ព័ត៌មានជាតិ

មន្ទីរសាធារណការ រាជធានីភ្នំពេញ ជួសជុលផ្លូវ ជង្ហុកសំបុកមាន់ នៅមហាវិថីកម្ពុជាក្រោម ដើម្បីសម្រួលចរាចរណ៍ជូនប្រជាពលរដ្ឋ

បានផុស

៤ years មុន

នៅ

ថ្ងៃព្រហស្បតិ៍ ២៦ ឧសភា ២០២២

ដោយ

ភ្នំពេញ ៖ រដ្ឋបាលរាជធានីភ្នំពេញបាននឹងកំពុងយកចិត្តទុកដាក់ ជាប្រចាំ ក្នុងការជួលជុលផ្លូវខូចខាត ជង្ហុកសំបុកមាន់ ដោះស្រាយការកក់ស្ទះចរាចរណ៍ និងរៀបចំសណ្ដាប់ធ្នាប់ អនាម័យ សាធារណៈ នៅតាមបណ្ដាមហាវិថីតូចធំ នៅក្នុងមូលដ្ឋានខណ្ឌទាំង១៤ នៃភូមិសាស្ត្ររាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងនៅថ្ងៃទី២៦ ខែឧសភា ឆ្នាំ២០២២នេះ ដោយមានការណែនាំពីលោកឃួង ស្រេង អភិបាលរាជធានីភ្នំពេញ មន្ទីរសាធារណការនិងដឹកជញ្ជូនរាជធានីភ្នំពេញ បានធ្វើការជួសជុលផ្លូវខូចបន្តិចបន្តួច ដូចជាជង្ហុកសំបុកមាន់ នៅតាមអមសងខាងមហាវិថីកម្ពុជាក្រោម កែងជាមួយផ្លូវលេខ២៥៣ ក្នុងមូលដ្ឋានសង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ឲ្យមានលក្ខណៈល្អប្រសើរឡើងវិញ។

សូមបញ្ជាក់ផងដែរ កន្លងមកតាមបណ្ដោយមហាវិថីកម្ពុជាក្រោម នៅចំណុចកែងផ្លូវលេខ២៥៣ ខាងលិចសាលាវិទ្យាល័យសន្ធរម៉ុក មានការខូចខាតជង្ហុកធ្វើឲ្យបងប្អូនពលរដ្ឋធ្វើដំណើរ លំបាកក្នុងការធ្វើដំណើរ ជាពិសេសពេលមានភ្លៀងធ្លាក់ ធ្វើឲ្យមានដក់ទឹក អ្នកធ្វើដំណើរដោយមធ្យោបាយម៉ូតូ ពេលខ្លះធ្លាក់ចូលជង្ហុក ខ្ទាតទឹកប្រលាក់ក៏មានផងដែរ៕

ដោយ ៖ ស្រីរ័ត្ន