ព័ត៌មានជាតិ
សម្តេចតេជោ ហ៊ុន សែន អំពាវនាវឲ្យអាជ្ញាធរគ្រប់លំដាប់ថ្នាក់ កុំអនុវត្តច្បាប់ទាក់ទងទៅនឹងកូវីដ ក្នុងឱកាសបុណ្យចូលឆ្នាំ
ការអំពាវនាវរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅក្នុងពិធីអភិសេករូបសំណាកព្រះថោង-នាងនាគ នាព្រឹកថ្ងៃសៅរ៍ ទី ១៦ ខែមេសា ឆ្នាំ២០២២ នេះ ដែលជាថ្ងៃទី ៣ នៃពិធីបុណ្យចូលឆ្នាំខ្មែរ នៅខេត្តព្រះសីហនុ។
បើតាមសម្តេចតេជោ ហ៊ុន សែន តាមទម្លាប់ការលេងកម្សាន្តនៅក្នុងពិធីបុណ្យចូលឆ្នាំថ្មីរបស់ប្រជាពលរដ្ឋខ្មែរ ពួកគាត់តែងតែលេងកម្សាន្តមុនចូលឆ្នាំមួយអាទិត្យ ហើយក្រោយចូលឆ្នាំកន្លះខែទៀត។ សម្តេចបញ្ជាក់ថា “ខ្ញុំគ្មានបំណងដាក់បម្រាមណាមួយទៅលើការលេងនោះទេ ហើយក៏សូមឲ្យអាជ្ញាធរគ្រប់លំដាប់ថ្នាក់ កុំអនុវត្តនូវច្បាប់ទាក់ទងទៅនឹង Covid-19 នឹងជំងឺឆ្លងដទៃទៀត គឺមិនឲ្យអនុវត្តនៅក្នុងឱកាសពិធីបុណ្យចូលឆ្នាំនេះទេ លើកលែងតែមានករណីឆ្លងធ្ងន់ធ្ងរ គឺយើងអាចប្រកាសប្រាប់ប្រជាពលរដ្ឋរបស់យើង ដើម្បីផ្អាកការលេង ឬកាត់បន្ថយការលេង អីចឹងនៅតាមភូមិ ឃុំ នៅតាមតំបន់ទេសចរណ៍នានានៅតែបន្តដំណើរការធម្មតា”។
សម្ដេចតេជោ ហ៊ុន សែន លើកឡើងដែរថា បើទោះបីជាសម្ដេចនៅមានកង្វល់អំពីការរីករាលដាលនៃជំងឺកូវីដ១៩ ក៏សម្ដេចលើកទឹកចិត្តឲ្យប្រជាពលរដ្ឋ អាចធ្វើដំណើរលេងកម្សាន្តក្នុងក្របខ័ណ្ឌទូទាំងព្រះរាជាណាចក្រកម្ពុជា ហើយក៏ស្វាគមន៍បងប្អូនខ្មែរ ដែលរស់នៅបរទេសអញ្ជើញមកលេងនៅប្រទេសកម្ពុជា ដែលរហូតមកដល់ពេលនេះ នៅកម្ពុជាមិនតម្រូវឲ្យមានការបញ្ជាក់អំពីការធ្វើតេស្ត pcr សម្រាប់រយៈពេល ៧២ ម៉ោងនោះទេ ហើយចូលមកដល់កម្ពុជា ក៏មិនតម្រូវឱ្យមានការធ្វើតេស្តណាមួយដែរ។
ទោះជាយ៉ាងណាសម្ដេចតេជោបានអំពាវនាវឲ្យប្រជាពលរដ្ឋទាំងអស់ ប្រសិនបើមានបញ្ហាមិនស្រួលខ្លួន ត្រូវប្រញាប់ទៅធ្វើតេស្ត ហើយប្រសិនបើឃើញវិជ្ជមាន ត្រូវស្វែងរកការព្យាបាលជាបន្ទាន់៕
អត្ថបទ៖ កោះកែវ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម