ព័ត៌មានជាតិ
សម្ដេចតេជោ ហ៊ុន សែន អញ្ជើញទៅទស្សនកិច្ចនៅគុយបាជាថ្មីនៅថ្ងៃនេះ
តបតាមការអញ្ជើញរបស់លោកប្រធានាធិបតីគុយបា សម្ដេចតេជោ ហ៊ុន សែន ក្នុងនាមប្រមុខរាជរដ្ឋាភិបាលកម្ពុជា នឹងអញ្ជើញធ្វើទស្សនកិច្ចផ្លូវការនៅប្រទេសគុយបា ចាប់ពីថ្ងៃទី២៣ ដល់ថ្ងៃទី ២៥ ខែកញ្ញា ឆ្នាំ២០២២។ ដំណើរទស្សនកិច្ចផ្លូវការរបស់សម្តេចតេជោនៅគុយបាជាថ្មីនាពេលនេះ គឺដើម្បីរឹតបន្តឹងទំនាក់ទំនងទ្វេភាគីនៃប្រទេសទាំងពីរឲ្យកាន់តែប្រសើរឡើងថែមទៀត។ កាលពីខែកញ្ញា ឆ្នាំ១៩៩៩ សម្តេចតេជោ ធ្លាប់បានទៅធ្វើទស្សនកិច្ចរយៈពេល៥ថ្ងៃនៅប្រទេសគុយបាម្តងរួចមកហើយ។
យ៉ាងណាមិញ ដំណើរទស្សនកិច្ចទៅកាន់គុយបារបស់សម្ដេចតេជោ ហ៊ុន សែន នេះ គឺចំពេលប្រទេសកម្ពុជា និងគុយបា បានបង្កើតទំនាក់ទំនងការទូតនឹងគ្នា៦២ឆ្នាំហើយនៅក្នុងឆ្នាំ២០២២នេះ ហើយសម្ដេចតេជោ ហ៊ុន សែន គឺជានាយករដ្ឋមន្ត្រីកម្ពុជាទី១ ដែលបានទៅធ្វើទស្សនកិច្ចជាផ្លូវការនៅគុយបា។
អំឡុងពេលទស្សនកិច្ចផ្លូវការនេះ សម្តេចតេជោ នឹងមានជំនួបទ្វេភាគីជាមួយថ្នាក់ដឹកនាំកំពូលៗរបស់គុយបាមួយចំនួន ដូចជា លោកប្រធានរដ្ឋសភា និងលោកប្រធានាធិបតី មីហ្គេល ឌីយ៉ាស-កាណែល បឺមូដេស។ ក្នុងនោះ សម្ដេចតេជោ និងលោកប្រធានាធិបតីគុយបា ក៏នឹងអញ្ជើញធ្វើជាអធិបតីក្នុងពិធីចុះហត្ថលេខាលើឯកសារសំខាន់ៗចំនួន៥ រួមមាន៖១. កិច្ចសហប្រតិបត្តិការ និងការផ្លាស់ប្តូរវប្បធម៌, ២. អនុស្សរណៈយោគយល់គ្នាស្តីពីកិច្ចសហប្រតិបត្តិការរវាងវិទ្យាស្ថានការទូត, ៣. អនុស្សរណៈយោគយល់គ្នាស្តីពីកិច្ចសហប្រតិបត្តិការលើការអភិវឌ្ឍកីឡា, ៤. គម្រោងកិច្ចសហប្រតិបត្តិការរវាងក្រសួងការបរទេស និងទី៥. អនុស្សរណៈយោគយល់គ្នារវាងក្រសួងសុខាភិបាល។
គួរជម្រាបថា សាធារណរដ្ឋគុយបា ជាប្រទេសដែនកោះមួយដែលមានទីតាំងស្ថិតនៅសមុទ្រការ៉ាប៊ីន។ ប្រទេសគុយបា បានស្ថិតនៅក្រោមនឹមអាណានិគមអេស្ប៉ាញ ក្នុងឆ្នាំ១៨៩៨ និងក្នុងឆ្នាំ១៩០២ ប្រទេសគុយបា ក៏ត្រូវបានកាន់កាប់ដោយសហរដ្ឋអាមេរិកវិញ។ រហូតដល់ឆ្នាំ១៩៤០ គុយបា ក៏បានព្យាយាមពង្រឹងប្រព័ន្ធប្រជាធិបតេយ្យរបស់ខ្លួន។
ប្រទេសគុយបា បានបង្កើតទំនាក់ទំនងការទូតជាមួយកម្ពុជា នៅថ្ងៃទី១៥ ខែមេសា ឆ្នាំ១៩៦០។ កម្ពុជា-គុយបា មានកិច្ចសហប្រតិបត្តិការល្អជាប្រពៃណីយូរមកហើយ គឺចាប់តាំងពីសម័យព្រះបរមរតន:កោដ្ឋព្រះបាទ នរោត្តម សីហនុ និងអតីតប្រធានាធិបតីគុយបា លោក ហ្វីដែលកាស្រ្តូ។ ទំនាក់ទំនងជាមិត្តភាព និងប្រពៃណីដ៏ល្អនេះ ត្រូវបានថ្នាក់ដឹកនាំកំពូលទាំងរដ្ឋាភិបាល គណបក្ស និងប្រជាជននៃប្រទេសទាំងពីរ បានបន្តការពារ ថែរក្សា និងលើកកម្ពស់ជាបន្តបន្ទាប់រហូតដល់បច្ចុប្បន្ន។
សាធារណរដ្ឋគុយបា ជាមិត្តដ៏ល្អរបស់កម្ពុជា ដែលតែងតែជួយគាំទ្រនៅគ្រប់កាលៈទេសៈ ជាពិសេស នៅពេលកម្ពុជា ទើបបានរំដោះចេញពីរបបប្រល័យពូជសាសន៍ និងត្រូវបានហ៊ុមព័ទ្ធសេដ្ឋកិច្ចពីប្រទេសមហាអំណាចមួយចំនួននាទសវត្ស៨០។ គុយបា បានចាប់ផ្តើមទំនាក់ទំនងការទូតជាមួយកម្ពុជាឡើងវិញ ហើយបានបញ្ជូនជំនួយជាគ្រូពេទ្យមកជួយពិនិត្យព្យាបាលពលរដ្ឋកម្ពុជា ក៏ដូចជា ជួយស្តារឡើងវិញវិស័យសុខាភិបាល។
ទន្ទឹមគ្នានេះ កម្ពុជា ក៏បានជួយគាំទ្រដល់ប្រទេសគុយបា នៅពេលប្រទេសនេះ បានជួបការលំបាកពីការដាក់ទណ្ឌកម្មសេដ្ឋកិច្ចដ៏អយុត្ដិធម៌ពីសំណាក់ប្រទេសមហាអំណាច ដោយកម្ពុជាបានគាំទ្រគុយបានៅលើវេទិការអន្ដរជាតិនានា នៅកិច្ចប្រជុំសហភាពអន្តរសភា IPU មហាសន្និបាតអង្គការសហប្រជាជាតិ និងវេទិកាអន្ដរជាតិផ្សេងៗទៀតជាដើម៕
ដោយ៖ ធឿន វ៉ាន់សុង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា៧ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច២ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ២ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ