ព័ត៌មានជាតិ
សន្ទុះការនាំចេញដំឡូងមីនៅខេត្តឧត្តរមានជ័យ នៅខែមករា ដើមឆ្នាំនេះជាង ៨ ម៉ឺនតោន
ផលិតផលដំណាំដំឡូងមីរបស់ប្រជាកសិករនៅខេត្តឧត្តរមានជ័យកំពុងមានទីផ្សារ ខណៈការនាំចេញទៅប្រទេសថៃមានប្រមាណ ៨ ម៉ឺនតោន នៅខែមករា ដើមឆ្នាំ ២០២២។
លោក សូត្រ ស៊ីសុខឃាង ប្រធានមន្ទីរកសិកម្ម រុក្ខាប្រមាញ់ និងនេសាទខេត្តឧត្តរមានជ័យ បានឱ្យដឹងថា នៅខែមករា ឆ្នាំ ២០២២ ដំឡូងមីរបស់កសិករនៅក្នុងខេត្តឧត្តរមានជ័យ ត្រូវបាននាំចេញទៅប្រទេសថៃតាមច្រកអន្តរជាតិអូរស្មាច់ក្នុងក្រុងសំរោង និងច្រកអន្តរជាតិជាំក្នុងស្រុកអន្លង់វែង មានចំនួន ៨ម៉ឺន តោន ខណៈពេញមួយឆ្នាំ២០២១ ការនាំចេញមានចំនួនតែជាង ២ សែនតោន (២៥៧,០១៤)។
លោកប្រធានមន្ទីរកសិកម្មបានថ្លែងបញ្ជាក់ថា ចំពោះតម្លៃដំឡូងមីក្នុងខែធ្នូ ឆ្នាំ២០២១ និងខែមករា ឆ្នាំ២០២២ គឺខុសគ្នាតិចតួច ដែលការខុសតម្លៃគ្នាតិចតួចនេះ គឺអាស្រ័យលើទីតាំងជិតឆ្ងាយ កន្លែងសៃឡូជិតគឺគេទិញបានថ្លៃបន្តិច ចំណែកទីតាំងសៃឡូនៅឆ្ងាយ គឺគេទិញបញ្ចុះតម្លៃតិចទៅដោយសារពាក់ព័ន្ធនឹងការដឹកជញ្ជូន។
លោកថា ដំឡូងមីសើមតម្លៃតម្លៃ ២៧០រៀល ទៅ ២៩០រៀល ក្នុង១គីឡូក្រាម ចំណែកដំឡូងមីស្ងួតតម្លៃ ៥៩០ រៀល ទៅ ៦១០ រៀល ក្នុង១គីឡូក្រាម ទៅតាមតំបន់ជិតឆ្ងាយដោយសារចំណាយលើការដឹកជញ្ជូន។
លោក សូត្រ ស៊ីសុខឃាង បានថ្លែងដោយការចាប់អារម្មណ៍ពីការកើនឡើងនៃទិន្នផលដំឡូងមីបើប្រៀបធៀបជាមួយឆ្នាំកន្លងទៅ។ លោកថា ការកើនឡើងទិន្នផលដំឡូងមីឆ្នាំនេះ គឺដោយសារការផ្លាស់ប្តូរពូជ កន្លងមក កសិករមានបញ្ហាដោយសារជំងឺមូហ្សិកវាយលុកលើដំណាំដំឡូងមីទូទាំងប្រទេស កសិករដាំទៅធ្លាក់ទិន្នផល។
លោកប្រធានមន្ទីរបានថ្លែងយ៉ាងដូច្នេះទៀតថា តាមរយៈការសហការជាមួយអង្គការ GIZ នៅក្នុងតំបន់ បានធ្វើការដាំដុះពូជថ្មីដែលធន់នឹងការឆ្លងជំងឺមូហ្សិក បានដាំទៅលើកសិករឆ្នើម ដើម្បីឲ្យពួកគាត់ផលិតពូជលក់នៅក្នុងតំបន់ ហើយបច្ចុប្បន្ននេះគឺបានធ្វើគ្រប់កន្លែងទាំងអស់ក្នុងខេត្តឧត្តរមានជ័យ ដើម្បីលក់ដើមចែកចាយទៅដល់កសិករនៅក្នុងតំបន់តាមស្រុកក្នុងខេត្តឧត្តរមានជ័យ។
លោកថា តាមរយៈការផ្លាស់ប្តូរពូជថ្មី KU៥០ និងពូជរ៉ាក់យ៉ង៧ រ៉ាក់យ៉ង៩ ហើយពូជដែលធនជាងគេគឺពូជ KU៥០ដែលធ្វើឲ្យកសិករចាប់អារម្មណ៍ បានផ្លាស់ប្តូរពូជដែលគាត់ដាំកន្លងមក ងាកមកដាំពូជ KU៥០ វិញ ធ្វើឲ្យគាត់មិនជួបបញ្ហាជំងឺឆ្លងមូហ្សិកធ្ងន់ធ្ងរ មិនថយគុណភាពចំណែកទិន្នផលបើប្រៀបធៀបជាមួយឆ្នាំកន្លងទៅគឺកើនឡើងច្រើន ហើយឆ្នាំក្រោយៗទៀតទិន្នផលនឹងកាន់តែកើនឡើង ដោយសារពូជដាំបានរីកសាយភាយនៅក្នុងខេត្តនឹងអាចនាំចេញទៅខេត្តផ្សេងៗ ហើយជំងឺមូហ្សិកក៏មានការថយចុះតាមរយះការផ្លាស់ប្តូរពូជ KU៥០ នេះដែរ៕
អត្ថបទ៖ ចាន់ ធី
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ