Connect with us

ព័ត៌មានជាតិ

ក្រៅពីប្រាក់ឈ្នួល តើកម្មករមានប្រាក់អត្ថប្រយោជន៍អ្វីផ្សេងទៀត?

បានផុស

នៅ

នៅឆ្នាំ ២០២៣ខាងមុខនេះ ប្រាក់ឈ្នួលអប្បបរមារបស់កម្មករ-និយោជិត ក្នុងវិស័យវាយនភណ្ឌកាត់ដេរ ផលិត​ស្បែ​ក​ជើង និងផលិតផលិតផលធ្វើដំណើរ និងកាបូប ត្រូវបានដំឡើងដល់ ២០០ដុល្លារអាមេរិកក្នុងមួយខែ។ ការសម្រេចយ៉ាងដូច្នេះ បន្ទាប់ពីក្រុមប្រឹក្សាជាតិប្រាក់ឈ្នួលអប្បបរមា បានបើកកិច្ចប្រជុំជាលើកចុងក្រោយ នៅព្រឹកថ្ងៃទី ២១ ខែកញ្ញា ឆ្នាំ ២០២២នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្ដីប្រកាសព័ត៌មានរបស់ក្រសួងការងារ និងបណ្ដុះបណ្ដាលវិជ្ជាជីវៈ បានឲ្យដឹងថា ប្រាក់ឈ្នួលកម្មករ-និយោជិត សម្រាប់ឆ្នាំ ២០២៣ ត្រូវបានដំឡើងដល់ ២០០ដុល្លារអាមេរិក ដោយក្រុមប្រឹក្សាជាតិប្រាក់ឈ្នួលអប្បបរមាសម្រេចយកតួលេខ ១៩៨ដុល្លារអាមេរិក ហើយសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា សម្រេចបន្ថែមទឹកប្រាក់ចំនួន ២ដុល្លារអាមេរិកទៀត។

សេចក្ដីប្រកាសព័ត៌មានដដែល បានបញ្ជាក់ថា ប្រាក់អត្ថប្រយោជន៍ផ្សេងទៀត ដែលកម្មករ-និយោជិតធ្លាប់ទទួលបានកន្លងមក ត្រូវបានរក្សាទុកនៅដដែល។ ប្រាក់អត្ថប្រយោជន៍ទាំងនោះ រួមមាន៖ ប្រាក់សោហ៊ុយធ្វើដំណើរ និងស្នាក់នៅចំនួន ៧ដុល្លារអាមេរិកក្នុងមួយខែ, ប្រាក់រង្វាន់ធ្វើការទៀងទាត់ចំនួន ១០ដុល្លារអាមេរិកក្នុងមួយខែ, ប្រាក់ថ្លៃបាយសម្រាប់ការធ្វើការងារបន្ថែមម៉ោង ដោយស្ម័គ្រចិត្តចំនួន ២,០០០រៀលក្នុងមួយថ្ងៃ ឬការទទួលបានបាយមួយពេលដោយឥតគិតថ្លៃ និងប្រាក់រង្វាន់អតីតភាពការងារចំនួនពី ២ដុល្លារអាមេរិក ដល់ ១១ដុល្លារអាមេរិកក្នុងមួយខែ សម្រាប់កម្មករ-និយោជិត ដែលបានធ្វើការចាប់ពីឆ្នាំទី ២ ដល់ឆ្នាំទី ១១។

ប្រភពដដែល បានបញ្ជាក់ទៀតថា «ដូចនេះ ជាមធ្យមកម្មករ-និយោជិតម្នាក់ៗ នឹងទទួលបានប្រាក់បៀវត្សយ៉ាងតិចចំនួនពី ២១៧ (ពីររយដប់ប្រាំពីរ) ដុល្លារអាមេរិក ដល់ ២២៨ (ពីររយម្ភៃប្រាំបី) ដុល្លារអាមេរិកក្នុងមួយខែ»៕

អត្ថបទ៖ ឃួន សុភ័ក្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម