ព័ត៌មានជាតិ
គ្រប់ការដ្ឋានសំណង់ទាំងអស់ តម្រូវឲ្យយកសំណាករយៈពេល១០ថ្ងៃម្តង
ការដ្ឋានសំណង់សរុបចំនួន៤៥ការដ្ឋាននៅក្នុងមូលដ្ឋានខណ្ឌដូនពេញ ដែលកំពុងដំណើរការ និង មានបុគ្គលិក កម្មករកំពុងបម្រើការងារ តម្រូវឱ្យម្ចាស់ការដ្ឋានទាំងអស់រៀបចំយកសំណាករកមេរោគកូវីដ-១៩ លើកម្មករនិយោជិតរបស់ខ្លួនរៀងរាល់១០ថ្ងៃម្តង ដោយសហការជាមួយក្រុមគ្រូពេទ្យជំនាញ និងអាជ្ញាធរមូលដ្ឋាន រួចថតរូបព្រមទាំងរាយការណ៍ជាលាយលក្ខណ៍អក្សរមករដ្ឋបាលខណ្ឌ អំពីចំនួនអ្នកយកសំណាក អ្នកវិជ្ជមាន ឬអវិជ្ជមាន ហើយត្រូវគោរពតាមវិធានការសុខាភិបាល ចំពោះកិច្ចការប្រចាំថ្ងៃរបស់ខ្លួន ដើម្បីចូលរួមបង្ការ និងទប់ស្កាត់ការឆ្លងរាលដាលជំងឺកូវីដ-១៩ ។
លោក សុខ ពេញវុធ អភិបាលនៃគណៈអភិបាលខណ្ឌដូនពេញ បានឲ្យដឹងដូច្នេះកាលពីថ្ងៃទី២ ខែកញ្ញា ឆ្នាំ២០២១នេះ ក្នុងកិច្ចប្រជុំស្តីពីការពង្រឹងការចូលរួមអនុវត្តសេចក្តីជូនដំណឹងលេខ ០២០/២១សណន ចុះថ្ងៃទី២៣ ខែកក្កដា ឆ្នាំ២០២១ របស់រដ្ឋបាលរាជធានីភ្នំពេញ ពាក់ព័ន្ធនឹងវិធានការបង្ការ និងទប់ស្កាត់ការឆ្លងរីករាលដាលជំងឺកូវីដ-១៩ នៅតាមការដ្ឋានសំណង់ក្នុងរាជធានីភ្នំពេញ តាមរយៈកម្មវិធី Zoom Meeting។
ក្នុងកិច្ចប្រជុំនោះដែរមានការចូលរួមពីលោកអភិបាលរងទទួលបន្ទុក ការិយាល័យរៀបចំដែនដី នគរូបនីយកម្មសំណង់ និងភូមិបាលខណ្ឌ លោកប្រធានការិយាល័យពាក់ព័ន្ធ លោក លោកស្រីចៅសង្កាត់ទាំង១១ លោកនាយនគរបាលប៉ុស្តិ៍រដ្ឋបាលទាំង១១ និងតំណាងម្ចាស់ការដ្ឋានសំណង់ក្នុងមូលដ្ឋានខណ្ឌផងដែរ ។
ឆ្លៀតក្នុងឱកាសនេះ លោកអភិបាលក៏បានក្រើនរំឮកបន្ថែមចំពោះម្ចាស់ ឬអ្នកគ្រប់គ្រងការដ្ឋានទាំងអស់ឲ្យបង្កើនការយកចិត្តទុកដាក់ លើការងាររបស់ខ្លួនមួយចំនួនដូចជា៖
-ការដ្ឋានសំណង់ សូមអនុវត្តការសាងសង់របស់ខ្លួន ឲ្យត្រឹមត្រូវតាមប្លង់ស្ថាបត្យកម្ម ពោលគឺគោរពអនុវត្តតាមច្បាប់ ស្តីពីសំណង់ស៊ីវិល ចៀសវាងការលបលួចសាងសង់លើសជាន់ ខុសបច្ចេកទេស ឬខុសប្លង់អនុញ្ញាត ដែលអាចបង្កគ្រោះថ្នាក់ជាយថាហេតុ ក្នុងពេលសាងសង់ និងពេលអនាគត ។
-ត្រូវចៀសវាងឲ្យបានជាអតិប្បរមា ការបង្កសំឡេងរំខាន ផលប៉ះពាល់ពីការសាងសង់ ដល់លំនៅដ្ឋានអ្នកជិតខាងជាប់ព្រំ បង្កបាក់ស្រុតផ្ទះអ្នកជិតខាង ។
-ជាពិសេសត្រូវយកចិត្តទុកដាក់លើបច្ចេកទេសហ៊ុមព័ទ្ធការដ្ឋាន ឲ្យបានត្រឹមត្រូវ និងធានាសុវត្ថិភាពរបស់កម្មករ និយោជិតក្នុងការដ្ឋានរបស់ខ្លួន ៕
អត្ថបទ៖ រស្មី
អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំដកអគារមួយខ្នងទុកឲ្យកូនស្រី
កូនស្រីមហាសេដ្ឋីកាស៊ីណូ ហុងកុង ទម្លាយទាំងតូចចិត្តថា បានមរតកតិចជាងបងប្អូនផ្សេងទៀត
ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក
ទៅលេងសៀមរាប ចាយត្រឹម ៥ ដុល្លារ ទទួលបទពិសោធន៍ជិះកន្រ្តកវិលខ្ពស់បំផុតទី ៣ នៅអាស៊ាន
គិតត្រឹមឆ្នាំ ២០២២ កម្ពុជាសម្រេចសាងសង់ផ្លូវសរុបបានប្រវែងប្រមាណ ៦៦ ៧២៣ គីឡូម៉ែត្រ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?