ព័ត៌មានជាតិ
ដុតបំផ្លាញឱសថបំប៉នសុខភាពជាង១តោន គ្មានលេខបញ្ជិកាពីក្រសួងសុខាភិបាល
មន្ត្រីជំនាញសុខាភិបាលខេត្តសៀមរាបនិយាយថា ការដុតបំផ្លាញឱសថបំប៉នសុខភាពដែលពុំមានការឆ្លងកាត់ការត្រួតពិនិត្យរបស់ក្រសួងសុខាភិបាលប្រមាណជាង១តោនមានការយឺតយ៉ាវក៏ពិតមែន តែគឺវាបានទប់ស្កាត់ហានីភ័យសុខភាពនៃអ្នកប្រើប្រាស់។
ឱសថបំប៉នសុខភាព ដែលមិនមានចុះបញ្ជិកាដោយក្រសួងសុខាភិបាលប្រមាណជាង១តោន ត្រូវបានដុតបំផ្លាញចោល ក្នុងបរិវេណនៃទីលានចោលសំរាមរបស់ក្រុមហ៊ុនឯកជនមួយ នៅភូមិអន្លង់ពីរ ឃុំត្រពាំងធំ ស្រុកប្រាសាទបាគង ឬអាចនិយាយបានថា ទីកន្លែងដុតឱសថបំប៉ននេះត្រូវបានធ្វើឡើងលើទីតាំងដែលនៅឆ្ងាយពីក្រុងសៀមរាប។
ការដុតបំផ្លាញនេះ ត្រូវបានធ្វើឡើងនាព្រឹកថ្ងៃទី០៧ ខែកញ្ញា ឆ្នាំ២០២១ តាមចំណារឯកភាពរបស់ក្រសួងសុខាភិបាល និងទទួលបានការអនុញ្ញាតដោយរដ្ឋបាលខេត្តផងដែរ។ មន្ត្រីជំនាញនៃមន្ទីរសុខាភិបាលខេត្តសៀមរាប មន្ត្រីមកពីបណ្តាអង្គភាពជំនាញពាក់ព័ន្ធផ្សេងទៀត រួមទាំងមន្ត្រីនៃកងកម្លាំងសមត្ថកិច្ចដែលជាដៃគូសហការក៏មានវត្តមានក្នុងពិធីដុតកម្ទេចនេះដែរ។
លោកស្រី លី វណ្ណៈ ប្រធានការិយាល័យនិយ័តកម្ម នៃមន្ទីរសុខាភិបាលខេត្តសៀមរាប បញ្ជាក់ឲ្យដឹងថា កម្លាំងនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត បានរួមសហការអនុវត្តតាមបញ្ជារបស់ព្រះរាជអាជ្ញា ក្នុងការចាប់យកវត្ថុតាងទាំងនោះ។ ឱសថទាំងនេះផលិតនៅសហរដ្ឋអាមេរិក និងដឹកជញ្ជូនតាមជើងយន្តហោះ។ ក្រោយការចាប់បានវត្ថុតាង អង្គភាពប៉ូលីសបានប្រគល់ឲ្យជំនាញសុខាភិបាលផាកពិន័យអន្តរកាលតាមច្បាប់គ្រប់គ្រងឱសថ និងស្របតាមទម្ងន់សាលក្រមព្រហ្មទណ្ឌលេខ(៦០) របស់សាលាដំបូងខេត្តសៀមរាប។
នៅក្នុងដីកាបញ្ជូនរបស់សាលាដំបូងខេត្តសៀមរាប សំណុំរឿងព្រហ្មទណ្ឌលេខ៥៩០ ចុះថ្ងៃទី៣១ ខែឧសភា ឆ្នាំ២០១៦ ជូនមកប្រធានមន្ទីរសុខាភិបាលខេត្តសៀមរាប បានវិនិច្ឆ័យសេចក្តីថា គឺត្រូវបានរឹបអូសទំនិញចម្រុះ ( អាហារបំប៉ន ម្សៅក្រែម ស្កគ្រាប់ និងនំ ) មានចំនួន៧០មុខ ស្មើនឹងជាង១លាន២សែនគ្រាប់ ទម្ងន់១តោន ៣០០គីឡូក្រាម ដែលនាំចូលដោយគ្មានការអនុញ្ញាតិដោយសួងសុខាភិបាលកាលពីថ្ងៃទី២៤ ខែមិនា ឆ្នាំ២០១៦ នៅចំណុចភូមិគោកដូង សង្កាត់ទឹកវិល ក្រុងសៀមរាប។
វត្ថុចាប់យកទាំងនេះ ត្រូវបានរក្សាទុកនៅមន្ទីរសុខាភិបាលខេត្តសៀមរាប ហើយសាលក្រមជំនុំជម្រះនេះ ប្រកាសជាសាធារណៈកំបាំងមុខជនជាប់ចោទ នឹងត្រូវបានទុកសិទ្ធិប្តឹងទាស់ និងប្តឹងឧទ្ធរណ៍តាមកំណត់ច្បាប់។
យ៉ាងណាក៏ដោយ មន្ត្រីជំនាញបានទទួលស្គាល់ដែរថា វាពិតជាមានការយឺតយូរបន្តិច ចំពោះចំណាត់ការដុតនេះ ក៏ប៉ុន្តែយ៉ាងហោចណាស់ វាបានទប់ស្កាត់ទាន់ពេលវេលាការធ្វើចរាចរណ៍ឱសថទាំងនេះលើទីផ្សារ ដែលវាមិនប្រាកដថា គុណភាពរបស់វាយ៉ាងដូចម្តេច? ឬក៏ថា វាអាចបង្កគ្រោះថ្នាក់សុខភាពដល់អ្នកប្រើប្រាស់យ៉ាងណានោះទេ បើសិនជាឱសថទាំងនោះវាបានធ្លាយទៅដល់ដៃអតិថិជនរបស់គេនោះ៕
អត្ថបទ៖ គឿនវេត
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង