងកន្លះហិកតា ដែលដាំស្វាយរួចរាល់
-
សន្តិសុខសង្គម៥ ថ្ងៃ agoព័ត៌មានបឋម ៖ បាក់ស្រុតផ្លូវអមមាត់ប្រឡាយលូស្ទឹងមានជ័យធ្លាក់កង់បីឥណ្ឌា ១ គ្រឿង ក្រោយភ្លៀងមួយមេ
-
ព័ត៌មានជាតិ៧ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ១ សប្តាហ៍ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ៦ ថ្ងៃ agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
ព័ត៌មានអន្ដរជាតិ៦ ថ្ងៃ agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ១ សប្តាហ៍ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
សេចក្ដីជូនដំណឹង៥ ថ្ងៃ agoក្រុមហ៊ុន វឌ្ឍនៈ ហ៊ានចេញមុខប្រកាសគាំទ្រ “ចំណាត់ការ របស់សម្តេចធិបតី ហ៊ុន ម៉ាណែត ផ្អាកការផ្តល់រង្វាន់តាមរយៈក្រវិលកំប៉ុងស្រាបៀរនិងគម្របភេសជ្ជៈ”