ព័ត៌មានជាតិ
ស្ថានទូតថៃប្រចាំកម្ពុជា និងក្រុមឯកជនជាង ៣០ ផ្តល់សម្ភារៈបរិក្ខារដល់សាលាវិទ្យាស្ថានពហុបច្ចេកទេសកំពង់ឈើទាល
ឯកអគ្គរដ្ឋទូតថៃប្រចាំព្រះរាជាណចក្រកម្ពុជារួមជាមួយក្រុមហ៊ុនជនចំនួន ៣៣ ធ្វើទស្សនកិច្ចនៅសាលាវិទ្យាស្ថានពហុបច្ចេកទេសកំពង់ឈើទាល។
ក្នុងឱកាសនោះលោក សាន វឌ្ឍនា អនុរដ្ឋលេខធិការក្រសួងអប់រំ យុវជន និងកីឡាបានលើកឡើងថា សកម្មភាពនេះ គឺជាការស្វែងយល់ពីដំណើរសកម្មភាព និងវឌ្ឍនៈភាព នៃការបង្រៀន និងរៀនរួមជាមួយការគ្រប់គ្រងរបស់សាលាផងដែរ។
ការផ្តល់នូវសម្ភារៈបរិក្ខាផ្សេងៗ របស់ស្ថានទូតថៃប្រចាំនៅព្រះរាជាណាចក្រកម្ពុជា និងក្រុមហ៊ុនឯកជនទាំង៣៣ របស់ប្រទសថៃ ធ្វើអាជីវកម្មនៅកម្ពុជា គឺជាទំនួលខុសត្រូវសាជីវកម្មនៃក្រុមហ៊ុននីមួយៗជួយដល់វិទ្យាស្ថានក៏ដូចជាការចែករំលែកដល់សាលារៀនផ្សេងទៀតក្នុងតំបន់ផងដែរ។
បើទោះបីជាយ៉ាងនេះក្តីក្នុងនាមក្រសួងអប់រំ យុវជន និងកីឡា សូមថ្លែងអំណរគុណដល់ ដល់ឯកអគ្គរដ្ឋថៃប្រចាំនៅព្រះរាជាណាចក្រកម្ពុជា និងធុរៈជន សហគ្រិន របស់ប្រទេសថៃ ដែលបានផ្តល់ជាសម្ភារៈទាំងអសនេះ ហើយនេះជាចំណងនៃការទំនាក់ទំនងកាន់តែស្អិតរមួតរវាង វិស័យអប់រំរបស់កម្ពុជា មួយជាមួយព្រះរាជាណាចក្រថៃ ដែលបានជួយឧបត្ថម្ភ ទាំងនៅសាលាវិទ្យាស្ថានពហុបច្ចេក ទេសកំពង់ឈើទាល និងសាលាពហុបច្ចេកទេសខេត្តកំពង់ស្ពឺផងដែរ។
ឯកឧត្តម ប៉ាន់យ៉ារ៉ាក់ ភូនសាប់ ឯកអគ្គរដ្ឋទូតថៃប្រចាំព្រះរាជាណាចក្រកម្ពុជា លើកឡើងដែរថា ព្រះមហាក្សត្រិយ៍ចក្រីស៊ិរិនថន ទ្រង់មានព្រះរាជតម្រិះព្រះរាជទានដល់ប្រទេសកម្ពុជាលើវិស័យអប់រំនៅឆ្នាំ ២០០១ ដោយចាប់ផ្តើមដំណើរការពីវិទ្យាល័យកំពង់ឈើទាល ដោយបន្ទាប់មកបានលើក្លាយជា វិទ្យាស្ថានបច្ចេកវិទ្យាកំពង់ឈើទាល ដែលជាកន្លែងផ្តល់ចំណេះដឹងសម្រាប់ យុវជននៅក្នុងខេត្តកំពង់ធំ និងសម្រាប់អ្នកដែលនៅបណ្តាខេត្តជិតៗនេះ រួមទាំងយុវជនដែលខ្វះខាតថវិកា និងគ្មានឱកាសក្នុងការសិក្សានៅរាជធានី។
លោកបណ្ឌិត ប៉ិច សៀង នាយកវិទ្យាស្ថានពហុបច្ចេកទេសកំពង់ឈើទាល បញ្ជាក់ផងដែរថា សាលាពុហុបច្ចេកទេសបច្ចុប្បន្ន មានសិស្សនិសិត្សសរុបជាង១២០០នាក់ កំពុងសិក្សាលើផ្នែកចំណេះដឹងទូទៅ និងផ្នែកជំនាញបច្ចេកទេស មានផ្នែកកសិកម្ម អគ្គិសនី ការចិញ្ចឹមសត្វ អេឡិចត្រូនិក និងផ្នែកផ្សេងៗទៀតផងដែរ។
លោកបញ្ជាក់ថា វិទ្យាស្ថានពហុបច្ចេកទេសកំពង់ធំ អាចធ្វើការបណ្តុះបណ្តាលសិស្សនិស្សិត សរុបអាចបានចំនួន ៣០០០នាក់ក្នុងករណីដែលអាចបើកឲ្យគ្រប់កម្រឹត និងគ្រប់ជំនាញ៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ