ព័ត៌មានជាតិ
តាមគម្រោង, សម្ដេចតេជោ ហ៊ុន សែន នឹងជួបពិភាក្សាតាមទូរស័ព្ទជាមួយប្រធានាធិបតីអ៊ុយក្រែន ល្ងាចនេះ
បើគ្មានអ្វីប្រែប្រួលនោះទេ នៅល្ងាចម៉ោង ៤ ថ្ងៃទី ១ ខែវិច្ឆិកានេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា និងជាប្រធានអាស៊ានឆ្នាំ ២០២២ នឹងជួបពិភាក្សាតាមទូរស័ព្ទជាមួយលោក Volodymyr Zelenskyy ប្រធានាធិបតីអ៊ុយក្រែន។

សម្ដេចតេជោ ហ៊ុន សែន បានថ្លែងនៅក្នុងពិធីប្រគល់សញ្ញាបត្រ ជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ជាង ៦ពាន់នាក់ នាព្រឹកថ្ងៃទី ១ ខែវិច្ឆិកានេះថា តាមគម្រោងជំនួបនេះ នឹងពិភាក្សាអំពីទំនាក់ទំនងទ្វេភាគី រវាងកម្ពុជាជាមួយអ៊ុយក្រែន ផង និងទំនាក់ទំនងរវាងអាស៊ានជាមួយអ៊ុយក្រែន ផង។
សម្ដេចតេជោ ហ៊ុន សែន បានថ្លែងយ៉ាងដូច្នេះថា «ហើយល្ងាចនេះ ម៉ោង ៤ល្ងាច ត្រូវនឹងម៉ោង ១១ ម៉ោងនៅទីក្រុងកៀវ ខ្ញុំនឹងជួបពិភាក្សាតាមទូរស័ព្ទជាមួយប្រធានាធិបតីអ៊ុយក្រែន ទាក់ទិននឹងទំនាក់ទំនងទ្វេភាគីផង ហើយទាក់ទងជាមួយនឹងទំនាក់ទំនងរវាងអ៊ុយក្រែន ជាមួយនឹងអាស៊ានផង»។

សម្ដេចតេជោ ហ៊ុន សែន បានថ្លែងបន្ថែមថា នៅថ្ងៃនេះ ក៏មាននិស្សិតជនជាតិអ៊ុយក្រែនម្នាក់ ទទួលបានសញ្ញាបត្រ ពីសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផងដែរ។ សម្ដេចតេជោនាយករដ្ឋមន្ត្រី ក៏បានរំលឹកថា អ៊ុយក្រែន ក៏ធ្លាប់បានជួយបណ្ដុះបណ្ដាលធនធានមនុស្សរបស់កម្ពុជា កាលជំនាន់អតីតសហភាពសូវៀត ដែរ។
សម្ដេចតេជោ ហ៊ុន សែន បានឲ្យដឹងថា «ហើយនៅទីនេះ មាននិស្សិតអ៊ុយក្រែនម្នាក់នៅជាមួយយើងផងដែរ ហើយកាលពីមុននោះ អ៊ុយក្រែន ក៏បានជួយបណ្ដុះបណ្ដាលធនធានមនុស្សរបស់កម្ពុជា ជំនាន់អតីតសហភាពសូវៀតផងដែរ ក្នុងហ្នឹងរាប់ទាំងមន្ត្រីកងទ័ពជើងទឹករបស់យើង ដែលរៀននៅគ្រីមៀរ កាលពីពេលនោះ»៕
អត្ថបទ៖ ឃួន សុភ័ក្រ
-
សន្តិសុខសង្គម១ សប្តាហ៍ agoទុរេនរាប់តោននៅផ្សារភូពុយ អនុញ្ញាតឱ្យបន្តលក់ ក្រោយមន្ត្រីជំនាញប្រមូលសំណាក និងសាកសួរប្រភពនាំចូល
-
សេដ្ឋកិច្ច៥ ថ្ងៃ agoរដ្ឋាភិបាលហាមឃាត់ក្រុមហ៊ុនផលិតស្រា និងភេសជ្ជៈផ្ដល់រង្វាន់តាមក្រវិលកំប៉ុង ចាប់ពីដើមខែតុលា ឆ្នាំនេះ
-
ព័ត៌មានជាតិ៤ ថ្ងៃ agoក្រសួងវប្បធម៌ ព្រមានចាត់វិធានការច្បាប់លើជនដែលនៅតែបន្តកែច្នៃ ប្រើគ្រឿងលម្អយកគំរូគ្រឿងឥស្សរិយយស«ព្រះរាជមហាកណ្ឋាភណ្ឌគ្រងរាជសម្បត្តិ»
-
ព័ត៌មានជាតិ៦ ថ្ងៃ agoអ្នកជំនាញ ទាញសញ្ញាបន្ទាត់ក្រហម វិបត្តិនយោបាយផ្ទៃក្នុងថៃអាចផ្ទេរមកជម្លោះព្រំដែនសារជាថ្មី
-
ព័ត៌មានជាតិ២៤ ម៉ោង agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៤ ថ្ងៃ agoថៃលុបMoU 2001៖ សម្ដេចតេជោប្រាប់ថៃថា កុំបបួលកម្ពុជាចរចាទ្វេភាគីទៀត ត្រូវដឹកដៃគ្នាទៅរកយន្តការអន្តរជាតិ
-
ព័ត៌មានអន្ដរជាតិ២ ថ្ងៃ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
ព័ត៌មានជាតិ១ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា


