ព័ត៌មានជាតិ

ធនាគារABA សាខាច្បារអំពៅបានបិទទ្វារ បន្ទាប់ពីមានបុគ្គលិកឆ្លងជំងឺកូវីដ១៩

បានផុស

៥ years មុន

នៅ

ថ្ងៃពុធ ៣០ មិថុនា ២០២១

ដោយ

ធនាគារABA សាខាច្បារអំពៅ ដែលមានទីតាំងស្ថិតនៅតាមបណ្តោយផ្លូវជាតិលេខ១ សង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ ត្រូវបានបិទទ្វារតាំងពីព្រឹករហូតដល់រសៀលថ្ងៃទី៣០ខែមិថុនា បន្ទាប់ពីមានបុគ្គលិកដែលបម្រើការនៅធនាគារនេះ មានវិជ្ជមានកូវីដ១៩។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍លោក ណុប ផា អភិបាលរងខណ្ឌច្បារអំពៅ បានប្រាប់កម្ពុជាថ្មីនារសៀលថ្ងៃទី៣០ខែមិថុនានេះថា ធនាគារABAនេះ ត្រូវបានបិទទ្វារបណ្តោះអាសន្ននាថ្ងៃទី៣០ ខែមិថុនានេះពិតប្រាកដមែន។ មូលហេតុដែលធនាគារនេះ ត្រូវបានបិទទ្វារបន្ទាប់ពីរកឃើញបុគ្គលិកបំរើការនៅធនាគារនេះបានឆ្លងជំងឺកូវីដ១៩កាលពីថ្ងៃទី២៩ខែមិថុនាមកនោះ។

ទោះជាយ៉ាងណាក៏លោកអភិបាលរងខណ្ឌច្បារអំពៅ ពុំបានបញ្ជាក់ពីចំនួនបុគ្គលិកធនាគារដែលបានឆ្លងជំងឺកូវីដ១៩នោះទេ។ ប៉ុន្តែទីតាំងបើកលុយតាមទូរABA គឺពុំបានបិទឡើយ។ដោយនៅដំណើរការធម្មតា៕

អត្ថបទ៖ នរា

សូមចុចអាន៖ ចាប់ផ្តើមចាក់វ៉ាក់សាំងជូនប្រជាពលរដ្ឋ នៅក្រុងសួង ខេត្តត្បូងឃ្មុំ