ព័ត៌មានជាតិ
លួចដឹកឈើប្រណិតពីកំពង់ធំ បំណងយកមកលក់នៅភ្នំពេញ ត្រូវមន្ត្រីជំនាញបង្ក្រាបបាន
ឈើប្រណិតដែលឈ្មួញលួចដឹក តាមរថយន្តធុនទេសចណ៍មួយគ្រឿងចេញពីខេត្តកំពង់ធំ ត្រូវបានមន្ត្រីជំនាញបង្ក្រាប ខណៈពេលដែលឈ្មួញប្រុងយកមកលក់ ឲ្យដេប៉ូឈើនៅម្តុំច្រាំងបាក់ នៃខណ្ឌច្បារអំពៅ រាជធានីភ្នំពេញ។
លោក អ៊ុន វណ្ណារិទ្ធ នាយរងខណ្ឌរដ្ឋបាលព្រៃឈើភ្នំពេញ បានឲ្យកម្ពុជាថ្មីដឹងថា ប្រតិបត្តិការនេះដឹកនាំដោយរូបលោកផ្ទាល់ រួមទាំងមន្ត្រីរបស់លោក នាព្រឹកថ្ងៃទី ១៥ ខែមីនានេះ។ លោក អ៊ុន វណ្ណារិទ្ធ បានបន្ថែមថា នៅព្រឹកនេះឈ្មួញបានដឹកឈើ ប្រភេទសុក្រំចំនួន ១៦កំណាត់ ប្រហែល ២ម៉ែត្រគូប តាមរយៈរថយន្តម៉ាកហៃលិនឌឺ ពណ៌ទឹកប្រាក់ ពាក់ស្លាកលេខភ្នំពេញ ២P ៥១៤៨ ចេញពីខេត្តកំពង់ធំដោយគ្មានលិខិតអនុញ្ញាត ពីរដ្ឋបាលព្រៃឈើឆ្ពោះមកទំលាក់ នៅដេប៉ូឈើលេខ ២៥ ផ្លូវ ៣៦៩(ច្រាំងបាក់) សង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ ហើយត្រូវបានកម្លាំងរដ្ឋបាលព្រៃឈើស្ទាក់ឃាត់សាកសួរ។ ភ្លាមៗនោះ អ្នកបើកបររថយន្ត បានរត់គេចបាត់បន្សល់ទុកតែរថយន្ត និងឈើប្រភេទលេខ ១ ក្នុងរថយន្ត។
លោក អ៊ុន វណ្ណារិទ្ធ បានបញ្ជាក់ថា មកដល់ម៉ោង ៩ព្រឹកថ្ងៃដដែលនេះ ទាំងរថយន្ត និងឈើ ត្រូវបានបញ្ជូនទៅកាន់ទីតាំងរដ្ឋបាលព្រៃឈើភ្នំពេញ ដើម្បីចាត់ការតាមផ្លូវច្បាប់។
សូមជម្រាបថា ចាប់តាំងពីរាជរដ្ឋាភិបាល ធ្វើការរឹតបន្តឹងពីការកាប់ទន្ទ្រាន និងបំផ្លាញព្រៃឈើមក គឺឈ្មួញរកស៊ីដឹកឈើ បានផ្អាកសកម្មភាពរហូតមកដល់ព្រឹកថ្ងៃទី ១៥ ខែមីនានេះ ពួកគេបានលបដឹកចេញខេត្តកំពង់ធំ បំណងយកលក់នៅទីតាំងដេប៉ូឈើច្រាំង តែត្រូវមន្ត្រីជំនាញធ្វើការបង្រ្កាបបាន៕
អត្ថប៖ នរា
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ