គ្រួសាររងគ្រោះដោយភ្លើងឆេះផ្ទះទទួលអំណោយពីសាខាកាកបាទក្រហមខេត្តតាកែវ

នារសៀលថ្ងៃទី១៤ ខែមករា ឆ្នាំ២០២១ លោកស្រី នូ សុវណ្ណនី តំណាងរាស្ត្រមណ្ឌលខេត្តតាកែវ និងជាអនុប្រធានអចិន្ត្រៃយ៍គណៈកម្មាធិការសាខាកាកបាទក្រហមកម្ពុជា ខេត្តតាកែវ និង លោកស្រី និន សាផុន ប្រធានគណៈកម្មការទី៩ នៃរដ្ឋសភា តំណាងរាស្រ្តមណ្ឌលខេត្តតាកែវ បាននាំយកអំណោយមនុស្សធម៌របស់សាខាកាកបាទក្រហមកម្ពុជា ខេត្តតាកែវ ទៅជូន និងចូលរួមរំលែកទុក្ខលំបាកដល់ក្រុមគ្រួសារដែលរងគ្រោះដោយភ្លើងឆេះផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រួសាររងគ្រោះនោះ គឺលោក គង់ ចំរើន និងប្រពន្ធ ឈ្មោះ សាន ជុំ រស់នៅភូមិបេង ឃុំក្រពុំឈូក ស្រុកកោះអណ្ដែត ខេត្តតាកែវ ដែលផ្ទះរបស់ពួកគាត់ត្រូវបានទុស្សេខ្សែភ្លើងឆេះអស់ផ្ទះមួយខ្នង(ផ្ទះឈើលើថ្មក្រោមទទឹង៧ម៉ែត្របណ្ដោយ៨ម៉ែត្រ) និងលុយ ទ្រព្យសម្បត្តិផ្សេងៗ កាលពីព្រឹកវេលាម៉ោង៦ព្រឹកថ្ងែទី១៤ ខែមករា ឆ្នាំ២០២១។

អំណោយមនុស្សធម៌របស់សាខាកាកបាទក្រហមកម្ពុជាខេត្តតាកែវ ដែលយកទៅចែកជូននាឱកាសនោះរួមមាន៖ គ្រឿងឧបភោគបរិភោគ និងថវិកាមួយចំនួន ផងដែរ៕

អត្ថបទ ៖ វីរៈ