ជួសជុសឡើងវិញ​កំណាត់ផ្លូវខេត្ត​ប្រវែង​ជិត ១៨​គីឡូម៉ែត្រ​ ពីស្រះម្លិះដល់ឃុំទឹកក្រហម

កំណាត់ផ្លូវខេត្ត​ ២៩៨​ ប្រវែងជិត១៨គីឡូម៉ែត្រ​ ពីស្រះម្លិះដល់ឃុំទឹកក្រហម​ ស្រុកជាំក្សាន្ត​ ត្រូវបានមន្ទីរសាធារណការនិងដឹកជញ្ជូនខេត្តព្រះវិហារធ្វេីការជួសជុល​ថែទាំឡេីងវិញ​ ដេីម្បីសម្រួលដល់ការធ្វេីដំណេីររបស់ប្រជាពលរដ្ឋ។

លោកសំ លាងទ្រី ប្រធានមន្ទីរសាធារណការនិងដឹកជញ្ជូនដឹកជញ្ជូនខេត្តព្រះវិហារបានឲ្យ​ដឹងថា ផ្លូវ​ដែល​ធ្វើការ​ជួសជុលឡើងវិញនេះ​ជា​ផ្លូវក្រាលក្រួសក្រហម​ មាន​ប្រវែង១៧.៣៥គីឡូម៉ែត្រ​ ​ពីស្រះម្លិះ​ដល់ឃុំទឹកក្រហម​ ស្រុកជាំក្សាន្ត​។

ក្រុមការងារថែទាំផ្លូវថ្នល់​ នៃមន្ទីរសាធារណការនិងដឹកជញ្ជូនខេត្តព្រះវិហារ​ បានធ្វេីសកម្មភាពជួសជុល​ថែទាំឡេីងវិញ​ ដោយធ្វេីការកៀរសម្រួល ស្រោចទឹក កិនបង្ហាប់ ដេីម្បីសម្រួលដល់ការធ្វេីដំណេីរនិងដឹកជញ្ជូនកសិផលនានារបស់ប្រជាពលរដ្ឋមានភាពងាយស្រួល។

លោកសំ លាងទ្រី ក៏សំណូមពរ​ដល់​បងប្អូនប្រជាពលរដ្ឋ​ បេីកបរដោយប្រុងប្រយ័ត្ន​ ប្រកបដោយស្មារតីទទួលខុសត្រូវ​ខ្ពស់ ដេីម្បីជៀសវាងការកេីតឡេីងនូវករណីគ្រោះថ្នាក់ជាយថាហេតុផ្សេងៗ៕

អត្ថបទ៖ ស្រីរ័ត្ន