Connect with us

ព័ត៌មានជាតិ

រដ្ឋមន្ត្រីក្រសួងអប់រំ ឱ្យបង្កើតគណៈកម្មការសុវត្ថិភាពសុខភាពសិក្សា តាមខេត្តក្រុង

បានផុស

នៅ

លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានដាក់ ដាក់ចេញវិធានការ បង្កើតគណៈកម្មការសុវត្ថិភាពសុខភាពសិក្សា តាមខេត្តក្រុងដើម្បីបង្ការជំងឺកូវីដ១៩ នៅតាមគ្រឹះស្ថានសិក្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុង ទិវាអប់រំអន្តរជាតិ នៅរសៀលថ្ងៃទី ២៤ ខែមករា ឆ្នាំ ២០២២ នេះ លោកបណ្ឌិតសភាចារ្យ ហង់ជួន ណារ៉ុន មានប្រសាសន៍ថា តាងនាមក្រសួងអប់រំ យុវជន និងកីឡា លោកសូមដាក់ចេញនូវវិធានការ ត្រូវបង្កើតឱ្យមាន គណៈកម្មការសុវត្ថិភាពសុខភាពសិក្សា នៅតាមខេត្តក្រុង ហើយបង្កើតឱ្យមានគណៈកម្មការសុខភាពសិក្សា នៅតាមគ្រឹះស្ថានសិក្សាឲ្យមានការចូលរួមពីមណ្ឌលសុខភាព គ្រូបង្គោល និងគ្រូប្រចាំថ្នាក់។

ជាមួយគ្នានេះ លោកបណ្ឌិតសភាចារ្យ បានសូមឱ្យគ្រឹះស្ថានសិក្សាទាំងអស់ប្រុងប្រយ័ត្នអនុវត្តឲ្យបានយ៉ាងខ្ជាប់ខ្ជួននូវស្តង់ដារសុវត្ថិភាពអនាម័យដែលក្រសួងអប់រំ យុវជន និងកីឡា និងក្រសួងសុខាភិបាលបានដាក់ចេញ ជាពិសេសគឺអនុវត្តនូវអនុសាសន៍ របស់សម្តេចតេជោនាយករដ្ឋមន្ត្រីគឺ បីកុំនិងការពារ។ សូមអនុវត្តនៅតាមតំបន់ណាដែលមានហានិភ័យខ្ពស់នូវការរៀនតាមបណ្ដុំ ដោយមិនត្រូវឲ្យចំនួនសិស្សលើសពី២០ ឬ២៥នាក់ឡើយ ដោយរក្សានូវគម្លាតឱ្យបានខ្ជាប់ខ្ជួន និងត្រូវរៀនផ្លាស់វេនគ្នា

រដ្ឋមន្ត្រីក្រសួងអប់រំ យុវជន និងកីឡា ខាងលើ បានថ្លែងអំណរគុណសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដឹកនាំ ការប្រយុទ្ធប្រឆាំងកូវីដត្រូវបានជោគជ័យ ហើយដែលបានផ្ដល់អាទិភាពនៅក្នុងការចាក់វ៉ាក់សាំងដល់បុគ្គលិកអប់រំ លោកគ្រូអ្នកគ្រូ ព្រមទាំងសិស្សានុសិស្សទាំងអស់ដែលអាចឲ្យយើងបើកសាលារៀនដំណើរការបាន។

លោកក៏សូមថ្លែងអំណរគុណដល់លោកគ្រូអ្នកគ្រូទាំងអស់ដែលបានខំប្រឹងប្រែងអស់ពីកម្លាំងកាយចិត្តនៅក្នុងការរៀនប្រើប្រាស់បច្ចេកវិទ្យាដើម្បីផ្តល់ការអប់រំដល់សិស្សនៅក្នុងបរិបទនៃការផ្អាកដំណើរការសាលារៀន ហើយបានបញ្ចេញនូវគំនិតច្នៃប្រឌិតនៅក្នុងការបង្រៀនតាមបែបអេឡិត្រូនិច ការបង្រៀនតាមបណ្ដុំ ការបង្រៀនតាមខ្នងផ្ទះ ការបង្រៀនដោយប្រើសន្លឹកកិច្ចការ និងការបង្រៀនពីចម្ងាយ។

លោកបណ្ឌិតសភាចារ្យ ហង់ជួន ណារ៉ុន បានវាយតម្លៃខ្ពស់ចំពោះការខំប្រឹងប្រែងរបស់ដៃគូអភិវឌ្ឍន៍ ដូចជាសហគមន៍ មាតាបិតា ដែលបានជួយគាំទ្រដល់ក្រសួងអប់រំ យុវជន និងកីឡា ជួយគាំទ្រដល់សាលារៀន ដើម្បីផ្ដល់នូវសម្ភារៈឧបទេស និងសម្ភារៈអនាម័យផ្សេងៗដើម្បីធានាបាននូវការបើកដំណើរការសាលារៀនប្រកបដោយសុវត្ថិភាព ចាប់ពីថ្ងៃទី ១០ ខែមករា ឆ្នាំ ២០២២ ក្រសួងអប់រំ យុវជន និងកីឡា បានបើកបវេសនាកាលថ្មី ដើម្បីផ្តល់ឱកាសឲ្យសិស្សានុសិស្សបានចូលរៀនឡើងវិញ៕

អត្ថបទ៖ ច័ន្ទ ​វីរៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម