ព័ត៌មានជាតិ

ផ្សារសាមគ្គី ត្រូវបិទមួយសប្តាហ៍ បន្ទាប់អាជីវករជិត១០០នាក់ ឆ្លងជំងឺកូវីដ

បានផុស

៥ years មុន

នៅ

ថ្ងៃពុធ ១៥ កញ្ញា ២០២១

ដោយ

លោក នួន ពុទ្ធារ៉ា អភិបាលក្រុងសៀមរាប បានប្រាប់កម្ពុជាថ្មី នៅព្រឹកថ្ងៃទី១៥ ខែកញ្ញា ឆ្នាំ ២០២១នេះថា រដ្ឋបាលក្រុងសៀមរាប សម្រេចបិទផ្សារសាមគ្គី ដែលមានទីតាំង ស្ថិតនៅក្នុង ភូមិ បន្ទាយចាស់ សង្កាត់ស្លក្រាម ក្រុងសៀមរាប គឺគិតចាប់ពីថ្ងៃទី១៤ ខែកញ្ញា រហូតដល់ថ្ងៃទី២០ ខែ កញ្ញា បន្ទាប់ពីមានការរកឃើញអ្នកវិជ្ជមានកូវីដ១៩ ជិត១០០នាក់ ទាំងស្រីទាំងប្រុស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមរំលឹកផងដែរថា ករណីផ្ទុះខ្លាំងនៅផ្សារសាមគ្គី ហើយបានធ្វើតេស្តយកសំណាក អាជីវករផ្សារសាមគ្គីចំនួន៤៥៥នាក់ រកឃើញអ្នកវិជ្ជមានកូវីដ១៩ ចំនួន៥៦នាក់។ បើតាមការប្រាប់ឲ្យដឹងពីក្រុមគ្រូពេទ្យ របស់រដ្ឋបាលខេត្តសៀមរាប នៅកន្លែងយកសំណាក ក្នុងផ្សារសាមគ្គី នៅល្ងាចថ្ងៃទី១៤ ខែកញ្ញា ឆ្នាំ២០២១ នេះបានប្រាប់កម្ពុជាថ្មីយើងឲ្យដឹងថា ក្រុមគ្រូពេទ្យអាវសរ បានធ្វើតេស្តយកសំណាកលើអាជីវករ ផ្សារសាមគ្គីចំនួន៣៨៧នាក់ ក្នុងនោះស្រី៣៦៧នាក់ ត្រូវបានក្រុមគ្រូពេទ្យធ្វើតេស្ត យកសំណាក់រកឃើញចំនួន៥៦នាក់ ក្នុងនោះស្រី៣៨នាក់ បានបញ្ជូនទៅកាន់មន្ទីរពេទ្យបង្អែកខេត្ត ដើម្បីព្យាបាល ចំណែកឯអ្នកអវិជ្ជមានឲ្យទៅធ្វើចត្តាឡីស័កនៅផ្ទះ១៤ថ្ងៃ។

នៅថ្ងៃនេះ គ្រូពេទ្យនៅតែធ្វើតេស្តយកសំណាកបន្តទៀត ដូច្នេះហើយសូមបងប្អូនអាជីវករផ្សារសាមគ្គីអ្នក ដែលមិនទាន់បានធ្វើតេស្តយកសំណាក អញ្ជើញមកយកសំណាកនៅផ្សារសាមគ្គីបន្តទៀត៕

អត្ថបទ៖ គឿនវេត