ព័ត៌មានជាតិ
អ្នកនាំពាក្យ៖ ប្រេងសាំង នឹងចុះថ្លៃបន្តិច ចាប់ពីដើមខែមេសាទៅ ខណៈម៉ាស៊ូតបន្តឡើងថ្លៃ
អ្នកនាំពាក្យក្រសួងពាណិជ្ជកម្ម បានប្រាប់កម្ពុជាថ្មី (Kampuchea Thmey Daily) នៅល្ងាចថ្ងៃទី ៣០ ខែមីនាថា តម្លៃប្រេងសាំងអាចនឹងចុះថ្លៃបន្តិចវិញ ចាប់ពីដើមខែ មេសា តទៅ ខណៈប្រេងម៉ាស៊ូត នឹងបន្តឡើងថ្លៃបន្ថែមទៀត។
បើតាមលោក ប៉ែន សុវិជាតិ ការចុះថ្លៃនេះ ដោយផ្អែកតាមការគណនាតម្លៃប្រេងឆៅទីផ្សារអន្តរជាតិ។ លោកថ្លែងដូច្នេះថា«យើងទិញថោកពីទីផ្សារអន្តរជាតិ យើងក៏លក់ថោកទៅតាមនឹងដែរ បើទីផ្សារអន្តរជាតិលក់ថ្លៃ ការគណនាក៏ឡើងថ្លៃតាមនឹង»។
អ្នកនាំពាក្យរូបនេះ មិនទាន់បង្ហាញអំពីតម្លៃដែលត្រូវចុះនោះទេ។ ប៉ុន្តែនឹងមានការប្រកាសដោយក្រសួងពាណិជ្ជកម្ម នៅថ្ងៃទី ៣១ ខែមីនា ស្អែកនេះ ហើយលទ្ធផលនឹងអនុវត្តចាប់ពីដើមខែមេសាតទៅ។ លោក ប៉ែន សុវិជាតិ សង្កត់ធ្ងន់ថា តម្លៃប្រេង នឹងមានការប្រែប្រួលរយៈពេល ១០ថ្ងៃម្តង ពោលគឺចាប់ពីថ្ងៃទី ០១ខែមេសា រហូតដល់ថ្ងៃទី ១០ ខែមេសា នឹងមានការប្រកាសម្តងទៀត។
លោក ប៉ែន សុវិជាតិ បញ្ជាក់ថា ពលរដ្ឋអាចនឹងសប្បាយចិត្តនៅរដូវចូលឆ្នាំថ្មីខាងមុខនេះ ក្រោយពីតម្លៃប្រេងសាំងបានចុះថ្លៃបន្តិច។
សូមបញ្ជាក់ថា បច្ចុប្បន្នតម្លៃប្រេងសាំង និងម៉ាស៊ូត នៅលើទីផ្សារកម្ពុជា ក្នុង១លីត្រ តម្លៃ ៥៣០០រៀល ដែលតម្លៃនេះ ឡើងពី ៤៨០០រៀល កាលពីដើមខែ មីនា៕
អត្ថបទ៖ ទួន សុផល
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៥ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៥ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន