ព័ត៌មានជាតិ
ខួប១ឆ្នាំ បាក់រលំអគារនៅខេត្តកែប អាជ្ញាធរ សង្កត់ធ្ងន់លើការអនុវត្តតឹងរ៉ឹងតាមគោលការណ៍ច្បាប់ មុនសាងសង់
បន្ទាប់ពីសោកនាដកម្មបាក់អគារកំពុងសាងសង់កាលពីឆ្នាំកន្លងទៅបានក្លាយជាបទពិសោធន៍ជូរចត់សម្រាប់អាជ្ញាធរដោយអាជ្ញាធរបានបង្កើនការរឹតបន្តឹងទៅលើសំណង់អគារផ្សេងៗឲ្យម្ចាស់សំណង់គោរពតាមគោលការណ៍ច្បាប់មុននឹងធ្វើការសាងសង់។
លោក វ៉ៅ សុខា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកែប បានប្រាប់កម្ពុជាថ្មីនៅថ្ងៃទី៥ខែមករានេះថា ទីតាំងដែលបានបាក់រលំកាលពីឆ្នាំមុនមិនទាន់មានការសាងសង់នៅឡើយទេ ដោយប្រជាពលរដ្ឋសាច់ញាតិបានធ្វើពិធីបង្សុកូលឧទ្ទិសមគ្គផលដល់ជនរងគ្រោះ ដែលបានស្លាប់នៅក្នុងហេតុការណ៍នោះ។
លោកបន្តថា អាជ្ញាធរបានអនុវត្តច្បាប់សាងសង់ និងធ្វើតាមការណែនាំរបស់ក្រសួងរៀបចំដែនដី នគរូបនីយកម្ម និងសំណង់ដូចជាការពង្រឹងទៅលើការសាងសង់ ការហាមមិនឲ្យស្នាក់នៅក្នុងអគារ រីឯម្ចាស់សំណង់ត្រូវតែមានក្រុមជាងច្បាស់លាស់បញ្ចប់ការសិក្សាថ្នាក់ស្ថាបត្យករ ឬវិស្វករជាដើម។
ហេតុការណ៍បាក់រលំអគារកម្ពស់៧ជាន់នៅខេត្តកែបកាលពីថ្ងៃទី ៣ ខែមករា ឆ្នាំ២០២០ បណ្តាលឲ្យមនុស្សចំនួន ៣៦ នាក់ស្លាប់ និង២៣ នាក់រងរបួសធ្ងន់ស្រាល។
ក្រោយពេលបញ្ចប់ប្រតិបត្តិការជួយសង្គ្រោះរយៈពេល២ថ្ងៃ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងចេញពីខេត្តកែបបញ្ជាក់មូលហេតុចំនួន២គឺមេការសំណង់មិនធ្វើតាមគម្រោងប្លង់ ដោយដាក់កកម្រិតដែកមានទំហំតូចជាងដែកដែលបានកំណត់នៅក្នុងប្លង់និងកំហុសទី២ ដោយសារឆាប់ដកក្តារពុម្ពប្លង់សេលឿនពេកមុនការកំណត់ដែលតាមបច្ចេកទេសគឺតម្រូវឲ្យបាន២០ថ្ងៃប៉ុន្តែ មេការបានបញ្ជាឲ្យដកមិនដល់១០ថ្ងៃផង។
កម្ពុជាជួបហេតុការណ៍បាក់រលំអគារចំនួន ៣ លើកចាប់ពីឆ្នាំ២០១៩ ដល់ដើមឆ្នាំ២០២០ គឺនៅថ្ងៃទី ២២ ខែមិថុនា ហេតុការណ៍បាក់រលំអគារកម្ពស់៧ជាន់នៅខេត្តព្រះសីហនុ បណ្តាលឲ្យមនុស្សចំនួន២៨នាក់ស្លាប់ និងរងរបួសចំនួន២៦នាក់ ករណីទី២ កើតមានឡើងនៅថ្ងៃទី២ដើមខែធ្នូ នៅខេត្តសៀមរាបបណ្តាលឱ្យមនុស្ស៣នាក់ស្លាប់ និង១៣នាក់រងរបួស និងករណីទី៣ នៅថ្ងៃទី ៣ ដើមខែមករា ឆ្នាំ២០២០ដែលបណ្តាលឲ្យមនុស្សដែលភាគច្រើនជាកម្មករចំនួន៣៦ នាក់ស្លាប់ និង២៣ នាក់រងរបួស៕
អត្ថបទ៖ ឡេង ដេត
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore