ព័ត៌មានជាតិ

ប្រទះឃើញសពបុរសម្នាក់ដេកស្លាប់ក្នុងថ្លុកឈាម សង្ស័យករណីឃាតកម្ម

បានផុស

៤ years មុន

នៅ

ថ្ងៃអង្គារ ២៥ ឧសភា ២០២១

ដោយ

សពបុរសម្នាក់ ត្រូវបានគេប្រទះឃើញដេកស្លាប់នៅក្នុងថ្លុកឈាម បង្កការភ្ញាក់ផ្អើលនៅវេលាព្រឹកថ្ងៃទី២៥ ខែឧសភា ឆ្នាំ២០២១ ស្ថិតនៅចំណុចផ្លូវប៉េតុង ទល់មុខផ្សារបឹងទំពុន ភូមិសន្សំកុសល៣ សង្កាត់បឹងទំពុន១ ខណ្ឌមានជ័យ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ភិនភាគសពបុរសរងគ្រោះ មានមាឌធំល្មម អាយុប្រមាណ ៣០ ឆ្នាំ មានសភាពរងរបួសបែកក្បាល និងបាក់ជើង។

ប្រភពព័ត៌មានពីប្រជាពលរដ្ឋរស់នៅតំបន់ក្បែរនោះ បានឱ្យដឹងថា នៅវេលាម៉ោង១រំលងអាធ្រាត្រយប់មិញ ឮសូរសំឡេងស្រែកប្រទូសរ៉ាយគ្នាផងដែរ ។ លុះព្រឹកឡើង ក៏ប្រទះឃើញមានសពដេកស្លាប់ក្នុងថ្លុកឈាមតែម្តង។

សពបុរសខាងលើ ពុំមែនជាពលរដ្ឋក្នុងតំបន់ឡើយ ព្រោះកន្លងទៅពុំធ្លាប់ដែលឃើញ និងស្គាល់ឡើយ។

យ៉ាងណាមិញ បច្ចុប្បន្នសពពុំទាន់ធ្វើការពិនិត្យវិច្ច័យឡើយ ដោយសមត្ថកិច្ចរង់ចាំក្រុមគ្រូពេទ្យធ្វើសំណាកតេស្តរកមេរោគកូវីដ១៩ជាមុនសិន។ នៅជុំវិញកន្លែងកើតហេតុ មានការចោមរោមមើលយ៉ាងច្រើនពីសំណាក់បងប្អូនពលរដ្ឋរស់នៅក្បែរតំបន់កើតហេតុ។

ករណីខាងលើនេះ ពុំទាន់ដឹងថា ជាករណីវាយប្លន់សម្លាប់ ឬក៏គំនុំឡើយ ខណៈកម្លាំងសមត្ថកិច្ចចម្រុះកំពុងពិនិត្យស្រាវជ្រាវ តាមរយៈកាមេរ៉ាសុវត្ថិភាពជុំវិញតំបន់កើតហេតុខាងលើ៕

Related Topics:ឃាតកម្ម