Connect with us

ព័ត៌មានជាតិ

គ្រោង​បង្កើត​​ស្ថានីយ​សាក​អាគុយ​ លើ​ផ្លូវ​ល្បឿនលឿន​ទៅ​ខេត្ត​ព្រះសីហនុ

បានផុស

នៅ

ផ្លូវ​ល្បឿនលឿន​ទៅខេត្តព្រះសីហនុដែល​កំពុង​ដំណើរការ​ស្ថាបនា ខាង​រដ្ឋាភិបាល​គ្រោង​មាន​ការ​ជជែក​ជាមួយ​ក្រុមហ៊ុន​សាងសង់​លើ​​ការ​បំពាក់​ស្ថានីយ​សាក​អាគុយ​បន្ថែម ដើម្បី​ជំរុញ​ការ​ប្រើប្រាស់​រថយន្ត​អគ្គិសនី ដែល​រដ្ឋាភិបាលប្រកាស​​​គាំទ្រ​​ក្នុង​ការ​កាត់​បន្ថយ​ការ​បំភាយ​ឧស្ម័ន​ក្នុង​បរិយាកាស។

ឯកឧត្តម ស៊ុន ចាន់ថុល រដ្ឋមន្រ្តី​ក្រសួង​សាធារណការ​និង​ដឹក​ជញ្ជូន​បានគូសបញ្ជាក់ថា ក្រសួង​កំពុងរៀបចំគោល នយោបាយ និង​ការគាំទ្រ​សម្រាប់​រថយន្តដើរ​ដោយ​ថាមពលអគ្គិសនី (EVs) ដែល​ត្រូវធានាឱ្យមានហេដ្ឋារចនាសម្ព័ន្ធចាំបាច់​ដែល​រួម​មាន​ ស្ថានីយ៍សាកអាគុយ កន្លែងផ្តល់សេវា គ្រឿងបន្លាស់ បុគ្គលិកទទួលការបណ្តុះបណ្តាល និងកន្លែង​បោះ​ចោលអាគុយ និងធានាថា EVs ដែលនាំចូលមកកម្ពុជាមានគុណភាពល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​រដ្ឋមន្រ្តី​ គ្រោង​ជួប​ពិភាក្សា​ជាមួយ​ក្រុមហ៊ុន​សាងសង់​ផ្លូវ​ល្បឿន​លឿន​ទៅ​ខេត្ត​ព្រះសីហនុ ដើម្បី​បន្ថែម​ស្ថានីយ​សាកអាគុយ ដើម្បី​សម្រួល​ការ​ប្រើប្រាស់​រថយន្ត​អនាគត​នេះ។

“ក្រៅពី​​ស្ថានីយ​ចាក់សាំង គួរ​បញ្ចូល​ស្ថានីយ​សាគ​អាគុយបន្ថែម ខាង​ក្រសួង​​គ្រោង​ជួប​ជជែកជាមួយ​ខាង​ក្រុមហ៊ុនដើម្បីសម្រួល​ការ​ប្រើប្រាស់​រថយន្ត​សាកអាគុយ​នៅកម្ពុជាគម្រោង​បង្កើត​ស្ថានីយ​សាក​អាគុយ ក្រុមហ៊ុន​ឯកជន​អាច​ធ្វើការ​ជាមួយ​រដ្ឋាភិបាល ឬ​អាច​វិនិយោគ​ដោយ​ផ្ទាល់​”។

បើ​តាម​លោក​រដ្ឋមន្រ្តី​ បច្ចុប្បន្ន​មាន​រថយន្ត​ដើរ​ថាមពល​អគ្គិសនី (Evs) តែ ៤២ គ្រឿង​ប៉ុណ្ណោះ​ ដែលបាន​​ចុះ​បញ្ជី​នៅ​ក្រសួង។ រដ្ឋាភិបាល​បាន​លើក​ទឹកចិត្ត​ក្នុង​ការ​ប្រើប្រាស់​រថយន្ត​ដើរ​ដោយ​ថាមពលអគ្គិសនី ​ដោយ​បន្ថយ​ពន្ធ​ជាង​ពាក់​កណ្តាល​ បើ​ធៀប​រថយន្ត​ប្រើប្រាស់សាំង​ដែលនាំ​ចូល​មក​លក់​ក្នុង​ស្រុក។

រថយន្តដើរដោយថាមពលអគ្គិសនី ជួយឱ្យបរិស្ថានស្អាត មានប្រសិទ្ធភាពជាង រថយន្តប្រើសាំង និង​អាច​ជួយ​កាត់បន្ថយការបំពុលខ្យល់ ដោយសារ​រថយន្ត​ប្រភេទ​នេះ​មិនប្រើ​សាំងក្នុង​ដំណើរការ​របស់វាទេ។ រថយន្តអគ្គិសនីក៏ជួយកាត់បន្ថយការ បំភាយ​ឧស្ម័នកាបូនទៅក្នុងបរិយាកាសផងដែរ បើ​ទោះបី​ជាបណ្តាញអគ្គិសនីត្រូវបានដំណើរការដោយធ្យូងថ្មក៏ដោយ។

ឯកឧត្តម​ទេសរដ្ឋមន្ត្រីបានគូសបញ្ជាក់​ថា រថយន្តដើរដោយថាមពលអគ្គីសនី នឹង​ដើរតួនាទី​យ៉ាង​សំខាន់​ ក្នុងការរួមចំណែក​ដល់ការកាត់បន្ថយការ​បញ្ចេញឧស្ម័នកាបូនទៅក្នុងបរិយាកាសធ្វើឱ្យ​ប៉ះពាល់ដល់បរិស្ថាន។

គម្រោងផ្លូវល្បឿនលឿនដែលគ្រោង​បញ្ចប់នៅ​ឆ្នាំ​២០២៣ មានប្រវែងសរុបជាង១៩០គីឡូម៉ែត្រ អនុញ្ញាតឱ្យយានយន្តគ្រប់ប្រភេទ អាចបើកបរក្នុងល្បឿនរហូតដល់១០០គីឡូម៉ែត្រ ក្នុងមួយម៉ោង និងកន្លែងខ្លះអាចបើកបរ ក្នុង​ល្បឿន​ដល់១២០គីឡូម៉ែត្រ ក្នុងមួយម៉ោង។ នៅលើកំណាត់ផ្លូវនេះ មាន​រៀបចំ​តំបន់​សេវាកម្ម ឬ​ចំណត​ឈប់​សម្រាកចំនួន ៣ កន្លែង ចំណតរថយន្តចំនួន១កន្លែង មណ្ឌល​ប្រតិបត្តិការ​និង​ថែទាំ​ផ្លូវចំនួន ៤ កន្លែង និងបញ្ជរបង់ប្រាក់ចំនួន៩កន្លែង។

បើ​តាម​លោក​រដ្ឋមន្រ្តី​ក្រសួង​សាធារណការ​ ក្រៅ​ពី​គម្រោង​ក្នុង​ការ​បំពាក់​ស្ថានីយ​សាក​អាគុយ​នៅ​លើ​ផ្លូវ​ល្បឿនលឿន​ទៅ​ខេត្ត​ព្រះសីហនុ ក្រសួង​ក៏​គ្រោង​ជជែក​ជាមួយ​ភាគី JICA ដើម្បី​បំពាក់​ស្ថានីយ​សាក​អាគុយ​លើ​ផ្លូវ​ជាតិ​លេខ ៥ ដែល​កំពុង​សាងសង់​ដោយ​ជប៉ុន៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២៣ នាទី មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ១ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ២ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៥ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៥ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម