ព័ត៌មានជាតិ
តេស្ដសំណាកនគរបាលវរសេនាតូចការពារព្រំដែនគោកសរុប១៩៩នាក់ រកឃើញវិជ្ជមានកូវីដចំនួន៤នាក់
ល្ងាចថ្ងៃទី២៣ ខែកញ្ញា ឆ្នាំ២០២១នេះ ក្រុមគ្រូពេទ្យជួរមុខបានយកសំណាកធ្វើតេស្តរហ័សទៅលើនគរបាលវរសេនាតូចការពារព្រំដែនគោកលេខ៩១១-៨៩១និង៨១៥ សរុបចំនួន១៩៩នាក់ រកឃើញអ្នកកើតជំងឺកូវីដ-១៩ ចំនួន៤នាក់។
លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ បានប្រាប់ឲ្យដឹងថា ដោយការយកចិត្តទុកដាក់គិតគូរពីសុវត្ថិភាពសុខភាពរបស់កងកម្លាំងនគរបាលជួរមុខនៃវរសេនាតូចការពារព្រំដែនគោកដែលកំពុងប្រតិបត្តិការតាមបន្ទាត់ព្រំដែនក្នុងភូមិសាស្ត្រនៃខេត្តបន្ទាយមានជ័យ និងដើម្បីទប់ស្កាត់ការឆ្លងរាលជំងឺកូវីដ .១៩ ពិសេសជំងឺប្រភេទថ្មីដែលតានោះ លោកបានឲ្យនគរបាលការិយាល័យសុខាភិបាល នៃស្នងការដ្ឋាននគរបាលខេត្តបន្ទាយមានជ័យ ដឹកនាំដោយលោក ស្រី វរសេនីយ៍ទោ សែ សុវ៉ារី នាយការិយាល័យសុខាភិបាល ចុះយកសំណាកនគរបាលវរសេនាតូចការពារព្រំដែនគោកលេខ៩១១-៨៩១និង៨១៥ សរុបចំនួន១៩៩នាក់ រកឃើញអ្នកកើតជំងឺកូវីដ.១៩ មានចំនួន៤នាក់។
លោកស្រី វរសេនីយ៍ទោ សែ សុវ៉ារី នាយការិយាល័យ សុខាភិបាល បានប្រាប់ឲ្យដឹងថា តាមបទបញ្ជាពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកស្រី បានដឹកនាំកម្លាំង ចុះយកសំណាកពិនិត្យរកមេរោគកូវីដ-១៩ ដល់កងកម្លាំងនគរបាលការពារព្រំដែនគោកចំនួន៣អង្គភាពមាន ៩១១-៨៩១និង៨១៥ សរុប ចំនួន១៩៩នាក់ ស្រីចំនួន៨នាក់ ។
ក្នុងការចុះយកសំណាកពិនិត្យមេរោគកូវីដ-១៩ដល់មន្ត្រី នគរបាលទាំង១៩៩នាក់ ស្រី៨នាក់នោះ ជាលទ្ធផលបានរកឃើញមន្ត្រីនគរបាលចំនួន៤នាក់ ស្រី១នាក់ មានវិជ្ជមានកូវីដ-១៩ និងត្រូវបានបញ្ជូនទៅព្យាបាលនៅតាមមណ្ឌលភ្លាមផងដែរ។ ក្នុងនោះលោកស្រី វរសេនីយ៍ទោ សែ សុវ៉ារី បានផ្តាំផ្ញើដល់មន្ត្រីនគរបាលដែលមានវិជ្ជមានកូវីដ-១៩ ត្រូវខិតខំព្យាបាលជំងឺ និងថែរក្សាសុខភាព មានអនាម័យ ពាក់ម៉ាស់ និងលាងដៃជាមួយសាប៊ូ ជែលឬបាញ់អាកុលជាដើម និងអនុវត្តតាមវិធានការរបស់ក្រសួងសុខាភិបាល និងវិធានការ៣ការពារនិង៣កុំ ជានិច្ច ។
ទន្ទឹមនោះដែរ មន្ត្រីដែលអវិជ្ជមានមិនត្រូវមានមោទនភាពធ្វេសប្រហែសនោះឡើយ គឺត្រូវបង្កើនការប្រុងប្រយ័ត្នជាប់ជាប្រចាំ ព្រោះថាកូវីដ-១៩ វាមិនភ្លេចយើងទេ តែយើងអាចភ្លេចកូវី-១៩ បាន ដូច្នេះយើងត្រូវបន្តអនុវត្តតាមវិធានការរបស់ក្រសួងសុខាភិបាលនិងវិធានការ៣ការ ពារនិង៣កុំ ឲ្យបានខ្ជាប់ខ្ជួន៕
អត្ថបទ៖ វ៉ាន់ ណាង
-
ព័ត៌មានជាតិ១ សប្តាហ៍ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៤ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៥ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៤ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៣ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ៧ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
សន្តិសុខសង្គម៣ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៧ ម៉ោង agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន