ព័ត៌មានជាតិ
ឯកសារជិត ១ពាន់ ត្រូវបានក្រុមការងារផ្តល់សេវាដល់ខ្នងផ្ទះ យកជូនប្រជាពលរដ្ឋក្នុងសង្កាត់បឹងទំពន់ទី ១
មកដល់ពេលនេះ ក្រុមការងារផ្តល់សេវាជូនប្រជាពលរដ្ឋដល់ខ្នងផ្ទះ ដែលបង្កើតឡើងដោយលោក ស ថេត ប្រធានក្រុមការងារគណបក្សប្រជាជនកម្ពុជា ចុះជួយសង្កាត់បឹងទំពន់ទី ១ ខណ្ឌមានជ័យ បានយកឯកសារនានា ជូនប្រជាពលរដ្ឋដល់តាមខ្នងផ្ទះចំនួនជិត ១ពាន់ឯកសារហើយ។

លោក សាន សុខសីហា ជំនួយការលោក ស ថេត បានឲ្យដឹងថា ក្រុមការងារផ្តល់សេវាជូនប្រជាពលរដ្ឋដល់ខ្នងផ្ទះ នៅក្នុងសង្កាត់បឹងទំពន់ទី ១នេះ ត្រូវបានបង្កើតឡើងកាលពីដើមខែកក្កដា ឆ្នាំ ២០២២មកម្លេះ ហើយរហូតមកដល់ពេលនេះ មានឯកសារនានាជិត ១ពាន់ឯកសារ ត្រូវបានក្រុមការងារយកជូនប្រជាពលរដ្ឋដល់ខ្នងផ្ទះ។

គោលបំណងដែលលោក ស ថេត ប្រធានក្រុមការងារគណបក្សប្រជាជនកម្ពុជា ចុះជួយសង្កាត់បឹងទំពន់ទី ១ បង្កើតក្រុមការងារផ្តល់សេវាជូនប្រជាពលរដ្ឋដល់ខ្នងផ្ទះបែបនេះ គឺដើម្បីជួយសម្រួលការលំបាករបស់ប្រជាពលរដ្ឋ ដែលត្រូវទៅធ្វើ និងចាំយកឯកសារនៅសង្កាត់។

ម្យ៉ាងទៀត លោកប្រធានក្រុមការងារចុះជួយសង្កាត់បឹងទំពន់ទី ១ គិតដល់ប្រយោជន៍ជារួមរបស់ប្រជាពលរដ្ឋ ដោយនៅពេលដែលមានក្រុមការងារនេះ គឺប្រជាពលរដ្ឋមិនចាំបាច់រង់ចាំនៅសង្កាត់ឡើយ។ ដូច្នេះហើយ ធ្វើឲ្យពួកគាត់ចំណេញពេលវេលា ហើយនៅពេលចំណេញពេលវេលា ប្រជាពលរដ្ឋអាចយកពេលវេលានោះ ទៅធ្វើការងារ ទៅប្រកបមុខរបរ ឬធ្វើអាជីវកម្មផ្សេង ដែលអាចនាំមកនូវចំណូលបន្ថែមទៀត។

លោក សាន សុខសីហា ឲ្យដឹងបន្ថែមថា «អ្វីដែលសំខាន់បំផុត គឺមិនចង់ឲ្យប្រជាពលរដ្ឋលំបាក គឺមានន័យថា ក្រុមការងារនេះបង្កើតឡើង ដើម្បីយកឯកសារនានាទៅដល់ខ្នងផ្ទះរបស់ពួកគាត់តែម្ដង ទាំងនៅពេលថ្ងៃ និងពេលយប់ ដោយនៅពេលក្រុមការងារទាក់ទងទៅ ហើយប្រជាពលរដ្ឋនៅផ្ទះ ឬពេលខ្លះនៅកន្លែងការងារ ឬនៅកន្លែងប្រកបមុខរបររបស់ពួកគាត់ គឺក្រុមការងារយកទៅជូនដល់ដៃតែម្ដង»។

សូមជម្រាបថា ឯកសារដែលក្រុមការងារយកជូនប្រជាពលរដ្ឋ នៅក្នុងសង្កាត់បឹងទំពន់ទី ១ ខណ្ឌមានជ័យ រួមមាន៖ អត្រានុកូលដ្ឋាន, សំបុត្រកំណើត, សំបុត្រអាពាហ៍ពិពាហ៍, សំបុត្រមរណភាព, និងឯកសារពាក់ព័ន្ធមួយចំនួនទៀត ដែលប្រជាពលរដ្ឋបានទៅធ្វើនៅក្នុងសង្កាត់បឹងទំពន់ ១៕
អត្ថបទ៖ ឃួន សុភ័ក្រ



-
ព័ត៌មានអន្ដរជាតិ១ សប្តាហ៍ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១២ ម៉ោង ago
អគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៤ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៦ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៦ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៤ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ៦ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម១៤ ម៉ោង ago
ជនមិនស្គាល់មុខ លីបារី ១០៥ សុង ឆ្លងកាត់ច្រកអន្តរជាតិភ្នំដី ត្រូវកម្លាំងគយចាប់បាន