ព័ត៌មានជាតិ
លទ្ធផលក្រោយមន្ទីរអប់រំ ខេត្តកណ្ដាល ជួប គណៈគ្រប់គ្រងវិទ្យាល័យ ករណី នាយករងវាយសិស្ស
តាមទំព័រហ្វេសប៊ុកឈ្មោះ “មហាគ្រួសារតាខ្មៅ” បានឱ្យដឹងមុននេះថា បន្ទាប់ពីផ្ទុះវីដេអូនៅក្នុងបណ្ដាញសង្គម តេឡេក្រាម ករណី នាយករងវិទ្យាល័យ ហ៊ុន សែន សេរីភាព វាយសិស្សស្រី ក្នុងបរិវេណសាលានោះមក នៅរសៀលថ្ងៃដដែល មន្ទីរអប់រំ យុវជន និងកីឡាខេត្តកណ្ដាល បានជួបប្រជុំពិភាក្សាជាមួយគណៈគ្រប់គ្រង វិទ្យាល័យខាងលើផ្ទាល់។
បន្ទាប់ពីជួបប្រជុំពិភាក្សារួច មន្ទីរបានដាក់គោលការណ៍ចំនួន ៣ ចំណុចធំៗជូន គណៈគ្រប់គ្រងសាលាមានដូចតទៅ៖
១. ត្រូវបង្កើនគុណភាពអប់រំ ឱ្យបានកាន់តែប្រសើរឡើង
២. ត្រូវអប់រំណែនាំប្អូនៗដោយមិនប្រើអំពើហិង្សា ទោះអចេតនាក្តី ចេតនាក្តី
៣. អញ្ជើញអាណាព្យាបាល ប្អូនស្រីពាក់ព័ន្ធ មកជួបពិភាក្សាបកស្រាយណែនាំឱ្យបានជ្រាប។
ជាទីបញ្ចប់លោកនាយករង មានប្រសាសន៍ថា មកដល់ពេលនេះ (ម៉ោង ៥:៤០នាទី) លោកមិនទាន់ពិសារអាហារថ្ងៃត្រង់នៅឡើយទេ ដោយសាររឿងពីព្រឹកមិញ។
ទន្ទឹមមានការមិនពេញចិត្តចំពោះសកម្មភាពគ្រូវាយសិស្សនេះ មានមហាជន អតីតធ្លាប់ និងសិស្សានុសិស្សកំពុងសិក្សានៅ វិទ្យាល័យខាងលើ បង្ហោះតាមបណ្ដាញសង្គមថា លោកនាយក វិទ្យាល័យ ហ៊ុន សែន សេរីភាព ស្លូត គាត់មិននិយាយច្រើនទេ មិនដូចព័ត៌មានចេះតែផ្សាយទេ។ ករណីនៅព្រឹក ថ្ងៃទី១៤ ខែកញ្ញានេះ មកពីសិស្ស នៅសល់ ៣ ខែទៀតបានប្រឡងបាក់ឌុប ប៉ុន្តែសិស្សមួយចំនួនអត់រៀន នាំគ្នាគូសអាវទុកអនុស្សាវរីយ៍ ខណៈក្រសួងអប់រំខំពន្យារពេលប្រឡង ឱ្យរៀន បែរជាធ្វើទង្វើបែបនេះ។ ការណ៍ដែលលោកនាយកធ្វើនេះ ដើម្បីចង់ឱ្យសិស្សល្អ ប្រឡងទទួលបាននិទ្ទេសល្អ ព្រោះជាសាលាធ្លាប់មានកេរ្តិ៍ឈ្មោះល្អដែរ។
គួររំលឹកថា មានការចែករំលែកវីដេអូខ្លីបន្តគ្នាលើបណ្ដាញសង្គម Facebook, TikTok, Telegram អំពីករណី នាយកវិទ្យាល័យ សេរីភាព ក្រុងតាខ្មៅ ខេត្តកណ្ដាល លោក ម៉ម សុធានី វាយសិស្សស្រី ក្នុងសាលា ហាក់ដូចជាពេលសិស្សតម្រង់ជួរគោរពទង់ជាតិ ឬកំឡុងពេល សាលាផ្ដល់ព័ត៌មានអ្វីមួយដល់សិស្សានុសិស្ស។ បន្ទាប់មក ឆ្លើយតបទៅករណីការផ្ទុះឡើងនេះ លោក រស់ សុវាចា អ្នកនាំពាក្យ ក្រសួងអប់រំ យុវជន និងកីឡា នៅរសៀលថ្ងៃនេះ បានបញ្ជាក់ថា ក្រសួងអប់រំ យុវជន និងកីឡា កំពុងស្រាវជ្រាវករណីនេះ៕
អត្ថបទ៖ ច័ន្ទ វីរៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ