Connect with us

ព័ត៌មានជាតិ

តំបន់​ទេសចរណ៍​មួយ​នៅ​ខេត្ត​កណ្តាល​មួយ​ខែ មាន​អ្នក​ទៅ​លេង​ជិត ៣ ម៉ឺន​នាក់

បានផុស

នៅ

ខេត្ត​កណ្តាល​មាន​រមណីយដ្ឋាន​ទេសចរណ៍ ៦ កន្លែង ដែល​មាន​ទាំងកែច្នៃ វប្បធម៌ និង​ធម្មជាតិ។ ដោយ​ឡែក​រមណីយដ្ឋាន​ភ្នំ​​ព្រះរាជ្យ​ទ្រព្យ​នៅ​ក្នុង​ខែ​តុលា​នេះ មាន​ភ្ញៀវ​ទៅលេង​ជិត ៣ ម៉ឺននាក់។

មន្រ្តី​ទេសចរណ៍​ខេត្ត​កណ្តាល​មួយ​រូប​បាន​ប្រាប់​កម្ពុជា​ថ្មី​ថា ភ្ញៀវ​ទេសចរ​ដែល​មក​កម្សាន្ត​តាម​បណ្តា​រមណីយដ្ឋានទូទាំំង​ខេត្តកណ្តាល​ក្នុង​ខែ​តុលា​សរុប​មាន​ចំនួន ៧១ ០៩២ នាក់ ក្នុង​នោះ​ភ្ញៀវ​ទេសចរ​ជាតិ​មាន​ចំនួន ៧០ ៨៦៤ នាក់ ប្រៀបធៀប​ខែ​តុលា ឆ្នាំ២០២០ មាន១៤៣ ០៤២ នាក់ គឺ​មាន​អាត្រា​ថយ​ចុះ​ជាង​ ៥០​%។ ដោយ​ឡែក​ភ្ញៀវទេសចរអន្តរជាតិ​មាន​ចំនួន ២២៨ នាក់ មាន ១៥ សញ្ជាតិ​ក្នុង​នោះ​មាន​ ចិន ១៥០នាក់ បារាំង ៥០នាក់ សហរដ្ឋអាមេរិក ២០នាក់ និង​សញ្ជាតិ​ផ្សេងៗ​មាន​ចំនួន ០៨ នាក់ បើ​ប្រៀបធៀប​ខែតុលា ឆ្នាំ ២០២០ មាន​ចំនួន ២៦៩នាក់ គឺមានអាត្រាថយចុះ ១៥.២៤ %។

បើ​តាម​មន្រ្តី​ទេសចរណ៍​ដដែល​​បាន​ប្រាប់​ថា ក្នុង​អំឡុង​ខែ​តុលា​រមណីយដ្ឋាន​ទេសចរណ៍​ភ្នំ​ព្រះរាជ​ទ្រព្យ​មាន​ភ្ញៀវ​ទៅ​កម្សាន្ត​ច្រើន​ជាង​គេ​មាន​ចំនួន ២៩ ៩១៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅ​ពី​ភ្នំ​ព្រះរាជ​ទ្រព្យ ខេត្ត​កណ្តាល​មាន​តំបន់​រមយនីយដ្ឋាន​ទេសចរណ៍​ជា​ច្រើន​កន្លែង​ទៀតដែល​មាន​ភាពល្បីល្បាញ មាន​ភ្ញៀវ​ទៅ​លេង​ជា​ហូរហែ​មាន​ភ្នំ​ប្រសិទ្ធ វត្ត​កៀនស្វាយ​ក្រៅ រមណីយដ្ឋាន​ទេសចរណ៍​ស្អាង​ភ្នំ តំបន់​ទេសចរណ៍​ស្កាយឡែន (7NG) រមណីយដ្ឋាន​ទេសចរណ៍​ចម្ការ​ស្នេហ៍​ជា​ដើម។

ក្រៅ​ពី​នោះ​ក៏​មា​ន​ការ​ចាប់​អារម្មណ៍​ទៅ​លើ​តំបន់​កម្សាន្ត​ទើប​រៀបចំ​ថ្មីៗ​​ដូចជា មជ្ឍមណ្ឌលកម្សាន្តធម្មជាតិ ព្រីនស៍ ម៉ាណ័រ​នៅ​ស្រុក​កៀនស្វាយ រួម​ទាំង​រមណីយដ្ឋាន​ភូមិ​ផ្កា​ត្រកួន​ ដែល​ទើប​នឹង​អភិវឌ្ឍ​ទៅ​ជា​កន្លែង​សម្រាក​លម្ហែកាយ​បែប​ធម្មជាតិ​​​នៅ​ពីរ​ឆ្នាំ​ចុងក្រោយ​នេះ​ប៉ុណ្ណោះ៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម