Connect with us

ព័ត៌មានជាតិ

កសិករជាង ១ពាន់គ្រួសារ នៅខេត្តបាត់ដំបង ទទួលបានការបណ្តុះបណ្តាល ការអនុវត្តកសិកម្មល្អកម្ពុជា

បានផុស

នៅ

ប្រជាកសិករប្រមាណ ១,៣០០គ្រួសារ ក្នុងស្រុកគោលដៅ នៃខេត្តបាត់ដំបង ទទួលបានការបណ្តុះបណ្តាលការអនុវត្តកសិកម្មល្អកម្ពុជា (GAP)។ ក្នុងនោះកសិករចំនួន ៨០នាក់ ទទួលបានវិញ្ញាបនបត្រការចុះបញ្ជីចម្ការ និងការបិទរូបសញ្ញា នៃការអនុវត្តកសិកម្មល្អកម្ពុជាស្មើ ២៤% នៅទូទាំងប្រទេសដែលនេះ គឺជាមោទនភាពមួយ សម្រាប់ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ខាត់ បូរិន ប្រធានការិយាល័យក្សេត្រសាស្ត្រ និងផលិតភាពកសិកម្ម នៃមន្ទីរកសិកម្មរុក្ខាប្រមាញ់​ និងនេសាទខេត្តបាត់ដំបង បានមានប្រសាសន៍ឲ្យដឹងថា មន្ទីរកសិកម្ម​ខេត្ត បានធ្វើការបណ្តុះបណ្តាលការអនុវត្តកសិកម្មល្អកម្ពុជា ជូនប្រជាកសិករបានចំនួន ១,៣០០ គ្រួសារក្នុងស្រុកគោលដៅនៃខេត្តបាត់ដំបង។

ក្នុងនោះផ្ទៃដីដាំដំណាំបន្លែ ចំនួន ១,៤៤០ហ.ត ទិន្នផលសរុប២៦,៤៥៤តោន,ផ្ទៃដីដំណាំស្វាយកែវល្មៀត ១៧,១៨៤ ហ.ត ទិន្នផលសរុប ២៧៣,៨០៧តោន។ ផ្ទៃដីដំណាំមៀនប៉ៃលិនឬតាង៉ែន ៦,១៨៣ហ.ត ទិន្នផល ៨១,១៨១ តោន។ ផ្ទៃដីដំណាំទុរេន ៣៩០ហ.ត ទិន្នផល ៤,៧៩៣ តោន និងដំណាំឈើហូបផ្លែជាច្រើនទៀត។

 ការបណ្តុះបណ្តាលការអនុវត្តកសិកម្មល្អ (GAP) ដល់ប្រជាកសិករនៅតាមសហគមន៍កសិកម្មនានាក្នុងខេត្តបាត់ដំបង គឺដើម្បីបង្កើនការយល់ដឹង ពីសុវត្ថិភាពចំណីអាហារ និងកាត់បន្ថយភាពគ្រោះថ្នាក់សុវត្ថិភាពចំណីអាហារឲ្យនៅទាបបំផុត ក្នុងការបំពេញនូវតម្រូវការរបស់ទីផ្សារក្នុងស្រុក នឹងក្រៅប្រទេស ក៏ដូចជាធានាសុវត្ថិភាព ដល់អតិថិជនផងដែរ។

លោកប្រធាន បានឲ្យដឹងទៀតថា ការចុះបញ្ជីចម្កា រនិងការបិទរូបសញ្ញា នៃការអនុវត្តកសិកម្មល្អកម្ពុជា គឺពិតជាមានសារសំខាន់ណាស់ ដើម្បីរក្សាលំនឹងទីផ្សារកសិកម្មដោយ សារតែកសិករទាំងនោះបានចុះបញ្ជីការ និងរូបសញ្ញា នៃការអនុវត្តកសិកម្មល្អបានត្រឹមត្រូវ ដែលជាកម្មសិទ្ធិបញ្ញាដ៏សំខាន់របស់អ្នកផលិត ក្នុងការរក្សាបាននូវតម្លៃលើទីផ្សារ មិនមានការបញ្ចុះតម្លៃ តាមតែចិត្តរបស់ឈ្មួញ៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម