ព័ត៌មានជាតិ

គ្រឿងសម្អាងហួសសុពលភាពជាង២តោន ត្រូវសមត្ថកិច្ចរឹបអូស

បានផុស

៦ years មុន

នៅ

ថ្ងៃអាទិត្យ ២៥ តុលា ២០២០

ដោយ

កាលពីថ្ងៃទី២២-២៣ ខែតុលា ឆ្នាំ២០២០ កងកម្លាំងប្រយុទ្ធប្រឆាំងផលិតផលក្លែងក្លាយ រួមជាមួយនឹងកម្លាំងចម្រុះអន្តរក្រសួង បានចុះបង្ក្រាបទីតាំងស្ដុកគ្រឿងសម្អាងខូចគុណភាព២កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២២ ខែតុលា ឆ្នាំ២០២០ កម្លាំងសមត្ថកិច្ចបានចុះបង្ក្រាបទីតាំងមួយកន្លែង ក្នុងសង្កាត់ទំនប់ទឹក ខណ្ឌបឹងកេងកង ដែលស្តុកទុក និងចែកចាយផលិតផលគ្រឿងសម្អាងនាំចូលមកពីប្រទេសកូរ៉េ ជាច្រើនមុនមិនមានច្បាប់អនុញ្ញាត ពីក្រសួងសុខាភិបាល ហើយផលិតទាំងនោះភាគច្រើនខូចគុណភាព និងហួសសុពលភាព។ ចំណែកឯកាលថ្ងៃទី២៣ ខែតុលា ឆ្នាំ២០២០ កម្លាំងសមត្ថកិច្ច ក៏បានបន្តរកឃើញទីតាំងស្តុកទុកមួយកន្លែងទៀត ក្នុងសង្កាត់បឹងទំពុនទី១ ខណ្ឌមានជ័យ ដែលជាឃ្លាំងធំរក្សាទុកផលិតផលគ្រឿងសម្អាង ចំនួន៥៧មុខ ដែលនាំចូលពីប្រទេសកូរ៉េ ជាង២០តោន ដោយផលិតផលទាំងនោះជាង៩០% បានខូចគុណភាព ហួសសុពលភាព និងបានរកឃើញម៉ាស៊ីនសម្រាប់បោះពុម្ពសុពលភាពឡើងវិញ។ បច្ចុប្បន្នទីតាំងទាំងពីរ ត្រូវបានព្រះរាជអាជ្ញាអមសាលាដំបូងធ្វើការបិទទីតាំងជាបណ្ដោះអាសន្ន និងផលិតផលទាំងនោះនឹងត្រូវដកហូតទៅកម្ទេចចោល៕