Connect with us

ព័ត៌មានជាតិ

មកដឹងប្រវត្តិប្រទេសទីម័រខាងកើត ដែលជាបេក្ខភាពសមាជិកទី១១ របស់អាស៊ាន

បានផុស

នៅ

ប្រធានាធិបតីទីម័រខាងកើតកាលពីថ្ងៃទី១៩ ខែតុលា បានដឹកនាំគណៈប្រតិភូជាន់ខ្ពស់មកបំពេញទស្សនកិច្ចផ្លូវរដ្ឋនៅកម្ពុជា រយៈពេល ៣ថ្ងៃ។ ដំណើរទស្សនកិច្ចរបស់លោកប្រធានាធិបតេយ្យទីម័រខាងកើតមកកម្ពុជានាពេលនេះ ខណៈប្រទេសកម្ពុជាធ្វើជាប្រធានអាស៊ានសម្រាប់ឆ្នាំ២០២២ ហើយក៏ស្របពេលប្រទេសទីម័រខាងកើត កំពុងខិតខំរិះរកការគាំទ្រ ដើម្បីឲ្យប្រទេសដែនកោះមួយនេះក្លាយជាសមាជិកទី១១ របស់អាស៊ានជាផ្លូវការ។ តើប្រទេសទីម័រខាងកើត មានប្រវត្តិបែបណា? ហើយមានការព្យាយាមយ៉ាងណាដែរ ដើម្បីបានចូលជាសមាជិកនៃគ្រួសារអាស៊ាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីម័រខាងកើត ឬ ទីម័រឡេស្ដេ មានឈ្មោះជាផ្លូវការថា សាធារណរដ្ឋប្រជាធិបតេយ្យទីម័រខាងកើត ដែលជាប្រទេសដែន កោះមួយស្ថិតនៅតំបន់អាស៊ីអាគ្នេយ៍។ សាធារណរដ្ឋប្រជាធិបតេយ្យទីម័រខាងកើត មានព្រំដែនព័ទ្ធជុំវិញដោយប្រទេស ឥណ្ឌូនេស៊ី ហើយមានផ្ទៃសរុប១៤ ៨៧០គីឡូម៉ែត្រក្រឡា ដែលមានប្រជាជនប្រមាណ ១លាន៣សែននាក់។ ប្រទេស ដែនកោះមួយនេះ មានរដ្ឋធានីឈ្មោះ ឌីលី ហើយភាសាផ្លូវការ គឺភាសាព័រទុយហ្គាល់ និងភាសាតាទុម។ សេដ្ឋកិច្ចជាតិរបស់ប្រទេសដែនកោះនេះ បានពឹងផ្អែកស្ទើរទាំងស្រុងទៅលើពាណិជ្ជកម្មប្រេង ហើយផលិតផលក្នុងស្រុកសរុប GDP គឺមាន ១.៦ពាន់លានដុល្លារអាមេរិក ជាមួយអាត្រាកំណើន ១.៩ភាគរយ។

សាធារណរដ្ឋប្រជាធិបតេយ្យទីម័រខាងកើត ធ្លាប់នៅក្រោមការត្រួតត្រារបស់អាណានិគមព័រទុយហ្គាល់ នៅសតវត្សទី១៦ រហូតដល់ថ្ងៃទី២៨ ខែវិច្ឆិកា ឆ្នាំ១៩៧៥ ទីម័រខាងកើត ក៏​​បានប្រកាសឯករាជ្យរបស់ខ្លួនដោយជោគជ័យពីការត្រួតត្រានៃប្រទេសព័រទុយហ្គាល់។ ប៉ុន្តែបានត្រឹមតែ ៩ថ្ងៃប៉ុណ្ណោះក្រោយការប្រកាសឯករាជ្យ ប្រទេសតូចមួយនេះ ត្រូវបានឈ្លាន ពាន និងកាន់កាប់ដោយយោធាឥណ្ឌូនេស៊ី ហើយបានប្រកាសជាខេត្តទី២៧ របស់ប្រទេសឥណ្ឌូនេស៊ី។ សាធារណរដ្ឋប្រជាធិបតេយ្យទីម័រខាងកើត បានទទួលឯករាជ្យទាំងស្រុងពី​ប្រទេសឥណ្ឌូនេស៊ី កាលពីថ្ងៃទី២០ ខែឧសភា ឆ្នាំ២០០២ ហើយក្រោយទទួលបានឯករាជ្យ ប្រទេសដែនកោះនេះ ក៏បានចូលជាសមាជិកអង្គការសហប្រជាជាតិ។

ក្រោយការទទួលបានអធិបតេយ្យភាពជារដ្ឋឯករាជ្យ ប្រទេសទីម័រខាងកើត បានខិតខំប្រឹងប្រែងរិះរកគ្រប់វិធីសាស្ត្រ ដើម្បីការពង្រឹងភាពជាម្ចាស់ និងការនាំប្រទេសឆ្ពោះទៅកាន់ឆាកអន្តរជាតិ តាមរយៈការស្នើចូលជាសមាជិកអង្គការអន្តរជាតិទាំងនៅក្នុងក្របខណ្ឌតំបន់ និងពិភពលោក។ ជាក់ស្ដែង នៅឆ្នាំ២០០៧ ប្រទេសទីម័រខាងកើត បានបង្ហាញអំពីបំណងរបស់ខ្លួន ដើម្បីក្លាយជាសមាជិកទី១១ របស់សមាគមប្រជាជាតិអាស៊ីអាគ្នេយ៍​ ហៅកាត់ថា «អាស៊ាន» ហើយនៅឆ្នាំ ២០១១ សំណើជាផ្លូវការរបស់ទីម័រខាងកើត ក៏ត្រូវបានដាក់ជូនទៅអាស៊ាន។ ប៉ុន្តែបំណងចង់ក្លាយជាសមាជិកអាស៊ាននេះ បានទាមទារពេលវេលាច្បាស់លាស់ ដើម្បីឲ្យទីម័រខាងកើតបំពេញទៅតាមលក្ខខណ្ឌជាច្រើនរបស់អាស៊ាន ហើយត្រូវឈរលើគោលការណ៍កុងសង់ស៊ីសក្នុងការសម្រេចចិត្តរបស់បណ្ដាប្រទេសជាសមាជិកអាស៊ានទាំង១០។

ពាក់ព័ន្ធការស្នើសុំចូលជាសមាជិកអាស៊ានរបស់ប្រទេសទីម័រនេះដែរ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងនាមប្រធានអាស៊ានសម្រាប់ឆ្នាំ២០២២ ធ្លាប់បានអះអាងថា នៅចុងឆ្នាំ២០២២នេះ ប្រទេសទីម័រខាងកើតអាចនឹងប្រកាសសម្រេចជាបេក្ខភាពសមាជិកទី១១ របស់អាស៊ាន ហើយនឹងចូលជាសមាជិកពេញសិទ្ធិនៅឆ្នាំ២០២៣។ ដំណឹងនេះ បានធ្វើឲ្យលោកប្រធានាធិបតីប្រទេសទីម័រខាងកើត បានបង្ហាញក្តីរីករាយយ៉ាងខ្លាំង ហើយបានថ្លែងអំណរគុណសម្តេចតេជោ ហ៊ុន សែន ចំពោះការគាំទ្រ និងកិច្ចខិតខំប្រឹងប្រែងសម្របសម្រួលឲ្យប្រទេសទីម័រក្លាយជាសមាជិកអាស៊ាន។

ផ្អែកលើចំណុចនេះហើយ បានធ្វើឲ្យទំនាក់ទំនងរវាងប្រទេសទាំងពីរ កម្ពុជា-ទីម័រខាងកើត មានភាពល្អប្រសើរឡើងជាលំដាប់ពីមួយឆ្នាំទៅមួយទៅ ហើយកាន់តែមានភាពជិតស្និទ្ធជាមួយគ្នា ក្នុងការពង្រឹងពង្រីកបន្ថែមទៀតនូវទំនាក់ទំនង និងកិច្ចសហប្រតិបត្តិការទាំងនៅក្នុងក្របខណ្ឌទ្វេភាគី និងពហុភាគី ដើម្បីផលប្រយោជន៍ទៅវិញទៅមកនៃប្រទេសទាំងពីរ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣១ វិនាទី មុន

ក្រសួង​ព័ត៌មាន​ និង ​ក្រសួង​ឧស្សាហកម្ម​ ចុះ​អនុស្សរណៈ​យោគយល់​គ្នា​ ដើម្បី​រួមសហការ​គ្នា​ផ្សព្វផ្សាយ​ព័ត៌មាន​ពាក់​ព័ន្ធ ​បេសកកម្ម និង​គោលនយោបាយរួមតែមួយ

ព័ត៌មានជាតិ២៩ នាទី មុន

អ្នកនាំពាក្យរងក្រសួងការងារ ៖ កម្ពុជា ជាឋានសួគ៌របស់សហជីពជាង៦ពាន់

សន្តិសុខសង្គម៣ ម៉ោង មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៣ ម៉ោង មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ៤ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានជាតិ៩ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៧ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ១១ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៨ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

ព័ត៌មានអន្ដរជាតិ១៣ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

Sokha Hotels

ព័ត៌មានពេញនិយម