ព័ត៌មានជាតិ
ការដ្ឋានសាងសង់ស្ពានអាកាសថ្មើរជើងសន្ធរមុខ ចេញជារូបរាងហើយ ខណៈក្រុមការងារស្ទូចគ្រោងដែកស្ពានដាក់លើទម្រ សរសរ
ការដ្ឋានសាងសង់ ស្ពានអាកាសថ្មើរជើងសន្ធរមុខ ស្ថិតក្នុងខណ្ឌទួលគោក បានឈានដល់ការស្ទូចគ្រោងដែកស្ពានដាក់លើទម្រសរសរស្ពានហើយ កាលពីយប់ថ្ងៃទី២៩ តុលា និងព្រឹកថ្ងៃទី៣០ ខែតុលា ឆ្នាំ២០២១នេះ ខណៈដែលកំណាត់ផ្លូវមួយចំនួន នៅក្បែរនឹងការដ្ឋាននេះ ត្រូវបានបិទមិនឲ្យធ្វើចរាចរណ៍ ជាបណ្ដោះអាសន្ន។
លោក ជា ពិសី អភិបាល នៃគណៈអភិបាលខណ្ឌទួលគោក កាលពីយប់ថ្ងៃទី២៩ ខែតុលា បានចុះពិនិត្យផ្ទាល់ទៅដល់ទីតាំងការដ្ឋាន នៃការស្ទូចគ្រោងដែកស្ពាន ដាក់លើទម្រសរសរស្ពាននេះផងដែរ ដើម្បីជំរុញការងារនេះឲ្យបានលឿន និងសម្រួលទៅដល់ចរាចរណ៍ នៅតំបន់នេះ។
ពាក់ព័ន្ធ នឹងការដំឡើងគ្រោងដែកតួស្ពានអាកាសថ្មើជើងនេះ រដ្ឋបាលរាជធានីភ្នំពេញ កាលពីល្ងាចថ្ងៃទី២៨ ខែ តុលា ឆ្នាំ២០២១ បានចេញសេចក្តីជូនដំណឹង ពីការបិទចរាចរលើកំណាត់ផ្លូវមួយចំនួន នៅក្បែរការដ្ឋានសាងសង់ស្ពានអាកាសថ្មើរជើងសន្ធរម៉ុក ស្ថិតក្នុងខណ្ឌទួលគោក ក្នុងរយៈពេល៣យប់ ដោយចាប់ពីយប់ថ្ងៃទី២៩, យប់ថ្ងៃទី៣១ ខែតុលា និងយប់ថ្ងៃទី២ ខែវិច្ឆិកា ឆ្នាំ២០២១ ចាប់ពីម៉ោង៦ និង០០យប់ ដល់ម៉ោង៧ និង00ព្រឹក ដើម្បីដំឡើងគ្រោងដែកតួស្ពាន ខណៈដែលការងារសាងសង់សរសរគ្រឹះស្ពាន បានបញ្ចប់ទាំងស្រុង។
ចំពោះការបិទនេះ គឺ១-យប់ថ្ងៃទី២៩ ខែតុលា ឆ្នាំ ២០២១ បិទចរាចរ ផ្នែកខាងជើងផ្លូវកម្ពុជាក្រោម ដល់ផ្លូវលេខ ២៥៣ ផ្លូវលេខ ២៣៣ និងមហាវិថីម៉ៅសេទុង គឺចាប់ពីធនាគារ អេប៊ីអេ “ABA Bank ” ដល់ផ្លូវលេខ១២២។ ២-យប់ថ្ងៃទី ៣១ ខែតុលា ឆ្នាំ២០២១ បិទចរាចរ ផ្នែកខាងត្បូងផ្លូវកម្ពុជាក្រោម ដល់ផ្លូវលេខ២៥៣ ,ផ្លូវលេខ ២៣៣ និងមហាវិថី ម៉ៅសេទុង គឺចាប់ពីសាលាបឋមសិក្សាសន្ធរម៉ុក ដល់ផ្លូវលេខ១៣៤។ ៣-យប់ថ្ងៃទី២ ខែវិច្ឆិកា ឆ្នាំ២០២១ បិទចរាចរកំណាត់ផ្លូវកម្ពុជាក្រោម គឺចាប់ពីសាលាបឋមសិក្សាសន្ធរម៉ុក ដល់ផ្លូវលេខ២៥៣ និងកំណាត់ផ្លូវកម្ពុជាក្រោម ចាប់ពីធនាគារអេប៊ីអេ ” ABA Bank ” ដល់ផ្លូវលេខ២៣៣។
ស្ពានអាកាសថ្មើរជើង នៅត្រង់មុខសាលាបឋមសិក្សាសន្ធរម៉ុក ត្រូវសាង់សង់នៅលើចំណុចផ្លូវប្រសព្វទាំង៤ទិស គឺ សាងសង់កាត់ទទឹងផ្លូវម៉ៅសេទុង២ខ្សែ និងកាត់ទទឹងផ្លូវកម្ពុជាក្រោម ២ខ្សែ ដើម្បីបង្កលក្ខណៈងាយស្រួលដល់សិស្សានុសិស្ស បានឆ្លងកាត់ស្ពាននេះ ដោយសុវត្ថិភាព ទោះពួកគេមកពីទិសខាងណាក៏ដោយ។
គួរបញ្ជាក់ទៀតថា មកដល់ពេលនេះ រាជធានីភ្នំពេញមានស្ពានអាកាសថ្មើរជើង ចំនួន៤កន្លែងហើយ។ ក្នុងនោះរួមមាន នៅតំបន់ជម្ពូវ័ន្ត ខណ្ឌពោធិ៍សែនជ័យ មានចំនួន២កន្លែង និងនៅតំបន់ភ្លើងស្តុបនាងគង្ហីង មានចំនួន ១កន្លែង និងនៅផ្សារដើមគរមានមួយកន្លែងទៀត ដែលបានបើកសម្ពោធដាក់ឲ្យប្រើប្រាស់ជាផ្លូវការ កាលពីការចុងខែកក្កដា ឆ្នាំ២០២០ កន្លងមកនេះ ក្រោមវត្តមានលោក ឃួង ស្រេង អភិបាល នៃគណៈអភិបាលរាជធានីភ្នំពេញ៕
អត្ថបទ៖ ស្រីរ័ត្ន
សម្ដេចតេជោ ថាបញ្ហានៅមុំបី ជាល្បិចកលច្រំដែលចង់លេបយកដីខ្មែរ ដោយមេបញ្ជាការថ្នាក់ក្រោម និងមានពួកជ្រុលនិយមថៃគាំទ្រ
ឱកាសការងារ៦៦៥១៣កន្លែង កំពុងរង់ចាំ យុវជន និងពលរដ្ឋកម្ពុជាដែលមានបំណងចង់រកការងារថ្មី
លោក ញឹក ប៊ុនឆៃ ថាបញ្ហាព្រំដែនចាប់ផ្ដើមមានបញ្ហាបន្ទាប់ពីថៃគូរព្រំដែនថ្មី
លោកស្រី ប៉ែន សុបភា៖ប្រព័ន្ធគាំពារសង្គមនៅកម្ពុជា បោះជំហានជាមួយលទ្ធផលល្អ គួរជាទីមោទនៈ
លោក គុជ លី៖ បើខ្លួនឯងស្អប់សន្ដិភាពកុំបបួលគេបំផ្លាញសន្ដិភាព
បាងកក ប្រឈមគ្រោះទឹកជំនន់
ផ្ទុះការបាញ់ប្រហារនៅថៃសម្លាប់មនុស្ស៣នាក់ និងបង្ករបួស និងការបិទសាលារៀន
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ
ទោះបីភ្លៀងបន្តធ្លាក់ កងវិស្វកម្មពុះពារបន្តសាងសង់ផ្លូវក្រវាត់ព្រំដែន នៅទិសរតនគិរី
រុស្ស៊ី គំរាមវាយអាល្លឺម៉ង់ តែម្តង បើអ៊ុយក្រែន បាញ់មីស៊ីល Taurus ចូលដីខ្លួន
-
ព័ត៌មានជាតិ៦ ថ្ងៃ agoសពទ័ពមួកខៀវកម្ពុជា២រូប កំពុងត្រូវបានបញ្ចូនមកកម្ពុជាតាមយន្តហោះ ដែលនឹងមកដល់មាតុភូមិឆាប់ៗនេះ
-
ព័ត៌មានជាតិ១ ថ្ងៃ agoកម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
សន្តិសុខសង្គម៥ ថ្ងៃ agoនគរបាលជំនាញព្រមានចាត់វិធានការលើម្ចាស់គណនីហ្វេសប៊ុកមួយ ដែលតែងបង្ហោះព័ត៌មានក្លែងក្លាយសុំជំនួយដើម្បីផលប្រយោជន៍ផ្ទាល់ខ្លួន
-
ព័ត៌មានជាតិ៤ ថ្ងៃ agoសពកងទ័ពមួកខៀវកម្ពុជាទាំង២រូប មកដល់មាតុភូមិកំណើតវិញហើយនៅល្ងាចថ្ងៃទី២៦ ខែឧសភា នេះ
-
សន្តិសុខសង្គម៦ ថ្ងៃ agoតុលាការសម្រេចឃុំខ្លួនអតីតអ្នកឧកញ៉ា ហេង សិទ្ធី ដាក់ពន្ធនាគារព្រៃស
-
ព័ត៌មានជាតិ២ ថ្ងៃ agoអាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
ព័ត៌មានជាតិ២ ថ្ងៃ agoអ្នកនាំពាក្យថាកម្ពុជាកំពុងមានចំណាត់ការលើករណីថៃចូលបាញ់ដែលធ្វើឱ្យស្លាប់ទាហានខ្មែរ
-
សន្តិសុខសង្គម៣ ថ្ងៃ agoមន្ទីរធម្មការនិងសាសនា ចុះធើ្វកិច្ចសន្យាបុគ្គល២នាក់ តាំងខ្លួនជាអ្នកស្នងបារមី