ព័ត៌មានជាតិ
អាជ្ញាធរក្រុងបាវិត ជួសជុលហេដ្ឋារចនាសម្ព័ន្ធផ្លូវ៣ខ្សែ សម្រួលដល់ការធ្វើដំណើររបស់ពលរដ្ឋ
(ខេត្តស្វាយរៀង)៖ ផ្លូវលំ៣ខ្សែប្រវែង៣.៤៥០ម៉ែត្រក្នុងសង្កាត់បាវិត ត្រូវបានជួសជុលនិងពង្រីកក្រាលថ្មមិចឡើងវិញ តបតាមការស្នើរបស់ប្រជាពលរដ្ឋក្នុងមូលដ្ឋាន ដើម្បីសម្រួលដល់ការធ្វើដំណើរដោយសុវត្ថិភាព។
លោក សាញ់ សាខុន ចៅសង្កាត់ក្រុងបាវិត បានឱ្យដឹងនៅថ្ងៃទី ២ ខែវិច្ឆិកា ឆ្នាំ២០២២ថា ដោយមានការយកចិត្តទុកដាក់ ក៏ដូចជាការចង្អុលបង្ហាញពីសំណាក់លោក លឹម សៀងហេង អភិបាលក្រុងបាវិត និងសំណូមពររបស់បងប្អូនប្រជាពលរដ្ឋ ស្នើសុំជួសជុលនិងពង្រីកក្រាលថ្មមិចឡើងវិញ ដើម្បីងាយស្រួលធ្វើដំណើរ អាជ្ញាធរ បានជួសជុលផ្លូវលំចំនួន ៣ខ្សែប្រវែង៣.៤៥០ម៉ែត្រទទឹង៧ម៉ែត្រ ឆ្លងកាត់ចំនួន២ភូមិ គឺភូមិតាពៅ១ខ្សែ និងភូមិបាវិតកណ្តាល ចំនួន២ខ្សែ ស្ថិតក្នុងសង្កាត់បាវិត ក្រុងបាវិត ខេត្តស្វាយរៀង។
លោកចៅសង្កាត់បាវិតបានឲ្យដឹងទៀតថា ចំពោះថវិកាក្នុងការជួសជុលនេះ បានមកពីសប្បុរសជននានា ដោយមានការអំពាវនាវពីសំណាក់លោកអភិបាលក្រុង នាពេលកន្លងមក ដោយសារផ្លូវទាំង៣ខ្សែនេះមានសភាពតូចចង្អៀត និងខូចខាតច្រើនហើយ នៅរដូវវស្សា ស្ថានភាពផ្លូវ គឺមានទឹកដក់ និងរអិលពិបាកក្នុងការធ្វើដំណើរឆ្លងកាត់ផ្លូវទាំងនេះ ជាពិសេសគឺនៅពេលបងប្អូនប្រជាពលរដ្ឋដឹកកសិផលមកកាន់ទីផ្សារតែងតែជួបការលំបាកក្នុងការធ្វើដំណើរ។
លោកចៅសង្កាត់ បានបន្តថា សម្រាប់ការពង្រីក និងការជួសជុលស្ថាបនាផ្លូវនាពេលនេះ លោកសុំការយោគយល់ពីប្រជាពលរដ្ឋដែលរស់នៅអមសងខាងផ្លូវសូមជួយសម្រួលដល់អាជ្ញាធរក្នុងការជួសជុលស្ថាបនាផ្លូវទាំង៣ខ្សែនេះឡើងវិញផងដែរ ជាពិសេសគឺផលប៉ះរបងផ្ទះរបស់ពួកគាត់ក្នុងការពង្រីកផ្លូវ។
លើសពីនេះទៀត លោកក៏បានសំណូមពរដល់ប្រជាពលរដ្ឋដែលរស់នៅក្នុងមូលដ្ឋានរបស់ខ្លួន ជាពិសេសអ្នកដែលប្រើប្រាស់ផ្លូវថ្នល់ទាំងអស់ សូមចូលរួមថែទាំផ្លូវថ្នល់ ដែលបានធ្វើរួចហើយ ត្រូវគិតថា ផ្លូវជាសម្បត្តិរួម ដើម្បីប្រើប្រាស់បានយូរអង្វែង។
ដោយឡែកប្រជាពលរដ្ឋ ក៏ដូចជាអ្នកដែលបានធ្វើដំណើរឆ្លងកាត់ផ្លូវខាងលើនេះ បានថ្លែងអំណរគុណចំពោះថ្នាក់ដឹកនាំគ្រប់លំដាប់ដែលបានធ្វើការកែលម្អក៏ដូចជាជួសជុលផ្លូវទាំងអស់នៅមូលដ្ឋានឡើងវិញ ដើម្បីសម្រួលដល់ការធ្វើដំណើរដោយមិនព្រងើយកន្តើយទុកឲ្យប្រជាពលរដ្ឋជួបការលំបាកនោះឡើយ ៕ ដោយ:ភក្ដី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ