ព័ត៌មានជាតិ
អភិបាលខេត្តតាកែវ បើកការដោះស្រាយជូនពលរដ្ឋ ៤០០នាក់ មានទំនាស់ជាមួយក្រុមហ៊ុន ជា សារ៉ន
ខេត្តតាកែវ៖ នៅព្រឹកថ្ងៃទី ០៥ ឧសភានេះ អាជ្ញាធរខេត្តតាកែវ បានបើកកិច្ចប្រជុំដោះស្រាយបញ្ហារវាងពលរដ្ឋក្នុងខេត្តតាកែវប្រមាណ ៤០០នាក់ ជាមួយក្រុមហ៊ុន ជា សារ៉ន ក្រោយពីពួកគាត់បានសុំកិច្ចអន្តរាគមន៍ទៅលើបញ្ហានេះ។
ក្រោយពីស្ដាប់ការលើកឡើង និងសំណូមពររបស់ប្រជាពលរដ្ឋ បានជ្រាបពីបញ្ហារួចហើយ លោក អ៊ូច ភា អភិបាលខេត្តតាកែវ បានដោះស្រាយបញ្ហាចំនួន៣ចំណុច ជូនប្រជាពលរដ្ឋ។ ចំណុចទី១. ឱ្យប្រជាពលរដ្ឋដាក់ពាក្យបណ្ដឹងនៅខេត្តកំពត ឬដាក់ពាក្យបណ្ដឹងនៅសាលាខេត្តតាកែវ ហើយអាជ្ញាធខេត្តតាកែវ នឹងជួយអន្តរាគមន៍ទៅខេត្តកំពតឱ្យជួយដោះស្រាយជូនបងប្អូនប្រជាពលរដ្ឋ។
ទី២. ករណីប្រជាពលរដ្ឋខ្ចីលុយធនាគារ គឺឱ្យក្រុមហ៊ុន ជា សារ៉ន ជាអ្នកទទួលខុសត្រូវក្នុងការបង់ការប្រាក់ជំនួសប្រជាពលរដ្ឋ, និងទី៣ ពាក់ព័ន្ធនឹងប្លង់ដីរបស់ប្រជាពលរដ្ឋដែលដាក់បញ្ចាំនៅធនាគារគឺឱ្យក្រុមហ៊ុន ជា សារ៉ន យកអចលនទ្រព្យរបស់ខ្លួនដាក់បញ្ចាំនៅធនាគារយកប្រាក់មកលស់ប្លង់ជូនប្រជាពលរដ្ឋវិញ។
ជាមួយគ្នានេះ លោកអភិបាលខេត្តតាកែវ ក៏បានសំណូមពរដល់បុគ្គលិកធនាគារ និងបុគ្គលិកមីក្រូហិរញ្ញវត្ថុទាំងអស់ សូមកុំមានការគំរាមកំហែងប្ដឹងផ្ដល់ ឬររឹបអូសផ្ទះសម្បែង ប្រជាពលរដ្ឋ ដែលខ្ចីលុយពាក់ព័ន្ធទៅនិងក្រុមហ៊ុន ជា សារ៉ន ហើយក្នុងនោះអាជ្ញាធមូលដ្ឋានត្រូវតាមដាន និងអន្តរាគមន៍ឱ្យបានទាន់ពេលវេលា ក្នុងការជួយបងប្អូនប្រជាពលរដ្ឋ បើមានការគំរាមកំហែងណាមួយ។
ប្រជាពលរដ្ឋ បានសម្រេចទទួលយកដំណោះស្រាយរបស់អាជ្ញាធខេត្តតាកែវ ដែលបានដាក់ចេញនេះ៕ អទ្ថបទ៖ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង