ព័ត៌មានជាតិ

ចាប់ផាកពិន័យបុរសម្នាក់ ១លានរៀល ក្រោយល្មើសបម្រាមទៅលេងទឹក ថ្មភ្នំចំបាប់

បានផុស

៥ years មុន

នៅ

ថ្ងៃចន្ទ ១៦ សីហា ២០២១

ដោយ

អ្នកទៅលេងទឹករណ្តៅ ថ្មភ្នំចំបាប់ម្នាក់ត្រូវបានសមត្ថកិច្ចចាប់ផាកពិន័យជាទឹកប្រាក់១លានរៀល កាលពីថ្ងៃទី១៥ ខែសីហា ម្សិលមិញនេះ។ កាលពីសប្តាហ៍មុន អាជ្ញាធរបានហាមឃាត់បណ្តោះអាសន្ន មិនឱ្យភ្ញៀវទេសចរ ពិសេសយុវជនទៅកម្សាន្តនៅ ទឹករណ្តៅថ្មភ្នំចំបាប់ ទៀតទេ ក្នុងករណីអប់រំមិនស្តាប់ នឹងចាត់វិធានការផ្លូវច្បាប់។ ទីតាំងទឹករណ្តៅថ្មភ្នំចំបាប់ ស្ថិតនៅឃុំត្នោត ស្រុកបាទី ខេត្តតាកែវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ភួន ឈីម អភិបាលអភិបាលស្រុកបាទី បានដឹកនាំ កម្លាំងគណៈបញ្ជាការឯកភាពរដ្ឋបាលស្រុក ឃុំ ចុះអនុវត្តវិធានការរដ្ឋបាល ប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ និងផាកពិន័យចំពោះ អ្នកមកកំសាន្តនៅទឹករណ្តៅថ្មភ្នំចំបាប់ ស្ថិតនៅភូមិត្នោត ឃុំត្នោត ស្រុកបាទី មិនគោរពបម្រាមគោចរ របស់អាជ្ញាធរ ពិន័យជាអន្តរកាលណ៍នូវទឹកប្រាក់ម្នាក់ ១.០០០.០០០រៀល(មួយលានរៀលគត់)កាលពីថ្ងៃទី១៥ ខែសីហា។

កាលពីថ្ងៃទី១០ ខែសីហានេះ អភិបាលស្រុកបបាទីបានចុះពិនិត្យទីតាំងទឹករណ្តៅថ្មភ្នំចំបាប់ និងបានណែនាំដល់ បងប្អូនប្រជាពលរដ្ឋ ដែលមកលេងកម្សាន្តនៅទីនេះ ផ្អាក ឬឈប់មក ដើម្បីចូលរួមប្រយុទ្ធប្រឆាំងនូវជំងឺងឺកូវីដ១៩ និងបំឡែងថ្មី Delta និងត្រូវអនុវត្តតាមការណែនាំរបស់រាជរដ្ឋាភិបាល និងសារាចរណ៍ណែនាំរបស់ក្រសួងទេសចរណ៍គឺហាមឃាត់បិទ កន្លែងទេសចរណ៍ និងកន្លែងកម្សាន្ត ការជួបជុំប្រមូលផ្តុំគ្នា។

ក្នុងករណី អាជ្ញាធរធ្វើការណែនាំហើយ មិនគោរពតាម និងអនុវត្តការផាកវិន័យអន្តរកាល ទៅតាមច្បាប់។

កន្លងមកអាជ្ញាធរបានហាមឃាត់រួចហើយ មិនឱ្យបងប្អ្អូនប្រជាពលរដ្ឋ ដែលទៅទស្សនារណ្តៅថ្មភ្នំចំបាប់ចុះងូតទឹកឡើយ ព្រោះសង្ស័យទឹកល្អាងនេះអាចប៉ះពាល់ដល់សុខភាព៕

ប្រភព៖រដ្ឋបាលស្រុកបាទី