ព័ត៌មានជាតិ
ប្រធានរដ្ឋសភាឥណ្ឌា នឹងមកដល់កម្ពុជានាយប់នេះ ក្នុងដំណើរបេសកកម្ម ៤ ថ្ងៃ
គណៈប្រតិភូសភាជាន់ទាបឥណ្ឌា ដឹកនាំដោយលោក អំ បឺរឡា (OM BIRLA) ប្រធានរដ្ឋសភានឹងអញ្ជើញមកដល់អាកាសយានដ្ឋានអន្ដរជាតិភ្នំពេញ នៅវេលាម៉ោង១០ យប់ ថ្ងៃទី២១ ខែមេសា ឆ្នាំ២០២២នេះ ដើម្បីបំពេញទស្សនកិច្ចផ្លូវការនៅកម្ពុជា រយៈពេល៤ ថ្ងៃ។ នេះបើតាមការឲ្យដឹងពីរដ្ឋសភា នាព្រឹកនេះ។
បើតាមព័ត៌មាននោះ សម្ដេចអគ្គមហាពញាចក្រី ហេង សំរិន ប្រធានរដ្ឋសភា នឹងអញ្ជើញទទួលបដិសណ្ឋាកិច្ចប្រធានរដ្ឋសភាជាន់ទាបឥណ្ឌានៅមុខវិមានរដ្ឋសភា និងជួបសវនាការ នៅវេលាម៉ោង៨ និង៤០ នាទីព្រឹក ថ្ងៃទី២២ ខែមេសា ឆ្នាំ២០២២។
ទស្សនកិច្ចនេះ ធ្វើឡើងតបតាមតបតាមការអញ្ជើញរបស់សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ដើម្បីពង្រឹងពង្រីកចំណងមិត្តភាព កិច្ចសហប្រតិបត្តិការប្រទេសទំាងពីរ ទំាងខាងស្ថាប័ននីតិប្បញ្ញត្តិ នីតិប្រតិបត្តិឱ្យកាន់តែរីកចម្រើនរឹងមាំ និងគ្រប់ជ្រុងជ្រោយបន្ថែមទៀត។
ទស្សនកិច្ចនេះស្របពេលដែលខួបទី៧០ឆ្នាំ នៃទំនាក់ទំនងមិត្តភាពការទូតប្រទេសទំាងពីរកម្ពុជា-ឥណ្ឌា បានឈានចូលមកដល់ផងដែរ។
ទាក់ទងដំណើរទស្សនកិច្ចនេះ លោក ឡេង ប៉េងឡុង អគ្គលេខាធិការ និងជាអ្នកនាំពាក្យរដ្ឋសភាធ្លាប់បានបញ្ជាក់ថា នៅក្នុងដំណើរទស្សនៈកិច្ចរបស់លោក OM BIRLA មកកាន់កម្ពុជានេះ នឹងចុះហត្ថលេខារួមគ្នាលើឯកសារមួយចំនួន ស្តីពីកិច្ចព្រមព្រៀង និងកិច្ចសហប្រតិបត្តិការរវាងរដ្ឋសភាកម្ពុជា និងរដ្ឋសភាឥណ្ឌា ហើយភាគីទាំង២ ក៏នឹងពិភាក្សាអំពីការងារមួយចំនួនទៀត ដែលសភាទាំង២ នឹងជួយគ្នាទៅវិញទៅមក នាពេលអនាគត៕
អត្ថបទ៖ កោះកែវ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង