Connect with us

ព័ត៌មានជាតិ

រាជបណ្ឌិត្យសភាទទួលថវិកា៥ពាន់ដុល្លារពីឧកញ៉ា សំ សុខនឿន បោះពុម្ពសៀវភៅផលិតសាច់ក្រក

បានផុស

នៅ

ឧកញ៉ា សំ សុខនឿន ប្រធានសមាគមអចលនទ្រព្យសកល និងជាអគ្គនាយកក្រុមហ៊ុន SAM SN REALTY បានឧបត្ថម្ភថវិកាចំនួន ៥ពាន់ដុល្លារអាមេរិកដល់រាជបណ្ឌិត្យសភាកម្ពុជា ដើម្បីគាំទ្រការបោះពុម្ពសៀវភៅស្ដីពី «ការផលិតសាច់ក្រក»។ ពិធីប្រគល់-ទទួលថវិកា បានធ្វើឡើងក្នុងជំនួបរវាងលោក សុខ ទូច ប្រធានរាជបណ្ឌិត្យសភាកម្ពុជា និងឧកញ៉ា សំ សុខនឿន នៅថ្ងៃទី១៣ ខែធ្នូ ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងជំនួបនេះ លោក សុខ ទូច បានលើកឡើងថា ភារកិច្ចចម្បងរបស់រាជបណ្ឌិត្យសភាកម្ពុជា គឺការសិក្សាស្រាវជ្រាវលើគ្រប់វិស័យ និងប្រធានបទដែលជាគន្លឹះ ក៏ដូចជាចំណុចស្នូលនៅក្នុងដំណើរការវិវឌ្ឍសង្គមជាតិ ដើម្បីចូលរួមចំណែកក្នុងការដោះស្រាយបញ្ហាសង្គម ការអភិវឌ្ឍធនធានមនុស្ស និងយុទ្ធសាស្ត្រនៅក្នុងការអភិវឌ្ឍប្រទេសជាដើម។

លោក បានបន្តថា ក្រោយការសិក្សាស្រាវជ្រាវបានបញ្ចប់ រាជបណ្ឌិត្យសភាកម្ពុជាតែងតែបានផ្ដល់ធាតុចូលជាច្រើនទៅកាន់ក្រសួង-ស្ថាប័នពាក់ព័ន្ធ។

ប៉ុន្តែទោះជាយ៉ាងណា លោក សុខ ទូច បញ្ជាក់ថា ការកសាងឯកសារ និងអត្ថបទស្រាវជ្រាវដែលត្រូវបោះពុម្ពផ្សព្វផ្សាយ គឺថវិកាមានកំណត់ ដូច្នេះហើយ កម្រិតនៃការបោះពុម្ពផ្សព្វផ្សាយទៅកាន់សាធារណជន ក៏មិនអាចមានវិសាលភាពទូលំទូលាយនោះដែរ ដែលជាបញ្ហាចោទសម្រាប់ស្ថាប័នសិក្សាស្រាវជ្រាវ។

ហេតុនេះហើយ លោក សុខ ទូច បានថ្លែងអំណរគុណយ៉ាងជ្រាលជ្រៅចំពោះឧកញ៉ា សំ សុខនឿន ដែលមានគំនិតចូលរួមលើកស្ទួយការបោះពុម្ពផ្សព្វផ្សាយសៀវភៅស្ដីពី ការផលិតសាច់ក្រកនេះ ក៏ដូចជាការចូលរួមជាចំណែកក្នុងការជំរុញ ផ្ដល់ចំណេះដឹង និងជំនាញថ្មីៗដល់សាធារណជន ពិសេសយុវជនកម្ពុជា។

ជាការឆ្លើយតប ឧកញ៉ា សំ សុខនឿន បានបញ្ជាក់ថា ការចូលរួមឧបត្ថម្ភជាថវិការបស់លោក នាពេលនេះ គឺដើម្បីជួយជំរុញវិស័យម្ហូបអាហារ ដោយផ្សារភ្ជាប់ទៅនឹងវិស័យទេសចរណ៍នៅកម្ពុជាឲ្យកាន់តែសម្បូរបែប ជាពិសេសការទាក់ទាញភ្ញៀវទេសចរជាតិ-អន្តរជាតិឲ្យស្គាល់កាន់តែទូលំទូលាយ តាមរយៈស្នាដៃចងក្រងសៀវភៅម្ហូបអាហារ រួមទាំងផលិតផលសាច់ក្រកនេះឡើង ជាដើម។

គួរជម្រាបដែរថា ក្រៅពីការងារជាអ្នកជំនួញក្នុងវិស័យអចលនទ្រព្យ ឧកញ៉ា សំ សុខនឿន ក៏តែងតែចូលរួមសកម្មភាពសប្បុរធម៌ និងការងារសង្គមជាញឹកញាប់។ ជាក់ស្ដែង កាលពីថ្ងៃទី២៣ ខែវិច្ឆិកា កន្លងទៅនេះ ឧកញ៉ា សំ សុខនឿន ក៏បានដឹកនាំក្រុមសប្បុរសជនខ្មែរ និងសប្បុរសជនជប៉ុន ដោយបាននាំយករថយន្តសង្គ្រោះចំនួន ៥គ្រឿងជូនឯកឧត្តម បណ្ឌិត ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោកផងដែរ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

អតីតអ្នកនាំពាក្យក្រសួងការបរទេសចិន នឹងកាន់តំណែងជាឯកអគ្គរដ្ឋទូតចិ​នប្រចាំកម្ពុជា

សេចក្ដីជូនដំណឹង៤ ម៉ោង មុន

ទឹកប្រាក់​១២៥​លាន​រៀល​ពី​ភេសជ្ជៈ​ប៉ូវ​កម្លាំង ខា​រ៉ា​បាវ បន្ត​ចែកជូន​អ្នកមាន​សំណាង​រៀងរាល់​សប្ដាហ៍​

ព័ត៌មានជាតិ៥ ម៉ោង មុន

អាស៊ានប្ដេជ្ញាចិត្ត ចំពោះកិច្ចសហប្រតិបត្តិការ និងបរិយាបន្ន ក្នុងការជំរុញវឌ្ឍនភាពផ្នែកវិទ្យាសាស្ត្រ បច្ចេកវិទ្យា និងនវានុវត្តន៍

ព័ត៌មានជាតិ៦ ម៉ោង មុន

ប្រមុខការពារជាតិ៖ អាមេរិកនឹងពង្រឹង និងពង្រីកទំនាក់ទំនង និងកិច្ចសហប្រតិបត្តិការជាមួយកម្ពុជា ជាពិសេសលើវិស័យការពារជាតិ

សេដ្ឋកិច្ច៧ ម៉ោង មុន

ការ​លក់​រថយន្ត​​របស់​ក្រុម​ហ៊ុន​​ Tesla នៅ​ចិន​ ធ្លាក់​ចុះ​នៅ​ខែ​ឧសភា​

ព័ត៌មានជាតិ៩ ម៉ោង មុន

អាជ្ញាធរកោះកុង សិក្សាជួសជុលច្រាំងថ្មមាត់ព្រែកកោះប៉ោមុខសាលាខេត្ត

សេដ្ឋកិច្ច១៤ ម៉ោង មុន

​កសិដ្ឋានគិរីសួគ៌​ មានសមត្ថភាពផលិតទឹកដោះគោស្រស់​ដល់ ១ ម៉ឺន ៥ ពាន់លីត្រ ​ក្នុងមួយថ្ងៃ​

ព័ត៌មានអន្ដរជាតិ១១ ម៉ោង មុន

មហាសេដ្ឋីឥណ្ឌា Ambani ធ្លាក់តំណែងជាអ្នកមានបំផុតនៅអាស៊ី ក្រោយ Adani វ៉ាដាច់ភឹង

ព័ត៌មានជាតិ១៤ ម៉ោង មុន

​ដឹង​លម្អិត​ស្ថានភាព​ផ្លូវ​ជាតិ​លេខ ១០ កំណាត់​ណា​បាន​ចាក់​កៅស៊ូ និង​មិន​ទាន់​ចាក់​កៅស៊ូ ងាយ​ស្រួល​បើក​បរពេល​ភ្លៀង

ព័ត៌មានអន្ដរជាតិ១៥ ម៉ោង មុន

កាន់តែក្តៅ! ណាតូមួយប្រទេស បើកដៃឲ្យអ៊ុយក្រែន យក F-16 វាយប្រហារទឹកដី រុស្ស៊ី

Sokha Hotels

ព័ត៌មានពេញនិយម