ព័ត៌មានជាតិ

អាជ្ញាធរខេត្តត្បូងឃ្មុំ កំពុងត្រៀមទីទួលសុវត្ថិភាព ប្រសិនមានការហក់ឡើងទឹកទន្លេមេគង្គបន្ថែមទៀត

បានផុស

៥ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

អាជ្ញាធរខេត្តត្បូងឃ្មុំ កំពុងបានត្រៀមរៀបចំទីទួលសុវត្ថិភាព ប្រសិនបើមានការរងគ្រោះដោយទឹកជំនន់ នៅក្នុងតំបន់ដែលប្រឈមប៉ះពាល់ដោយការជន់លិចលំនៅដ្ឋាន របស់ប្រជាពលរដ្ឋនៅតាមជួរដងទន្លេមេគង្គ។

ដើម្បីត្រៀមទុកក្នុងជំលាសពលរដ្ឋដែលរងគ្រោះដោយសារទឹកជំនន់ ប្រសិនបើទឹកទន្លេមេគង្គបន្តហក់ឡើងនៅពេលមុខទៀតនោះ ជាក់ស្ដែងនៅព្រឹក ថ្ងៃទី៣១ ខែកក្កដា ឆ្នាំ២០២១នេះ ឯកឧត្តម ជាម ច័ន្ទ សោភ័ណ អភិបាលខេត្តត្បូងឃ្មុំ បានចុះពិនិត្យទីតាំងទីទួលសុវត្ថិភាពក្នុងឃុំទន្លេបិទ ស្រុកត្បូងឃ្មុំ ដែលជាទីតាំងមួយដែលរៀបចំចាក់ដីដាំដើមឈើពីសំណាក់ឯកឧត្តម ឧបនាយករដ្ឋមន្ត្រី ជា សុផារ៉ា ប្រធានក្រុមការងាររាជរដ្ឋាភិបាលកម្ពុជាចុះជួយខេត្តត្បូងឃ្មុំ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះការចុះពិនិត្យទីតាំងទីទួលសុវត្ថិភាពក្នុងឃុំទន្លេបិទនេះដែរ ឯកឧត្តម ជាមច័ន្ទ សោភ័ណ បានសហការជាមួយមន្ទីរពាក់ព័ន្ធ អាជ្ញាធរមូលដ្ឋានក្នុងត្រៀមរៀបចំប្លង់លំនៅដ្ឋានបណ្តោះអាសន្ន ប្រព័ន្ធទឹក ភ្លើង បង្គន់អនាម័យ និងជាពិសេសនោះគម្លាតសុវត្ថិភាព ដើម្បីបញ្ចៀសពីការឆ្លងរីករាលដាលជំងឺកូវីដ-១៩ និងការរស់នៅឲ្យបានផាសុខភាពល្អជៀសផុតពីជំងឺរាតត្បាតនានា។

សូមជម្រាបជូនថា ឯកឧត្តម ជាមច័ន្ទ សោភ័ណ អភិបាលខេត្តត្បូងឃ្មុំ នឹងត្រៀមរៀបចំទីតាំងទីទួលសុវត្ថិភាពមួយនេះ មានទំហំប្រមាណ១៥ហិចតា ដែលស្ថិតក្នុងភូមិយាយស ឃុំទន្លេបិទ ស្រុកត្បូងឃ្មុំ និងតំបន់រងគ្រោះដោយសារទឹកជំនន់រួមមាន៖ នៅស្រុកក្រូចឆ្មារ ស្រុកត្បូងឃ្មុំ និងស្រុកអូរាំងឪ ជាដើម៕

អត្ថបទ ៖ ហុង ម៉េងហៀ