ព័ត៌មានជាតិ
ទិវាពិភពលោកកាកបាទក្រហមអឌ្ឍចន្ទក្រហមនៅកំពង់ឆ្នាំងទទួលថវិកាពីសប្បុរសជនជាង ២១ ម៉ឺនដុល្លារ
សាខាកាកបាទក្រហមកម្ពុជា ខេត្តកំពង់ឆ្នាំង នៅព្រឹកថ្ងៃទី ១០ ខែសីហា ឆ្នាំ២០២២ បានប្រារព្ធពិធីទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ ២០២២ ក្រោមប្រធានបទ (ទាំងអស់គ្នារួមគ្នាជាមួយកាកបាទក្រហមកម្ពុជា ដោះស្រាយបញ្ហាប្រឈម និងបន្តពង្រឹងភាពធន់សហគមន៍) និងប្រកាសទទួលស្គាល់គណៈកិត្តិយសសាខា និងគណៈ កម្មាធិការសាខាកាកបាទក្រហមខេត្តកំពង់ឆ្នាំងអាណត្តិទី៥ផងដែរ។
ពិធីនេះបានធ្វើឡើងក្រោមអធិបតីភាពលោកស្រី ពុំ ច័ន្ទធានី អគ្គលេខាធិការកាកបាទក្រហមកម្ពុជា លោក អ៊ុក រ៉ាប៊ុន ប្រធានក្រុមការងារថ្នាក់ជាតិចុះមូលដ្ឋានខេត្តកំពង់ឆ្នាំង លោក ជា ហ៊ន តំណាងសម្ដេចជហ្វាចង គង់ សំអុល មន្ត្រីក្រសួងបរមរាជវាំង លោក ស៊ុន សុវណ្ណារិទ្ធិ អភិបាលនៃគណៈអភិបាលខេត្តកំពង់ឆ្នាំង និងឯកឧត្តមលោកជំទាវលោកឧកញ៉ា មន្ត្រីរាជការជុំវិញខេត្តសរុបមានចំនួន ៧៨៤នាក់ នៅក្នុងកម្មវិធីនេះ។
ក្នុងកម្មវិធីនេះត្រូវបានប្រកាសលោក អ៊ុក រ៉ាប៊ុន ជាប្រធានកិត្តិយសសាខា លោក ជា វ៉ាន់ដេត អនុប្រធានកិត្តិយសសា ខា ខណៈលោក ស៊ុន សុវណ្ណារិទ្ធិ ត្រូវបានប្រកាសឡើងកាន់តំណែងជាប្រធានគណៈកម្មាធិការសាខាកាកបាទក្រ ហមខេត្តកំពង់ឆ្នាំងអាណត្តិទី៥។
នៅក្នុងឱកាសនេះលោកស្រី ប៊នសុភី អនុប្រធានកិត្តិយសសាខាបាន អានរបាយការណ៍បូកសរុបការងាររបស់សាខាកាកបាទក្រហមខេត្តកំពង់ឆ្នាំងអាណត្តិទី ៤ ដោយបានគូសបញ្ជាក់ថា សាខាកាកបាទក្រហមខេត្តមានអនុសាខាក្រុងស្រុកចំនួន ៨ មានយុវជនកាកបាទក្រហមសរុប ៩៥០ នាក់ មានអ្នកស្ម័គ្រចិត្តកាកបាទក្រហមសរុប ៣០៥នាក់ ដែលបានស្ម័គ្រចិត្តចូលរួមយ៉ាងសកម្មក្នុងការងារអនុវត្តតាមវិស័យទាំង៤ របស់កាកបាទក្រហមកម្ពុជាទទួលបានជោគជ័យ។
ដោយឡែកនៅក្នុងទិវាពិភពលោកកាកបាទក្រហមអឌ្ឍចន្ទក្រហម ៨ ឧសភា ឆ្នាំ២០២១ គណៈកម្មាធិការសាខា និងអនុសាខាបានខិតខំគៀគរប្រមូលមូលនិធិពីសប្បុរសជនក្នុងនិងក្រៅខេត្ត រកចំណូលបាន ១១៧.៣០៨ ដុល្លារ ក្នុងនោះអនុសាខារកបាន ២៩.៧៨៦ ដុល្លារដើម្បីចាត់ចែងធ្វើការងារតាមវិស័ យស្នូលរបស់កាកបាទក្រហម។
លោកស្រី ពុំ ច័ន្ទធានី អគ្គលេខា ធិការកាកបាទក្រហមកម្ពុជាក្នុងពិធីនេះបានថ្លែងថា ឯកឧត្តមប្រធានគណៈកម្មាធិការសាខាកាកបាទក្រហមខេត្តដែលបានប្រកាសចូលកាន់តំណែងនេះ មានតួនាទីភារកិច្ចកៀគរ រកមូលនិធិថវិកាដើម្បីសា ខា និងអនុសាខាទាំង ៨ ក្រុងស្រុកមានលទ្ធភាពធ្វើការងារមនុស្សធម៌ក្នុងដែនដីរបស់ខ្លួន ស្របតាមលក្ខន្តិកៈសមាគមជាតិកាកបាទក្រហមកម្ពុជា។
សាខានិងអនុសាខាត្រូវឈ្មុស ឈ្មុលរកអ្នកដែលត្រូវការយើងជួយពិតប្រាកដដែលជាជនរងគ្រោះនិងជនងាយរងគ្រោះ ដោយត្រូវជួយដោះស្រាយឲ្យបានទាន់ពេលវេលាជាមួយនោះដែរត្រូវត្រៀមបង្ការគ្រោះមហន្តរាយជាប់ជានិច្ច។
ការអភិវឌ្ឍស្ថាប័ន ត្រូវពង្រឹងអភិ បាលកិច្ចល្អ មានតម្លាភាព ពង្រឹងសមត្ថភាពអ្នកស្ម័គ្រចិត្ត ដើម្បីក្តាប់បានជនរងគ្រោះ និងដោះស្រាយឱ្យបានទាន់ពេលវេលា។
គណៈកម្មាធិការសាខាត្រូវចាត់តាំងសវនកម្មផ្ទៃក្នុងត្រួតពិនិត្យការងារហិរញ្ញវត្ថុរបស់សាខា និងអនុសាខា ដោយការចាយវាយត្រូវមានតម្លាភាពតាមច្បាប់ហិរញ្ញវត្ថុ។
លោកជំទាវអគ្គលេខាធិការក៏បានសង្ឃឹមផងដែរថា ឯកឧត្តមប្រធានគណៈកម្មាធិការសាខា និងអនុសាខាក្រុងស្រុកទាំងអស់ និងបន្តគាំទ្រការងារកាកបាទក្រហមកម្ពុជាក្នុងបុព្វហេតុមនុស្សធម៌ និងសេចក្តីថ្លៃ ថ្នូររបស់មនុស្សសុជាតិ។
នៅចុងបញ្ចប់នៃកម្មវិធីនេះដែរ លោក អ៊ូ ជួបកុសល ហិរញ្ញវត្ថុសាខាកាកកាបាទក្រហមខេត្តបានប្រកាសឱ្យដឹងថា ក្នុងទិវាកាកបាទក្រហមនិងអឌ្ឍចន្ទក្រហម ពេលនេះយើងទទួ លបានថវិកា ពីសប្បុរសជនជាបឋមសរុបចំនួនជាង ២១ ម៉ឺនដុល្លារ៕
អត្ថបទ៖ ឈៀងថារិទ្ធ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង