ព័ត៌មានជាតិ

កសិករដាំផ្កា រយៈពេល៧ឆ្នាំ រស់ដោយសារការដាំដើមរាសី

បានផុស

៦ years មុន

នៅ

ថ្ងៃអង្គារ ១៥ ធ្នូ ២០២០

ដោយ

នេះជាការលើកឡើងរបស់កសិករយើងអ្នកដាំផ្ការាសី បន្ទាប់ពីផ្កាម្លិះ នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ ដោយបានអាស្រ័យផលពីការដាំផ្ការាសីនេះអស់រយៈកាល៧ឆ្នាំ ក៏ព្រោះតែមានតម្រូវការទីផ្សាររាល់ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់របស់លោក ភី ជាអ្នកដាំផ្ការាសីឈ្មោះថាដើមរាសី ឬផ្ការាសីជាប្រភេទដើមផ្កាបំពង់ពណ៌បៃតង មានស្លឹកទ្រវែងស្រួច អាចដុះលូតបានខ្ពស់ ហើយជាប្រភេទដើមរាងបំពង់ពុំមានផ្កាទេដោយការយកទៅប្រើប្រាស់អាចដាក់ក្នុងថូផ្កាបាន។ បើតាមជំនឿថា ដើមរាសីផ្តល់នូវលាភសក្ការៈនៅពេលដាក់ក្នុងផ្ទះ។ លោក ភី ជាអ្នកដាំផ្ការាសីនេះ៧ឆ្នាំមកហើយ ដោយអាស្រ័យផលពីផ្កានេះ លក់បានរាល់ថ្ងៃនិងក្នុងចន្លោះថ្ងៃសីល ដែលមានពុទ្ធបរិស័ទយើងទិញយកទៅថ្វាយព្រះដូចជាផ្កាឈូកដែរ ពិសេសក្នុងឱកាសបុណ្យទានធំៗដែលទីផ្សារតម្រូវការខ្ពស់។ ភី បានរៀបរាប់ពីការដាំផ្ការាសីនេះថា មានអ្នកស្រុកក្នុងភូមិកោះក្របីដាំច្រើន ដោយការដាំកាប់ចុងដើមរាសីដោយដោតក្នុងដីក្នុងរយៈពេល១ខែទៅ២ខែ ទើបអាចកាត់យកទៅលក់បាន នៅពេលដើមផ្កាបែកគុម្ព។ ដើមផ្ការាសីក្នុង១០០ដើម លក់បានថ្លៃ៨ម៉ឺនរៀល ក្នុងឱកាសថ្ងៃសីលលក់ដាច់ច្រើន៕