ព័ត៌មានជាតិ
បេក្ខជនមួយចំនួន សង្ឃឹមមុន ៧០ ភាគរយលើការប្រឡងបាក់ឌុបឆ្នាំនេះ
ស្របពេលដែលដែលដំណើរការប្រឡងមធ្យមសិក្សាទុតិយភូមិបញ្ចប់នៅរសៀលថ្ងៃទី ២៨ ខែធ្នូនេះ បេក្ខជនប្រឡងមធ្យមសិក្សាទុតិយភូមិ ឬបាក់ឌុបមួយចំនួន បង្ហាញក្ដីសង្ឃឹម ៧០ ភាគរយ លើការធ្វើសំណេររបស់ខ្លួនថា នឹងជាប់ការប្រឡងឆ្នាំនេះ។
បេក្ខជន សឺ ឡាដា ប្រឡងនៅវិទ្យាល័យ ជា ស៊ីម បឹងកេងកង មានសង្ឃឹម ៦០ ភាគរយ លើសំណេររបស់ខ្លួន ដោយប្រាប់ថា ខ្លួនធ្វើបានច្រើនលើវិញ្ញាសាដែលចេញដោយក្រសួង។
សិស្សប្រឡងបាក់ឌុបម្នាក់ទៀត ឈ្មោះ សុភ័ស ស្រីពេជ្រ មកពីវិទ្យាល័យផ្សារដើមថ្កូវ ក៏បានប្រាប់ថា ខ្លួនមានសង្ឃឹម ៧០ ភាគរយ ដោយសារតែមានលំហាត់មួយចំនួន គឺធ្លាប់ធ្វើ ហើយអាចធ្វើបាននៅពេលចេញលើវិញ្ញាសាប្រឡងនៅថ្ងៃចុងក្រោយនេះ។
ក្រសួងអប់រំ យុវជន និងកីឡា បានអះអាងថា ដំណើរការប្រឡងរយៈពេល ថ្ងៃនេះ ដំណើរការទៅដោយរលួន រក្សាបាននូវរបៀបរៀបរយ និងសណ្ដាប់ធ្នាប់ល្អ មានភាពស្ងប់ស្ងាត់ល្អ ទាំងនៅក្នុង និងក្រៅមណ្ឌលប្រឡង។
ក្រសួងអប់រំ បានឱ្យដឹងថា គិតត្រឹមព្រឹកថ្ងៃទី ២ នៃការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបនេះ មានបេក្ខជនអវត្តមានចំនួន ៤៤៣០នាក់ ក្នុងចំណោមបេក្ខជនសរុបចំនួន ១១៤ ១៨៣នាក់ នៅទូទាំងប្រទេស និងមានបេក្ខជន មានបញ្ហាសុខភាពចំនួន ៣៦នាក់។
ដំណើរការសំណេរនៅថ្ងៃទី ២នេះ មានពីរមុខវិជ្ជាអក្សរសាស្ត្រខ្មែរ និងរូបវិទ្យា (ថ្នាក់វិទ្យាសាស្ត្រ) និងគណិតវិទ្យា និងសីលធម៌ ពលរដ្ឋវិជ្ជា (ថ្នាក់វិទ្យាសាស្ត្រសង្គម)។ បេក្ខជនប្រឡងឆ្នាំនេះ មានចំនួន ១១៤ ១៨៣នាក់ ស្រី ៦០៣៩៧នាក់ មាន ២០៤ មណ្ឌល ចែកចេញជា ៤៦១៦ បន្ទប់។ បេក្ខជនអវត្តមានសរុបមានចំនួន ៤៤៣០នាក់ (គិតបូកទាំងអវត្តមានថ្ងៃទី ២៧ខែធ្នូ ឆ្នាំ២០២១) ដែលស្មើនឹង ៣,៨៨ភាគរយ នៃបេក្ខជនសរុបទូទាំងប្រទេស៕
អត្ថបទ៖ ឡេង ដេត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ