ព័ត៌មានជាតិ
រដ្ឋមន្ត្រីអប់រំឱ្យចងក្រងបទពិសោធន៍ពីវិធីសាស្ត្ររៀនក្លាយជាសិស្សពូកែ
លោកបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡាបានណែនាំឱ្យមានការចងក្រងនូវបទពិសោធន៍របស់ក្មួយៗ ដែលជាសិស្សពូកែ អំពីវិធីសាស្ត្រក្នុងការរៀន សូត្រឱ្យក្លាយជាសិស្សពូកែ ដើម្បីចែករំលែកដល់សិស្សានុសិស្សដទៃទៀត។
ថ្លែងក្នុងពិធីបិទការប្រឡងជ្រើសរើសសិស្សពូកែទូទាំងប្រទេសនៅថ្ងៃទី ១៩ ខែមិថុនានេះ នៅខេត្តសៀមរាប លោករដ្ឋមន្ត្រីបានមានប្រសាសន៍ថា កន្លងមកអតីតជ័យលាភីសិស្សពូកែកម្ពុជាបានលើកកម្ពស់មុខមាត់ និងមោទនភាពជាតិ តាមរយៈការចូលរួមប្រកួតប្រជែងសមត្ថភាព និងទទួលបានមេដាយជាបន្តបន្ទាប់ ពីការប្រកួតប្រជែងកម្រិតតំបន់ និងអន្តរជាតិ ដែលប្រការនេះបានបង្ហាញឱ្យយើងឃើញថា សក្តានុពលនៃធនធានមនុស្សរបស់កម្ពុជា កាន់តែមានឧត្តមភាពប្រៀបធៀបនៅលើឆាកអន្តរជាតិគួរឱ្យស្ងប់ស្ងែង។
លោករដ្ឋមន្ត្រីបានបន្តថា ថ្វីបើការប្រឡងនេះត្រូវបានខកខានរយៈពេល២ឆ្នាំ ដោយសារវិបត្តិកូវីដ-១៩ ក្ដី ក្រសួងតែងតែរៀបចំការប្រឡងជ្រើសរើសសិស្សពូកែទូទាំងប្រទេសជារៀងរាល់ឆ្នាំ ដើម្បីជាឱកាសសម្រាប់សិស្សឆ្នើម និងពោរពេញដោយសមត្ថភាព បានបញ្ចេញសមត្ថភាព និងជាឱកាសសម្រាប់ក្រសួងពិនិត្យមើលអំពីអាទិភាព និងអន្តរាគមន៍ចាំបាច់នានា ដើម្បីថែទាំបំពាក់បំប៉ន និងគាំទ្រដល់សិស្សពូកែ ឱ្យកាន់តែមានសមត្ថភាពខ្លាំងថែមទៀត និងមានឱកាសបន្តការសិក្សានៅមហាវិទ្យាល័យ។
លោកបណ្ឌិតសភាចារ្យ បានណែនាំដល់អង្គភាពពាក់ព័ន្ធ និងមន្ទីរអប់រំ យុវជន និងកីឡារាជធានី ខេត្តទាំងអស់ សូមយកចិត្តទុកដាក់កាន់តែខ្លាំងថែមទៀតដើម្បីជំរុញ និងលើកទឹកចិត្តសិស្សពូកែក្នុងនោះដូចជា៖
១. កំណត់អត្តសញ្ញាណសិស្ស ដែលមានឧបនិស្ស័យជាសិស្សពូកែ រាប់ចាប់តាំងពីកម្រិតបឋមសិក្សា ដល់មធ្យមសិក្សាទុតិយភូមិ និងរៀបចំជាការគាំទ្រនិងអន្តរាគមន៍ជួយដល់ពួកគេ។
២. ផ្តល់កិច្ចគាំទ្រចំពោះមុខដល់សិស្សពូកែ ដែលកំពុងជួបបញ្ហាទាំងក្នុងការរស់នៅ និង ការរៀនសូត្រ។
៣. ផ្តល់នូវការតម្រង់ទិសសិក្សា ដើម្បីឱ្យសិស្សពូកែរបស់យើងអាចឈានចូលនិងបន្តការ សិក្សានៅថ្នាក់បន្តបន្ទាប់ ដែលនឹងអាចក្លាយជាធនធានដ៏សំខាន់ក្នុងការអភិវឌ្ឍប្រទេសជាតិ លើមុខជំនាញ វិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា។
៤. ចងក្រងនូវបទពិសោធន៍របស់ក្មួយៗ ដែលជាសិស្សពូកែ អំពីវិធីសាស្ត្រក្នុងការរៀន សូត្រឱ្យក្លាយជាសិស្សពូកែ ដើម្បីចែករំលែកដល់ក្មួយៗសិស្សានុសិស្សដទៃទៀត។
៥. បំពាក់បំប៉នបន្ថែមដល់ក្មួយៗជ័យលាភី និងសិស្សនិទ្ទេស A ឱ្យកាន់តែមានលទ្ធភាពប្រកួតប្រជែងខ្ពស់ជាងមុន ក្នុងការប្រកួតប្រជែងកម្រិតតំបន់និងអន្តរជាតិ។
គួរបញ្ជាក់ថា ការប្រឡងសិស្សពូកែទូទាំងប្រទេសផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី៩ និងថ្នាក់ទី១២ ប្រចាំឆ្នាំ ២០២២ បានដំណើរការអស់រយៈពេល ១សប្តាហ៍ ដោយក្នុងនោះជ័យលាភី ៦០រូប ត្រូវបានប្រកាសទទួលស្គាល់ជាសិស្សពូកែទូទាំងប្រទេស៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)