ព័ត៌មានជាតិ

មធ្យោបាយសម្រាប់ទូទាត់ថ្មីPayBandបានដាក់ឲ្យប្រើប្រាស់ហើយ

បានផុស

៤ years មុន

នៅ

ថ្ងៃអាទិត្យ ២០ មីនា ២០២២

ដោយ

ឥឡូវនេះអតិថិជនដែលមានបំណងចង់ប្រើប្រាស់មធ្យោបាយសម្រាប់ទូទាត់ថ្មីPayBand ជំនួសទូរស័ព្ទដៃ និងប័ណ្ណអេស៊ីលីដា អាចអញ្ជើញមកទំនាក់ទំនងនៅគ្រប់សាខាការិយាល័យរបស់ធនាគារអេស៊ីលីដាដែលនៅជិតបំផុត ដើម្បីទទួលបាននូវព័ត៌មានផ្សេងៗ និងទទួលបានPaybandយកទៅប្រើប្រាស់ទៅតាមតម្រូវការ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមមន្ត្រីជំនាញធនាគារអេស៊ីលីដា បានពន្យល់ថា Payband គឺជាឧបករណ៍ទូទាត់សាមញ្ញ រហ័ស និងសុវត្ថិភាពខ្ពស់។ ការប្រើប្រាស់មានលក្ខណៈដូចគ្នាទៅនឹងប័ណ្ណឥណពន្ធអេធីអឹម Contactless ដែលអាចទូទាត់សាច់ប្រាក់ជាមួយម៉ាស៊ីនឆូតកាត និងម៉ាស៊ីនផ្សេងៗទៀតដែលមានមុខងារ Contactless។

ជាមួយគ្នានេះដែរ Payband អាចដកប្រាក់ជាមួយម៉ាស៊ីនអេធីអឹម អេស៊ីលីដា ដែលបំពាក់ប្រព័ន្ធ Contactless ងាយស្រួលទូទាត់ចំណាយផ្សេងៗតាមម៉ាស៊ីនឆូតកាត អេស៊ីលីដា ឬស្ថាប័នផ្សេង (CSS members) ដែលបានបំពាក់ប្រព័ន្ធ Contactless និងមានសុវត្ថិភាពខ្ពស់ជំនួសឲ្យការប្រើសាច់ប្រាក់សុទ្ធ។

អតិថិជនអាចប្រើប្រាស់Paybandនេះបាន ត្រូវមានលក្ខខណ្ឌមួយចំនួនដូចជា ត្រូវមានគណនីបញ្ញើសំចៃ គណនីចរន្ត ឬគណនីបញ្ញើតាមតម្រូវការ ហើយជានីតិជនដែលមានអាយុចាប់ពី ១៨ ឆ្នាំ និងមានអត្តសញ្ញាណប័ណ្ណសញ្ជាតិខ្មែរ លិខិតឆ្លងដែន ឬឯកសារអត្តសញ្ញាណផ្សេងៗដែលមានសុពលភាព៕

Related Topics:ធនាគារអេស៊ីលីដា