ព័ត៌មានជាតិ

ពលរដ្ឋចំនួន១៥០គ្រួសារ ជួបការលំបាកកំឡុងពេលកូវីដ១៩ ក្នុងក្រុងកំពង់ចាម បានទទួលអំណោយពីសមាគមធម្មកថិកកម្ពុជា

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

ប្រជាពលរដ្ឋ១៥០គ្រួសារ ដែលកំពុងជួបការលំបាកនៅអំឡុងពេកកូវីដ១៩ នៅខេត្តកំពង់ចាម បានទទួលអំណោយពីសមាគមធម្មកថិកកម្ពុជា នៅព្រឹកថ្ងៃទី១៩ ខែឧសភា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឯកឧត្តម អ៊ុន ចាន់ដា អភិបាលនៃគណអភិបាលខេត្តកំពង់ចាម និងលោកជំទាវ ញ៉ូង ចរិយា ឯកឧត្ដម ខ្លូត ផន ប្រធានក្រុមប្រឹក្សាខេត្ត រួមនិមន្ត្តព្រះបដ្ឋនវង្សាចារ្យ សា វីរៈ អនុគណក្រុងកំពង់ចាម ភិក្ខុសីលសំរោ សេខ ឧត្តមបញ្ញា ប្រធានកម្មវិធីមនុស្សធម៏សមាគមធម្មកថិកកម្ពុជា ក្រោមការដឹកនាំក្រុមការងារ សមាគមធម្មកថិកកម្ពុជា ដែលមាន ព្រះគ្រូ វជិរប្បញ្ញោ សាន សុជា ជាប្រធានសមាគមធម្មកថិកកម្ពុជា បាននាំយកសម្ភារៈនិងថវិកាប្រគល់ជូនប្រជាពលរដ្ឋចំនួន១៥០គ្រួសារ ក្នុងក្រុងកំពង់ចាម ខេត្តកំពង់ចាម ដែលជួបការលំបាកលេីជីវភាពប្រចាំថ្ងៃ កំឡុងពេលកម្ពុជារងគ្រោះវិបិត្តកូវីដ-១៩ ដែលជាសទ្ធារបស់ព្រះសង្ឃ បងប្អូនខ្មែរនៅប្រទេសអូស្ត្រាលី សមាគមខ្មែរវិចតូរីយ៉ាសាជីវកម្ម និងសហព័ន្ធខ្មែរ ប្រទេសអូស្ត្រាលី នៅព្រឹក ថ្ងៃទី១៩ ខែឧសភា ឆ្នាំ២០២១។

ព្រះមហាសីលសំវរោ សេខ ឧត្តមបញ្ញា ជាប្រធានកម្មវិធីនៃសមាគមធម្មកថិកកម្ពុជាបានមានសង្ឃដិកាថា អំណោយទាំងនេះកើតឡើងពីទឹកចិត្តរបស់ព្រះសង្ឃនិងគ្រហស្ថនៅប្រទេសអូស្ត្រាលី និងសមាគមខ្មែរវិចតូរីយ៉ាសាជីវកម្ម និងសហព័ន្ធខ្មែរប្រទេសអូស្ត្រាលី តាមរយៈម្ចាស់គ្រូវជិរប្បញ្ញោ សាន សុជា ជាប្រធានសមាគមធម្មកថិកកម្ពុជា។

ឆ្លៀតឱកាសនោះដែរ ឯកឧត្តម អ៊ុន ចាន់ដា អភិបាលនៃគណៈអភិបាលបានថ្លែងអំណរព្រះគុណដល់ព្រះសង្ឃ គ្រប់អង្គ និងជាពិសេសបងប្អូនខ្មែរនៅប្រទេសអូស្ត្រាលី សមាគមខ្មែរវិចតូរីយ៉ាសាជីវកម្ម និងសហព័ន្ធខ្មែរ ដែលបានផ្តល់ជំនួយតាមរយៈម្ចាស់គ្រូវជិរប្បញ្ញោ សាន សុជា ជាប្រធានសមាគមធម្មកថិកកម្ពុជា និងថ្លែងអំណរគុណដល់ម្ចាស់គ្រូវជិរប្បញ្ញោ សាន សុជា ដែលព្រះអង្គបានយកព្រះទ័យទុកដាក់ចំពោះសុខទុក្ខប្រជាពលរដ្ឋខ្មែរហើយគៀគរបងប្អូននៅទីនោះឱ្យមកជួយ។

ឯកឧត្តមអភិបាលខេត្ត បានបន្តទៀតថា សូមបងប្អូនប្រជាពលរដ្ឋទាំងអស់ចូលរួមគ្នា ប្រុងប្រយ័ត្ន ការពារ និងបន្តអនុវត្តន៍តាមការណែនាំរបស់ក្រសួងសុខាភិបាលឲ្យខ្ជាប់ខ្ជួន ដោយត្រូវអនុវត្តន៍ ពាក់ម៉ាស់ លាងដៃ និងគម្លាតសុវត្តិភាពជាប្រចាំ ដេីម្បីកាត់ផ្តាច់ខ្សែចម្លង និងបញ្ចប់ព្រឹត្តិការណ៍ ២០កុម្ភៈ។

អំណោយដែរត្រូវផ្តល់គ្រួសារពលរដ្ឋដែលជួបការលំបាកកំឡុងពេលកូវីដ-១៩ នាឱកាសនោះក្នុងមួយគ្រួសារទទួលបាន៖ អង្ករ២៥ គីឡូ, មី ខ្លាឃ្មុំ១កេស, ត្រីខ (កំប៉ុងវែង)មួយយួរ, ទឹកត្រីមួយយួរ, ទឹកស៊ីអ៊ីវមួយយួរ,ប្រេងឆាមួយលីត្រ,ប៊ីចេងកន្លះគីឡូ,អំបិលមួយគីឡូ,ខ្ទឹម ស កន្លះ គីឡូ និងថវិកា៤០,០០០ ៛៕

អត្ថបទ៖ ហុង ម៉េងហៀ