ព័ត៌មានជាតិ
សហគមន៍ទេសចរណ៍(ភ្នំជម្រកសត្វ) បើកបម្រើសេវាកម្មជូនភ្ញៀវទេសចរ
សហគមន៍(ភ្នំជម្រកសត្វ)នៅភូមិឆ្វាំង ឃុំសំអាង ស្រុកថាឡាបរិវ៉ាត់ខេត្តស្ទឹងត្រែង និងរៀបចំបើកដំណើរទស្សនាចរជូនភ្ញៀវទេសចរ ដើម្បីបានប្រាក់ចំណូល បន្តរៀបចំអភិរក្សធនធានធម្មជាតិនៅតំបន់នោះឱ្យបានល្អប្រសើរ។
លោក អ៊ន ប៉ោសឿន ប្រធានមន្ទីរទេសចរណ៍ខេត្តបានបញ្ជាក់ថា សមាជិកសហគមន៍ភ្នំជម្រកសត្វ នៅឆ្វាំងត្រូវបង្កើនការរួមគ្នារៀបចំ គ្រប់សេវាកម្មជូនភ្ញៀវដែលមកកម្សាន្ត នៅភ្នំជម្រកសត្វនេះ ដើម្បីផ្តល់ឱកាសឱ្យបងប្អូនប្រជាពលរដ្ឋមានលទ្ធភាព បង្កើតរបរលក់ដូរនៅក្នុងមូលដ្ឋានរបស់ខ្លួន។ លោកថា គម្រោងដំណើរនេះ ដោយសារតែរងផលប៉ះពាល់ពីឥទ្ធិពល(ជំងឺកូវីដ១៩)ទើបមានភាពយឺតយ៉ាវ តែទោះជាយ៉ាងណាក៏ដោយ ត្រូវតែប្រឹងប្រែងរួមគ្នាអភិវឌ្ឍន៍ និងអភិរក្សសម្បត្តិធនធានធមជាតិ ដើម្បីបម្រើឱ្យភ្ញៀវទេសចរក្នុងស្រុក ហើយផ្នែកសុខភាព ក៏ត្រូវតែអនុវត្តតាមការណែនាំរបស់ក្រសួងសុខាភិបាលផងដែរ។
លោក ញាន ផុន ប្រធានសហគមន៍នេះបានបញ្ជាក់ថា តំបន់ភ្នំជម្រកសត្វមានសក្តានុពលសម្រាប់ភ្ញៀវទេសចរណ៍មកទស្សនា ព្រោះសម្បត្តិធនធានធម្មជាតិ ព្រៃឈើ សត្វព្រៃ ល្អាងថ្ម ដូចរូបចម្លាក់ នៅតំបន់ភ្នំឈ្ងូគ-ភ្នំក្ងោគមាស- ភ្នំដំរីជល-នេះមានទេសភាពល្អប្រណិតផ្សេងៗទៀត។ លោកបន្តថា ការអភិវឌ្ឍន៍សហគមន៍នេះ អាជ្ញាធរពាក់ព័ន្ធបានឯកភាពជាមួយមន្ទីរទេសចរណ៍ និងអង្គការដៃគូ រៀបចំឱ្យមានជណ្ដើរឡើង- មានមគ្គុទ្ទេសក៍ ទេសចរណ៍- មានទីតាំងលក់ចំណីអាហារ -កន្លែងចតរថយន្ត ម៉ូតូ -និងមានអ្នកយាមកាមត្រឹមត្រូវផងដែរ។
លោកផលលុយប្រធានប្រតិបត្តិនៃគមនាគមន៍ថែរក្សាបរិស្ថាន នឹងវប្បធម៌ប្រចាំខេត្តស្ទឹងត្រែងបានបញ្ជាក់ថា អង្គការដៃគូ នៅបន្តគាំទ្រការរៀបចំផែនការអភិវឌ្ឍន៍វិស័យទេសចរណ៍នេះ ឱ្យបានជាប់ចុងជាប់ដើម។ លោកបន្ថែមថា ក្នុងពេលឆាប់ៗនេះគម្រោងនិងរៀបចំដាក់(ផ្ទាំងស៊ុលលា)(ភ្លើងបំភ្លឺតាមល្អាង)កែសម្រួលផ្លូវឡើង តាមតំបន់នីមួយៗ និងរៀបចំផ្នែកបរិស្ថាន ដើម្បីលើកស្ទួយសោភណ្ឌភាពបន្ថែម។
សូមបញ្ជាក់ថា តំបន់ភ្នំជម្រកសត្វនេះ ស្ថិតនៅចម្ងាយពីទីរួមខេត្តស្ទឹងត្រែងប្រមាណជាង៥០គីឡូម៉ែត្រ យើងនិងរៀបចំបើកដំណើរការរមណីយដ្ឋានអេកូទេសចរណ៍ធម្មជាតិនេះ ជូនភ្ញៀវជាតិនឹងអន្តរជាតិឲ្យបានមកទស្សនា៕
អត្ថបទ៖ ងិនលីម
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង