ព័ត៌មានជាតិ

ប្រមុខរដ្ឋាភិបាលកម្ពុជាបន្តអំពាវនាវដល់ពលរដ្ឋកុំបន្តកាប់ព្រៃលិចទឹកនៅបឹងទន្លេសាប

បានផុស

៤ years មុន

នៅ

ថ្ងៃសុក្រ ១ កក្កដា ២០២២

ដោយ

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នៅព្រឹកនេះ បានបន្តអំពាវនាវដល់ប្រជាពលរដ្ឋនៅជុំវិញបឹងទន្លេសាបទាំងអស់កុំបន្តកាប់ទន្ទ្រានដីព្រៃលិចនៅបឹងទន្លេសាបតទៅទៀត។ ជាមួយគ្នានេះ សម្តេចតេជោ ក៏បានលើកទឹកចិត្តដល់មន្រ្តី និងប្រជាពលរដ្ឋឲ្យបន្តដាំព្រៃឈើលិចទឹកឡើងវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងពិធីអបអរសាទរទិវាមច្ឆជាតិ ០១ កក្កដា ឆ្នាំ២០២២ ដែលប្រារព្ធឡើងនៅទីតាំងអាងទឹកត្រពាំងថ្ម ភូមិត្រពាំងថ្ម ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ នៅព្រឹកថ្ងៃសុក្រនេះ សម្តេចនាយករដ្ឋមន្រ្តី ក៏បានបញ្ជាឲ្យអភិបាលខេត្តនៅជុំវិញបឹងទន្លេសាបបញ្ជាក់ឲ្យច្បាស់ពីការកាប់ដីជូនប្រជាពលរដ្ឋ។ សម្តេចតេជោ ហ៊ុន សែន បានអះអាងថា ការបន្តកាត់ដីចេញពីតំបន់៣នៃបឹងទន្លេសាប ត្រូវបញ្ជាក់ឲ្យច្បាស់ថាមានចំនួនប៉ុន្មាន ហើយកាត់ចេញតំបន់១ទៅតំបន់២ចំនួនប៉ុន្មាន៕