ព័ត៌មានជាតិ
សាលារៀននឹងបើកឡើងវិញ ឆាប់ៗ រដ្ឋមន្ត្រីទុកពេល ២ សប្តាហ៍ឱ្យអភិបាលរាជធានី ខេត្តកំណត់ទីតាំងភូមិសាស្ត្រ
លោក បណ្ឌិត សភាចារ្យ ហង់ជួនណារ៉ុន រដ្ឋមន្ត្រីក្រសួងអប់រំយុវជន និងកីឡាបានទុកពេលរយៈពេល២សប្តាហ៍ឱ្យគណៈអភិបាល រាជធានីខេត្តនៅទូទាំងប្រទេសធ្វើការកំណត់ទីតាំងសាលារៀននៅក្នុងភូមិសាស្ត្ររបស់ខ្លួនណាខ្លះមានហានិភ័យទាបនិងហានិភ័យខ្ពស់នៃជំងឺកូវីដ១៩ដើម្បីធ្វើរបាយការណ៍មកក្រសួង។
ការលើកឡើងរបស់លោករដ្ឋមន្ត្រីនេះបានធ្វើឡើងនៅក្នុងកិច្ចប្រជុំបន្ទាន់មួយជាមួយប្រធានមន្ទីរអបរំយុវជននិងកីឡានិងគណៈអភិបាលរាជធានីខេត្តទូទាំងប្រទេសកាលពីរសៀលថ្ងៃទី០១ខែកញ្ញាឆ្នាំ២០២១នេះ។
លោក ហែម ស៊ីណារ៉េត ប្រធានមន្ទីរអប់រំ យុវជន និងកីឡារាជធានីភ្នំពេញដែលបានចូលរួមនៅក្នុងកិច្ចប្រជុំនោះបានឱ្យដឹងនៅរសៀលថ្ងៃទី០២កញ្ញានេះថានៅក្នុងកិច្ចប្រជុំនោះឯកឧត្តមរដ្ឋមន្ត្រីបានតម្រូវឱ្យរាជធានីខេត្តនៅទូទាំងប្រទេសចុះវាយតម្លៃស្ថានភាពជាក់ស្តែងនិងកំណត់ទីតាំងសាលារៀនណាខ្លះនៅតំបន់មានហានិភ័យទាបនិងតំបន់ណាខ្លះមានហានិភ័យខ្ពស់នៃការឆ្លងជំងឺកូវីដ១៩ហើយធ្វើរបាយការណ៍មកក្រសួងអប់រំដើម្បីក្រសួងរាយការណ៍បន្តជួនសម្តេចនាយករដ្ឋមន្ត្រី។
ក្រៅពីនេះឯកឧត្តមរដ្ឋមន្ត្រីបានណែនាំដល់អភិបាលរាជធានីខេត្តថាចំពោះសាលាណាមានហានិភ័យទាបត្រូវបន្តរៀនតាមបណ្តុំ ដែលមានចំនួនតិចជាង ១៥ នាក់ និងឆ្លាស់វេន ឬការរៀនតាមបែបចម្រុះពិសេសចំពោះតំបន់ប្រជុំជន និងទីក្រុង ដែលមានការឆ្លងតិច និងមានការចាក់វ៉ាក់សាំងរួចហើយ។
ជាមួយគ្នានេះដែរ ឯកឧត្តមរដ្ឋមន្ត្រីបានឱ្យអភិបាលរាជធានីខេត្តពិសេសរាជធានីភ្នំពេញនិងទីប្រជុំជនដែលមានការឆ្លងជំងឺកូវីដ១៩ខ្ពស់ត្រូវពិនិត្យឱ្យបានច្បាស់លាស់មុននឹងសម្រេចថាបើកសាលាណាមួយនោះដើម្បីចៀសវាងពេលបើកដំណើរការហើយផ្ទុះឡើងវិញ។
នៅក្នុងកិច្ចប្រជុំនោះឯកឧត្តមរដ្ឋមន្ត្រីបានណែនាំដល់អភិបាលរាជធានីខេត្តត្រូវបន្តការបង្រៀននិងរៀនពីចម្ងាយ តាមអនឡាញ ចំពោះភូមិសាស្ត្រដែលមានហានិភ័យខ្ពស់ហើយពង្រឹងវិធានការការពារសុខភាពបុគ្គលិកអប់រំ អ្នកសិក្សា ជាពិសេសគ្រូបង្រៀនដែលមានអាយុលើសពី ៥០ឆ្នាំឡើងទៅ។
ជាងនេះទៀតត្រូវបង្កើតគណៈកម្មការគ្រប់គ្រងសាលារៀន ដោយមានការចូលរួមពីមាតាបិតា និងអាជ្ញាធរ មូលដ្ឋាន ដើម្បីសម្រេចនៅកម្រិតសាលារៀន ក្នុងការបើកឬផ្អាកដំណើរការសាលារៀន។
លោក ហែមស៊ីណារ៉េតបានបន្តទៀតថាក្នុងការបើកសាលារៀននៅភ្នំពេញនេះដែរសាលារាជធានីភ្នំពេញបានបង្កើតគណៈកម្មការមួយចុះវាយតម្លៃទីតាំងនៅតាមសង្កាត់ទាំង១០៥នៅរាជងានីភ្នំពេញតើតំបន់ណាខ្លះមានហានិភ័យទាបនិងកន្លែងណាខ្លះមានហានិភ័យខ្ពស់ដើម្បីរៀបចំធ្វើរបាយការណ៍ទៅឯកឧត្តអភិបាលរាជធានីភ្នំពេញសម្រេចនិងស្នើទៅក្រសួងអប់រំ។
លោកបានបន្ថែមថា« តាមឯកឧត្តអភិបាលរាជធានីភ្នំពេញ លោកមានបំណងចង់បើកសាលារៀនឱ្យបានច្រើនព្រោះថាការបិទសាលារៀនយូរពេកធ្វើឱ្យប៉ះពាល់ដល់ការសិក្សារបស់សិស្ស»។
លោកបានបញ្ជាក់ថាចំពោះការសម្រេចតំបន់ណាបើកសលាឡើងវិញនិងតំបន់ណានៅមិនទាន់អាចបើកបាននោះប្រហែើជាត្រូវរង់ចាំនៅសប្តាហ៍ក្រោយព្រោះគណៈកម្មការនឹងចុះវាយតម្លៃទៅតាមតំបន់នីមួយៗជាមុខនសិន។
លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានជំរុញឲ្យអាជ្ញាធរខណ្ឌទាំង១៤ និងអង្គភាពពាក់ព័ន្ធមួយចំនួនទៀត ត្រូវរៀបចំចាត់ចែងសំអាតអនាម័យ បរិស្ថាននៅក្នុងសាលានានានៅក្នុងមូលដ្ឋានរបស់ខ្លួនអោយបានស្អាត ដើម្បីត្រៀមបើកសាលារៀនឡើងវិញ ទៅតាមអនុសាសន៍ដ៏ខ្ពង់ខ្ពស់របស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្រោយសិស្សានុសិស្ស ខកខានមិនបានចូលរៀនយូរណាស់ហើយ ដោយសារការរីករាលដាលជម្ងឺកូវីដ-១៩។
លោក អភិបាលបានជំរុញឲ្យអាជ្ញាធរខណ្ឌនិងស្ថាប័នពាក់ព័ន្ធ ត្រូវបញ្ជូនអ្នកជំងឺទៅតាមសាលារៀនមួយចំនួនត្រូវបានរដ្ឋបាលរាជធានីភ្នំពេញ និងក្រសួងសុខាភិបាលយកជាទីតាំងសម្រាប់ធ្វើជាកន្លែងចត្តាឡីស័ក និងធ្វើជាកន្លែងព្យាបាលជំងឺកូវីដ-១៩ទៅដាក់នៅមណ្ឌលព្យាបាលផ្សេងវិញ ដូចជា នៅទីតាំងរៀបអាពាហ៍ពិពាហ៍ ស៊ូព្រីមៀរ សែន សុខជាដើម។
គួរបញ្ជាក់ថា កាលពីថ្ងៃទី៣១ ខែសីហា ឆ្នាំ២០២១កន្លងទៅនេះសម្តេចតេជោហ៊ុន សែន បានចេញ សារសម្លេងបន្ទាន់មួយ ដោយណែនាំអោយ ក្រសួង អប់រំ យុវជន និងកីឡា សហការជាមួយអាជ្ញាធរ រាជធានី ខេត្ត ដើម្បិពិនិត្យមើលលើការបើកសាលារៀនឡើងវិញ នៅតាមភូមិ ឃុំដែលមិនមានការឆ្លងជំងឺកូវីដ-១៩ និងកន្លែងដែលឆ្លងតិច ដោយមិនត្រូវរងចាំការបើកសាលារៀនព្រមគ្នានៅទូទាំងប្រទេសនោះឡើយ ប៉ុន្តែត្រូវរក្សាគម្លាតសុវត្ថិភាព និងគោរពតាមវិធានការសុខាភិបាលឱ្យបានខ្ជាប់ខ្ជួន៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)